Connect with us

Сайхан Түүхүүд

Дизайнер Оля нөхөр Энхболдыгоо бусдаас харамлаж байснаа ярив

Published

on

Загвар өмсөгч Энхболдын эхнэр Оля ийнхүү ярив.

“Би анх удаа нөхрийгөө тайзан дээр алхаж байгааг харсан тэр мэдрэмж аймар сонин. Хувцсаа өмсүүлж байсан мөртлөө тайзны ард мэдрэхгүй шүү дээ тэр яаж алхдаг зэргийг мэдэхгүй. Тэгээд “Говь”-ийн төрх энэ тэр хийгээд явдаг манай хүн чинь өчнөөн туршлагатай болчихсон. Яг тайзан дээрээс харчихаад шоконд орно гэж ерөөсөө төсөөлөөгүй байхгүй юу.

Нэг загварын шоун дээр Энхболд гараад ирсэн юм. Тэгсэн чинь л өөрийн нөхөр болоод ч тэр юм уу аймар гоё харагдаад л. Тэгсэн ард хэдэн хэдэн хүүхнүүд босчихсон ёстой миний шүтээн энэ тэр гээд орилж морилоод. Би аягүй сонин байдалд орчихсон. Тэгсэнээ бүр эргэж хармаар санагдаад байдаг байхгүй юу. Тэгээд эргээд харсан чинь од хүүхнүүд, олны танил дуучин хөгжимчин хүүхнүүд байсан.

Би тодорхой хэмжээнд нөхрөөрөө бахархаж байгаа байхгүй юу. Гэхдээ хүүхнүүд тэгэхээр жаахан ч гэсэн харамлах гэх юм уу тийм сэтгэгдэл төрдөг юм байна лээ. Тэгсэнээ нөхрөөрөө аймар гоё бахархаад. Манай хүн чинь тайзыг эзэгнээд гараад явчихдаг за юу. Тэгэхэд аймар гоё санагдаж байсан. Пөөх миний хайр чинь ийм гоё загвар өмсдөг юм байна шд гээд.

Бие биентэйгээ дотно байгаа энэ тэр нь “Ододтой бүжиглэе” шоуны бодлого байх л даа. Гэхдээ жаахан харамлах сэтгэл төрсөн юм болов уу гэж бодогдоод байгаа байхгүй юу. Яагаад гэхлээр нэгийгээ өргөж мөргөчихсөн тээ гэхдээ тэрийг joke болгоод биччихсэн юм л даа /инээв/.

Миний нэг нууц атаархал гэдэг юм уу нэг зүйл байдаг. Юу хийхийг хүсдэг вэ гэхээр дуулж байгаа хүмүүсийг харахлээр өөрийн эрхгүй бурхан яагаад намайг солгой болгочихсон юм бол доо гэж гомддог байхгүй юу. Нөхөртэйгөө дөнгөж танилцаж байхад намайг караокед оруулаад дуулж муулаад панаалдсан л даа. Би караокенд ч орж үзээгүй байсан. Нөхөртэйгөө хамт караокенд орчихоод ямар гоё дуулдаг юм бэ гэж бахархаад.

Би тэгээд хэлж байсан юм. Дуулж чаддаггүй ээ. Тиймээс намайг битгий дуулуулаарай гэсэн чинь манай хүн ямар ч асуудал байхгүй ээ ерөөсөө солгой хүн гэж байдаггүй юм. Сонсгол нь л жаахан муу байна гэж байдаг юм. Чи ёстой надтай суугаад аймар дуулдаг болно энэ тэр гэсэн. Одоог хүртэл дуулж байгаа ч юм алга. Таг солгой хэвээрээ. Дуулж байгаа хүмүүсийг харахлээр үс босоод бараг мөрөөддөг гэх юм уу.

Түүний тухай хүмүүс тэр бүр мэдэхгүй. Тэр өөрөө ч бүхнээ дэлгээд байдаггүй, даруухан оршихыг илүүд үздэг байх. Топ модель Д.Пүрэвсүрэнгийн хамтаар “Говь” брэндийн нүүр царайгаар тодорч, олны анхааралд анх өртсөн түүний талаар та хэр ихийг мэдэх вэ? Танилц, энэ бол Э.Энхболд.

-Э.Энхболдыг найзууд нь “Эндого” гэдэг. Харин түүний гэргий Д.Отгонжаргал нь дизайнер мэргэжилтэй бөгөөд тэдний хайраас Э.Тэгшзаяа хэмээх хөөрхөн охин “ургажээ”.

-Тэр их шүтлэгтэй нэгэн. Охиныхоо нэрийг өгөхийн тулд гандан руу явж, хамба Сангидоржоос нэр гуйжээ. Тэрбээр охиноо Тэгшзаяа гэж нэрлэх тухай бодож, эхнэртээ хэлтэл тэр ч мөн уг нэрийг төлөвлөсөн байж. Дараа нь ламаас асуухад Тэгшзаяа, Ариунзаяа гэсэн нэр тохирно гэсэн байна. Орой нь хосууд будаан дотор нэрээ бичээд сугалахад Тэгшзаяа хэмээх нэр гарч ирсэн гэнэ.

-Эндого шинэ жил болгоноор өвлийн өвгөн болдог. Тэрбээр уг баяраар сайхан сэтгэлт өвлийн өвгөн болж, найзууд, хамаатан садан, ойр дотнынхоо хүүхдүүдийг баярлуулдаг болсоор дөрвөн жилийг үджээ.

-Тэр олон мэргэжилтэй. 2008 оноос загвар өмсөгчөөр ажиллаж байгаа бөгөөд үүнээс өмнө СУИС-ийн дуулаачийн ангид нэг жил суралцжээ. Дараа нь “Монголжингоо” дээд сургуулийг урлаг судлаач, дуучин, жүжигчин мэргэжлээр төгссөн байна. Харин өдгөө СЭЗДС-д Бизнес удирдлагын ангид суралцахын зэрэгцээ “Моннис” компанийн борлуултын хэлтэс ажилладаг.

-Дуулах хүсэл түүний хувьд загварын тайзнаас ч үнэтэй байж мэднэ. 
Тэр Эндого саяхан “Камертон-2” шоунд оролцохоор бүртгүүлсэн байсан ч олны хэл амнаас зугатан нэрээ хасуулсан аж. Ямартай ч, дээр дурдсан их ажлын хажуугаар хэзээ нэгэн цагт дуучны карьер эхлүүлэх мөрөөдөл түүнд бий.

-Гэхдээ тэр мөрөөдлийнхөө захаас амссан нэгэн. Тэр өмнө нь гурван найзтайгаа хамтран хамтлаг байгуулсан бөгөөд гурван ч аймагт бие даасан тоглолтоо зохион байгуулж байжээ. Харин тэр удахгүй эхнэртэйгээ хамтран студи байгуулахаар зэхэж буй юм билээ.

-Түүний төрсөн сар, сар өдөр нь ихэд бэлгэшээлтэй. Арваннэгдүгээр сарын 22 буюу хоёр нэг, хоёр хоёрын дараалал болдог юм.

-Эндогогийн дотнын хоёр найз нь мөн л загвар өмсөгч. Чингүүн, Билгүүн гурвуул “Говь” компанийн брэнд нүүр царай болж байв.

-Тэр эхнэртэй болохоосоо өмнө нэг удаа “гэрлэж” байсан.
 “Говь” компанийн шинэ загварын ноолууран хуримын даашинзны зураг авалтын үеэр топ модель Д.Пүрэвсүрэнтэй “хуримласан” юм.

-Хэрвээ тэр загвар өмсөгч болоогүй байсан бол нисгэгч болох байсан гэнэ. Харин түүний хообий нь аялал.

-Тэр нийслэлийн арван жилийн 62 дугаар сургуулийг 2005 онд төгсөөд дараа жил нь “Монгол модель” агентлагт элсчээ.

-Эндого өнгөрсөн нэгдүгээр сард БНСУ-ын “Korean model association”-ы шилдэг эрэгтэй загвар өмсөгчөөр шалгарсан Монголын анхны эрэгтэй загвар өмсөгч.

Click to comment

Leave a Reply

Your email address will not be published. Required fields are marked *

Сайхан Түүхүүд

Тэр түрийвч хулгайлдаг хүн буянтай хүнээ гэж нөхөр бид 2 хаяа хошигнодог юм

Published

on

By

Оюутан байхдаа ханьтайгаа үерхдэг байлаа. 2-р курсээ төгсдөг зун жирэмсэн болсноо мэдээд бөөн юм болоод л уйлж унжив аа.. Хань минь намайг тайвшруулаад л хоёулаа болноо, хайр нь та хоёрыгоо аваад явж чадна гээд л аргадахаар нь ээж болон гэрийнхнээсээ айгаад авахуулна гэж зүтгэсээр байгаад авахуулах болов оо.

Тэгээд л ямар эмнэлэгт очиж үзүүлэхээ ч мэдэхгүй 2 хүн автобусанд суугаад явж байгаад тэнгисийн буудал дээр буугаад л кармагаа үзсэн чинь түрийвч маань байхгүй…. Тэгээд л чаддагаараа уйлаад л, дахиад мөнгө олоод эмнэлэг орно гээд 2-лаа хүнээс мөнгө зээлчихээд 2 дахь өдөр дэмий байхаа 2-лаа маргааш болъё гээд харих гээд явж байснаа би дарханд байдаг ээж рүүгээ залгасан чинь ээж маань өөдөөс миний охин жирэмсэн болчихсон юм биш биз, ээж нь чамайг зүүдлээд ээ гээд л ярьдаг юм даа.

Би ч өөдөөс нь уйлаад бүх болсон явдлаа хэлсэн чинь ёстой болохгүй шүү авахуулж л болдоггүй юм шүү гээд ээж минь амьдралын минь хамгийн зөв шийдвэрийг гаргуулсан юм даа.

Одоо тэр гүнж минь 8 настай, 3-р ангийн том анай болсон, бас доороо 2 залуу дагуулсан манайх гэдэг айл өнөр өтгөн сайхан гэр бүл болсоон. Бас тэр түрийвч хулгайлдаг хүн нээрээ буянтай хүнээ гэж нөхөр бид 2 хаяа хошигнодог юм.

Эх сурвалж: Бүх хайраа гэр бүлдээ fb page

Continue Reading

Сайхан Түүхүүд

Шууд хэлэхэд хэлгүй дүлий хүү юм

Published

on

By

Өчигдрөөс эхлээд сошиалаар жаахан хүүхдэд Алтан гадас одон өглөө гээд шуугиад байсан.

Би ч бас учрыг нь ойлгоогүй байсан. Тэгсэн энэ хүүхдийг Намдагдоржийн Эрхэмбаяр гэдэг бөгөөд тамирчин хүүхэд юм бна.

– Сонсголын бэрхшээлтэй иргэдийн Дифлимпийн олимпоос чөлөөт бөхөөр мөнгөн медальтай, 
– ДАШТ-нээс алтан медальтай.

Шууд хэлэхэд хэлгүй дүлий хүү юм.

Хөгжлийн бэрхшээлтэй хүүхэд залуустаа үлгэр дуурайл болоод явж буй авьяастай сайн хүү юм байна.тАлтан гадас өгсөн чинь мэдэхгүй улсууд баахан доромжилсон бна.

Жинхэнэ Баатар хүүхэд байна.

Тив, дэлхий, олимпоос медаль авсан тамирчдад насан туршид нь урамшуулал өгөөд бдаг Ерөнхийлөгчийн санаачлагаар гарсан зарлиг энэ хүүхдэд бас үйлчлэх ёстой гэж бодож бна.

Нөгөө эрүүл хөгжилтэй тамирчдаа урамшуулдаг том компаниуд энэ хүүхдэд бас байр, орон сууц, санхүүгийн ДЭМЖЛЭГ үзүүлж, урамшуулаач гэж УРИАЛЖ байна.

ТА БҮХЭН ДЭМЖЭЭД LIKE дарж, ШЭЙР хийж олон нийтэд ТҮГЭЭГЭЭРЭЙ хэмээжээ

Эх сурвалж: Зөв хөгжил fb page

Continue Reading

Сайхан Түүхүүд

Тэр л Монголын анхны эмэгтэй Ерөнхийлөгч байж чадхаар байсан гэдэг…

Published

on

By

Тэрээр 1973 оны нэгдүгээр сарын 26-нд Өвөрхангай аймгийн Тарагт суманд дөрвөн хүүхэдтэй айлын ууган хүүхэд болон мэндэлжээ. 1995-2005 онд Стратегийн судалгааны хүрээлэнгийн судлаач, ахлах судлаач, 2005-2008 онд Тайванийн Тайбэй хот дахь Улаанбаатарын худалдаа эдийн засгийн төлөөлөгчийн газрын тэргүүн. 2008-2009 онд Монгол улсын Үндэсний аюулгүй байдлын зөвлөлийн дэргэдэх Стратегийн судалгааны хүрээлэнгийн зөвлөх, тэргүүлэх шинжээч. 2009-2012 онд Монгол Улсын Ерөнхийлөгчийн зөвлөх, 2012-2016 онд Намын жагсаалтаар сонгогдож, УИХ-ын гишүүнээр ажилласан. Ардчилсан намын Үндэсний зөвлөлдөх хорооны гишүүн. 2011-2012 онд “Нэг ардчилал” клубын зохицуулагч тус тус хийж байв. 

Талийгаач 2012 оны УИХ-ын сонгуульд Ардчилсан намын жагсаалтын 10 дугаарт бичигдэн парламентын гишүүн болж байв. УИХ-ын гишүүн болоод тэрбээр Ёс зүйн дэд хорооны дарга, Аюулгүй байдал, гадаад бодлогын байнгын хороо, Төрийн байгуулалтын байнгын хороо, Өргөдлийн байнгын хороо, Тусгай хяналтын дэд хорооны гишүүнээр ажиллав. Улмаар Монголын Парламентын бүлгэмийн дэд дарга, Европын аюулгүй байдал, хамтын ажиллагааны байгууллагын Парламентын ассамблейтай харилцах бүлэг, НАТО-гийн Парламентын Ассамблейтай харилцах бүлгийн даргын албан тушаалыг хашиж байв. Мөн Монгол-АНУ, Монгол-Хятад, Монгол-БНСУ-ын парламентын бүлгийн дэд даргаар тус тус ажиллаж байжээ. 

Нэр: Мигэддоржийн Батчимэг

Төрсөн огноо: 1973 он

Ам бүл: 5

Боловсрол: 1991-1995 онд БНХАУ-ын Бээжингийн хэл, соёлын сургуульд суралиаж, Хятад хэл, түүх, соёл судлаач мэргэжил эзэмшсэн. Улс төр судлалын магистрын зэрэгтэй.

Ажилласан байдал: 1995-2005 онд Батлан хамгаалах яамны дэргэдэх Стратегийн судалгааны хүрээлэнд судлаач, ахлах судлаач. 2005-2008 онд Тайбэй дахь Улаанбаатарын худалдаа эдийн засгийн төлөөлөгчийн газрын тэргүүн. 2008-2009 онд Үндэсний Аюулгүй байдлын зөвлөлийн дэргэдэх Стратегийн судалгааны хүрээлэнгийн зөвлөх, тэргүүлэх шинжээч. 2009-2012 онд Монгол Улсын Ерөнхийлөгчийн зөвлөхөөр тус тус ажилласан. Улмаар 2012 оны Улсын Их Хурлын зургаа дахь удаагийн сонгуулиар Монгол Улсын Их Хурлын гишүүнээр сонгогдон ажиллаж байна.

Нэр цэвэр гишүүн

Манай улстөрчдийн ихэнх нь янз бүрийн хэл ам, хэрэг төвөгт нэр холбогдсон байдаг. Үнэн, худал нь мэдэгдэхгүй, нэгийгээ гүтгэж байгаа нь тогтоогдоогүй маш олон хар мэдээллийг нэр дээрээ нааж яваа гишүүдийг захаас аваад дурьдаад байвал дуусахгүй. Тэгвэл М.Батчимэг гишүүн тийм хэл амнаас хол яваа төрийн түшээ. Туслахтай нь холбоотой ганц нэг хэл ам гарсныг эс тооцвол өөр наачихмаар хар юм түүнд байхгүй гэхэд болно. УИХ-ын гишүүн, төрийн түшээ хүн ийм л байх ёстой. Авлига, хээл хахууль, элдэв муу муухайгаас ангид, нэр цэвэр байж, улс эх орныхоо төлөө зүтгэх нь тэдний гол үүрэг. М.Батчимэг гишүүн энэ үүргээ маш сайн биелүүлж яваа төрийн түшээ юм.

Боловсорсон улстөрч

Өндөр боловсролтой гэдэг тодотголыг түүнд харамгүй өгөх учиртай. Төгссөн сургууль, ззэмшсэн мэргэжлээр нь тэгж дүгнэж байгаа ч юм биш. Ерөөсөө өнгөрсөн хугацаанд боловсорч чадсан учраас тэр. Хэдийгээр тэрбээр түүх судлаач мэрэгжил эзэмшсэн ч гэсэн ажиллаж байх хугацаандаа улс төр, эдийн засаг, олон улсын харилцаа, аюулгүй байдлын чиглэлээр олон жил судалгааны ажил хийсэн. БХЯ-ны харьяа байгууллагад олон жил ажилласан аюулгүй байдлын салбараар мэргэшсэн судлаач хүн. Дээрээс нь Батлан хамгаалах яамны дэргэдэх Стратегийн судалгааны хүрээлэнд судлаач, ахлах судлаач.

‘Тайбэй дахь Улаанбаатарын худалдаа эдийн засгийн төлөөлөгчийн газрын тэргүүн. Үндэсний Аюулгүй Байдлын Зөвлөлийн дэргэдэх Стратегийн судалгааны хүрээлэнгийн зөвлөх, тэргүүлэх шинжээч гээд маш чухал ажлуудыг хийж байсан. Ерөнхийлөгчийн зөвлөхөөр хүртэл ажилласан хүн шүү дээ. Тэр дундаа улс төр, гадаад бодлого хариуцсан зөвлөх байсан. Энэ үедээ хангалттай боловсорч чадсан улстөрч. Манай улстөрчдийн цөөнгүй хувь нь гишуүн болсныхоо дараа боловсорч, улс төрийн талаар ойлголттой болдог. Тэгвэл тэр аль хэдийнэ боловсорчихоод УИХ-д орж ирсэн эмэгтэй юм. Түүнийг хэр зэрэг боловсорсон, чадвартай болохыг нь намын жагсаалтад нэлээд дээгүүр багтаж, УИХ-ын гишүүн болсон нь батлаад өгнө.

Өнгөрсөн дөрвөн жилд ажлаа маш сайн хийсэн

УИХ-ын гишүүний үүрэгт ажлаа тэрбээр өнгөрсөн дөрвөн жилд маш сайн хийсэн гэж дүгнэх гээд байна. Энэ удаагийн парламентад урд өмнө байгаагүй олон эмэгтэй гишүүн суусан. Тиймдээ ч эмэгтэй гишүүд нийлж албан бус бүлэг байгуулсан. Улмаар Гэр бүлийн хүчирхийлэлтэй тэмцэх хууль, Тамхины хяналтын тухай хууль, Хүүхэд хамгааллын хууль, Хөгжлийн бэрхшээлтэй хүний эрхийн тухай хууль, Хүүхэд харах үйлчилгээний тухай хууль гээд олон хуулийг санаачлан, ихэнхийг нь батлуулсан.

Энэ бүхэнд М.Батчимэг гишүүн гар бие оролцсон. Мөн Монгол хэлний тухай хуулийг бие дааж санаачлан, батлуулсан. Хэвлэлийн эрх чөлөөний тухай хууль дээр ч нэлээд голлож ажилласан. Хэвлэлийнхэнд хамгийн их хэрэгтэй байгаа хууль. Гэх мэтээр дурьдаад байвал чамгүй олон хуульд гар бие оролцож, өөрөө санаачилж ажилласан байна. Хамгийн гол нь түүний оролцож ажилласан, санаачилсан хуулиудын ихэнх батлагдсан. Нэг их олон хууль санаачлаад, ганц ч батлагдаагүй бол сайн ажилласан гэж дүгнэхэд бэрх биз дээ. Бас хууль санаачилсан гэхэд ч хэцүү. Харин М.Батчимэг гишүүн санаачилсан, бусад гишүүдтэй хамтарч ажилласан, гол нь батлуулж чадсан. Монгол хэлний тухай хуулийн ач холбогдолтой талыг бичвэл цаг, цаас хүрэлцэхгүй. Ийм гишүүнийг сайн ажиллажээ гэж дүгнэхгүй гээд яах билээ.

Үлгэр жишээ эмэгтэй гишүүн

Сүүлийн үед УИХ дахь эмэгтэй гишүүдийн тоог нэмэх хэрэгтэй. Квотоо нэммээр байна гэж их ярих болсон. Түүнийхээ үр дүнг ч амсч, өнгөрсөн сонгуулиар 11 эмэгтэй гишүүн УИХ-д сууж чадсан. Тэд ч өнгөрсөн хугацаанд эмэгтэй гишүүдийн үүрэг, оролцоо ямар их хэрэгтэйг харуулж, маш чухал зарим хуулийг батлуулж чадсан. Тэгвэл М.Батчимэг гишүүнийг эмэгтэй гишүүдийн үлгэр дуурайлал болсон түшээ гэж дүгнэхэд болохгүй юм алга. Ер нь эмэгтэй улстөрч түүн шиг л имижтэй, чадвартай, боловсрол мэдлэгтэй байх ёстой юм шиг санагддаг.

Бусад эмэгтэй гишүүдийг муу гэж байгаа юм биш. Бүгд л өөр өөрийн гэсэн чадвартай, боловсролтой. Гэхдээ хийдэг бизнес, боловсрол, өмнө нь хийж байсан ажил, улс төрийн замналтай нь холбоотой янз бүрийн хэл ам гардаг. Зарим нь ярьж, хэлж байгаадаа ороогдож, цахим сайтуудын шар мэдээний бай болох нь ч бий. Харин М.Батчимэг гишүүнд тийм зүйл байхгүй. Ажлаа сайн хийгээд хажуугаар нь судалгаа шинжилгээний ажлаа амжуулж, хэзээний буурьтай улстөрч шиг зангарагтай явж чаддаг. Тийм болохоор эмэгтэй гишүүд цаашид гишүүн болох гэж буй эмэгтэй улстөрчид түүнээс үлгэр авахад буруудаад байх зүйлгүй болов уу.

Лоббид автдаггүй улстөрч

Манай улстөрчид хэн нэгний лоббид автаж, буруу зүйлээрээ оролдох гээд байдаг гэмтэй. Зөв, бурууг ялгахдаа маруухан нөхдүүд УИХ-аар дүүрэн л байна. Эсвэл хэн нэгний ятгалга орж, зөвхөн түүнийхээ шийдвэрийг дагаж, хэл ярь гэснийг нь амнаасаа унагаж явдаг нөхдүүд бий. Тэгвэл М.Батчимэг гишүүн өөрийн гэсэн байр суурьтай, буурьтай улстөрч. Зарим нэг шалчиганасан нөхдүүд шиг асуудал болгонд оролцож, мэдэхгүй зүйлнн “бурж”, түүнээсээ болоод онигоонд ороод байдаггүй. Хүний, өөрийн нам гэхгүй. Буруу зүйл байвал хэлээд яриад явчихдаг. Зөв зүйл дээр нь дэмжээд явчихдаг чадвартай, боловсролтой улстөрч.

Магадгүй Батлан хамгаалах салбарт олон жил ажиллаж, судалгаа шинжилгээний ажил их хийсэн нь түүнийг ийм буурь, суурьтай болгосон байх. Мөн өөрийн гэсэн үзэл бодлоо зөв, цаг тухайд нь илэрхийлж чадах чадварыг ч тэндээс олсон болов уу. Яг ийм гишүүн, тэр дундаа эмэгтэй улстөрч манайд хэрэгтэй байгаа юм. Тиймээс түүнийг дахин сонгоход болохгүй юм алга. 

2012-2016 онд УИХ-ын гишүүнээр ажиллаж байсан М.Батчимэг өвчний улмаас таалал төгсчээ. 

Түүний ар гэр, үр хүүхэд, төрөл төрөгсөд, найз нөхдөд нь гүн эмгэнэл илэрхийлье

Continue Reading

Trending