Connect with us

Урлаг

Нара: Намайг Япон, монголын эрлийз гэж бодсон гэсэн

Published

on

Дуучин Нара буюу М.Нарантуяа “Энгүүн яриа” нэвтрүүлэгт оролцох үеэрээ ийнхүү ярьжээ.

“Хүлээсэн хайр дууныхаа клипийг сая Zaya’sh студиэр хийлгээд цацалт нь явагдаж байгаа. Хүлээн хайр дуу маань уянгын стильтэй дуу байгаа. Байдраг ахын маань ая, Алтанзул гээд охины шүлэгээр хийсэн.

Манай ээж жүжигчин хүн. Би багаасаа л урлагт сонирхолтой. Аль цэцэрлэгт байхаасаа л бүжиглээд, дуулж явсаар байгаад хүүхдийн ордонд хүүхдийн дугуйланд яваад бүжиглэдэг болсон. 10 жилд байхдаа бүжгийн хамтлагт байлаа. Тэр хамтлагынхаа ахлагчаар нь ажиллаад бүжиглээд олон тэмцээнд орж байлаа. Одод болох хүслэн, браво гээд шоу байна.

Одоо ч гэсэн диплом байдаг. Тэрнээс хойш би дуучин болвол гоё юм байна гэж боддог байж байгаад одоо сургуульд орчихсон дуучин болно гээд явж л байна. Би одоо 2-р курс. Энэ сургуульд гоё орж байсан юм. Интернэтээр зөндөө олон шалгасан. Яг сэтгэлд таарах сургууль байхгүй. Тэгээд хүмүүсээс гайхаад асуусан. Ямар сонин юм, яагаад орчин үеийн эстрадын рок попын сургууль байхгүй юм бэ гэсэн.

Ганц л сургууль байгаа гэхээр нь тэрийгээ надад заагаад өг гээд орсон. Хамтлагийн вокал, гоцлол вокал гээд хоёр анги байсан юм. Талент курс гэж байсан. Дуулна ч бүжиглэнэ ч жүжиг драмд ч тоглоно гэдэг анги бас байсан. Би яг юмыг дагнаад явсан нь дээр байх гэж бодоод соло вокалын ангийг сонгоод орсон. Тэгээд сургууль ороход шалгалт авсан. Эхлээд япон хэлээр авч байгаа юм. Япон хэлээр аваад дараа нь анги дотор ороод дуулаад, бүжиглээд. Хэдэн дуунууд үзүүлээд алийг нь дуулах вэ гээд сонгуулна.

Тэр үед Утада Хикарагийн Калларс гээд дуу байсан. Мөн Аббагийн дуу байсан. Абба хамтлагийн Фернандо дууг дуулсан чинь хүмүүс нь бүгд гайхаад, ийм дуу байдаг юм уу гээд бүгд гайхаж байлаа. Монгол хүн энийг дуулна гэж огт бодсонгүй гээд гайхаад байсан гэсэн. Тэгээд бүжиглэсэн. Багш нар гайхаад намайг анх цэвэр Монгол хүн гэж мэдэхгүй. Монголоос ирсэн гээд хэлсэн чинь Япон, Монголын эрлийз л юм байна гэж бодсон юм гэсэн.

Өөрөөр эрлийз юм уу гээд асуухаар нь үгүй ээ би цэвэр монгол хүн. Ээж аав маань хоёулаа цэвэр монгол хүмүүс. Япон хэлний сургууль сурч байгаад одоо ирээд орж байна гэсэн чинь хөөх ямар сонин юм, Монгол хүн гэж хэлэхээргүй юм байна гэж билээ. Хичээлийн хуваарь аягүй их байдаг. Өглөө 9-өөс орой 19 хүртэл бүтэн хичээлтэй байдаг.

Чөлөөт цаг гарахаар би усан спортоор хичээллэдэг. Марафон бас хийдэг. Яг манай гэрээс гараад эрүүл мэндийн зам гээд нэртэй ирж очихын 6 км урттай зам байдаг. Япончууд чинь эрүүл мэнддээ айхтар анхаарна. Эхнэр нөхөр, эмээ өвөө нар чинь зэрэгцээд алхаад явж байдаг. Би өдөрт 6 км гүйнгээ алхаад явна. Бусад цагаар нь gym-дээ яваад, бассейнд явна. Бусад цагуудаар нь найзуудтайгаа нийлээд шоудна гэх юм уу.

Ямар шоу вэ гэхээр их сургуульд дуулсан дуугаа караокенд орж бөөнөөрөө дуулж давтах маягтай. Өдөр болгон давтах гээд явна. Цагийн ажил хийнэ. Ер нь бол японд завгүй байдаг юм дөө. Энд жаахан налайгаад амрах гээд байдаг бол тэнд ерөөсөө огт тийм биш. Хичээлээс орж ирэнгүүтээ шууд хувцсаа солиод гүйлтийнхээ хувцсыг өмсөөд гарч гүйгээд тэгээд орж ирнэ. Тэгээд гэртээ жаахан төгөлдөр хуурынхаа хичээлийг давтаад байж байтал орой болчихно. Ямар ч байсан завгүй байдаг.

Би японд очоод цаг барих, цагийг зөв өнгөрөөх гэдэг зүйлийг их сураад байгаа юм. Би нэг стильд баригдах дургүй. Би shopping хийх аягүй дуртай. Японд Кинзагийн гудамж, Шибуяагийн дэлгүүрт орно. Гял цал өвөрмөц зүйлийг өөртөө худалдаж авах дуртай. Өөрийнхөө дуртай юмыг авахаар кайф авдаг.

Миний хувьд мөнгө цуглуулж чаддаггүй юм аа. Мөнгө гэдэг чинь хэрэгцээний асуудал шүү дээ. Мөнгөөр чинь хэрэгцээгээ хангана. Одоогоор бол би цуглуулаад банк руу хийгээд ч юм уу эсвэл хайрцганд цуглуулсан мөнгө төгрөг байхгүй ээ. Яг тухайн үеэрээ л байдаг.

Миний хувьд одоохондоо хайр дурлалтайгаа учраагүй л явж байна. Таалагддаг залуучууд гэвэл яг тийм ийм гэсэн зүйл байхгүй. Би ийм өндөр тэдэн см залуутай эсвэл үс нь тийм, ийм гоё шар царайтай, ийм хувцас өмсдөг энэ тэр гэх юм бол надад яг тийм залуу олдохгүй учраас би энгийн байгаагаараа байдаг хүмүүст дуртай. Байгаагаараа байдаг хүмүүс надад таалагддаг.

Одоогоор завгүй байгаа учраас найз залуу гэсэн зүйл бодоогүй л явж байна. Япон залууст мэдээж сайн ч юм байгаа, муу ч юм байгаа. Япончууд бол бие биентэйгээ эелдэг, сайхан уур амьсгалтай байдаг. Би Монголын залуучуудаа та нар тийм гэж хэлэхгүй гээгүй л дээ. Ерөнхийдөө хараад байхад энд тэнд хэрэлдэж байгаа залуучууд мэр сэр харагддаг шүү дээ. Тэнд бол тийм байдал огт гаргадаггүй байхгүй юу. Хоорондоо бие биенээ хүндэлсэн, хичнээн нас чацуу ч бай доогуур ч бай бие биенээ хүндэлсэн харьцаатай байдаг.

Япон залуучууд бол цагийг дээд зэргээр баримталдаг. Яг хэдэн цагт гэнэ тэдэн цагтаа л ирнэ. Тэр зан нь яадаг ч байсан Монголчууд сураад авчихвал тээ? Өнөөдөр үсчингийн ажил байлаа гэхэд цагаар захиалга өгчихлөө. Нэг хүн цаг алдсанаас болоод дараагийн хүмүүс цаг нь хойшилдог шүү дээ. Ингээд цагаа алддаг. Тийм болохоор бүгдээрээ цагаа яс барьдаг, түүндээ чин сэтгэлээсээ ханддаг байдлыг нь манайхан суралцаасай гэж би бодож байна.

Эх сурвалж: “Энгүүн Яриа” нэвтрүүлэг

Advertisement

Сайн Мэдээ

Click to comment

Leave a Reply

Your email address will not be published.

Урлаг

Д.Золбаяр: Маш олон хүний дургүйг хүргэх шиг боллоо

Published

on

By

Найруулагч Д.Золбаяр дараах зүйлийг бичлээ.

“Киног мэдлэг, мэргэжил, авъяас, мэдрэмж, сэтгэл зүрхээрээ хийдэг юм.

Мэдрэмжгүй хүн кино хийж байна гээд бичтэл маш олон хүний дургүйг хүргэх шиг боллоо. Тиймээ мэдлэг, мэргэжил, авъяас дээр мэдрэмж тулгуурладаг юм л даа. Тэр мэдрэмжийг хичээлээр олдог бол гоо зүйн хичээлээр, эс бөгөөс хүнд өөрт нь заяасан өгөгдлөөр олж авдаг. Хүнийг инээлгэх гээд ичээж, ухааруулах гээд залхааж, уяраах гээд зэвүүцүүлж байгаагаа ойлгохгүй байгааг мэдрэмжгүй гээд байгаа юм л даа. Ичих мэдрэмж бол урлагийн хүнд хамгийн гол мэдрэмж шүү. Ичих булчирхайгүй хүн л шагнал урамшуулал, мөнгө зоосны араас гүйж байгааг бэлээхэн харж байгаа шүү дээ.

Кино найруулагчийн авъяасын тухайд сүржигнэж, өвөрмөц байвал л мундаг авъяастай найруулагч гэсэн буруу ойлголт монголд газар авчээ. Жүжигчинтэй ажиллахдаа л супер үг хэлж, өвөрмөц араншин гаргадаг найруулагчийг авъяастай гэж байхыг олон харлаа. Зүй нь кино найруулагч хүн кинонд ажилладаг бүх мэргэжлийг мэдэрч, бүгдийг нь залж явах ёстой гэж багш нар маань заасан юм аа. Гадны том найруулагч нарыг ажихад ч тийм л юм билээ. Гэтэл одоо сайн оператороор зургаа авхуулаад, сайн зохиолчийг, сайн зураачийг, сайн эвлүүлэгчийг, сайн хөгжмийн зохиолчийг кинондоо ажиллуулчихвал л болоо бусад нь над падгүй гэдэг хүмүүсийн тухай л хэлсэн хэрэг л дээ.

Театр кино хоёрын ялгааг мэдэх, мэдрэх хоёр өөр шүү. Киноны хэллэг, театрын хэллэг хоёр зарим зүйлд төстэй, зарим зүйлд тэс хөндлөн байдаг . Гэтэл түүнийг мэдрэхгүйгээс ямар кинонууд гараад байгааг та бүхэн харж байгаа. Цааш нь ярьвал их юм бий.

Эцэст нь сэтгэлийн талаар ганц үг бичье. Миний нүүр ном 5000 найз, 10000 гаран дагагчтай. Би кино урлагийг ойлгуулж сурталчилан, мэдсэн зүйлээсээ тэдэнтэй хуваалцдаг. Гэтэл ганц ч удаа баярлалаа гэхгүй мөртлөө сэмхэн уншчихаад өө л гарвал хүнээр муулуулдаг урлагийнхан олон бий. Эндээс л урлагт өгдөг сэтгэл нь харагддаг юм шүү.

Бичвэл их юм бий…” гэсэн байна.

Continue Reading

Урлаг

Аглуу мөнгө цуглуулах хоббитой бол эхнэрийнх нь цуглуулах дуртай зүйл нь

Published

on

By

МУГЖ Л.Баттулга буюу Аглуу болон түүний гэргий Оюунчимэг нар телевизийн нэвтрүүлгээр ийнхүү ярьжээ.

Оюунчимэг: Хүүхэд байхдаа урлагийн ажиллагаанд хамрагдана. Цасан охин болно. Би Сэлэнгэд төрж өссөн шүү дээ. Тэндээ Сэлэнгийн шинэ жилүүдээр “халтуур” хийгээд явчихдаг байлаа. Хажуугаар нь бүжиглэнэ. Урлагийн бүх л юманд оролцдог байлаа.

Аглуу: Би сургуулийнхаа алиалагч нь болдог байлаа. Нэг юмнаас нь мултардаг байсан. Сурлагаараа айхтар сайн биш, дунд зэрэг л. Алиалагч нь дуранддаг шдээ? Муу сурлагатай хүмүүсийг дуранддаг. Өөрийгөө дурандахгүй амар байгаа юм. Ангийнхаа муу сурлагтнуудыг дуранддаг. Харшийн ёлканд орж байгаа юм. Хүүхдүүд л дээ.

Анхны ерөнхийлөгч П.Очирбат гуайн хажууд хүүхдүүд зогссон юм. Гэтэл ангийн хүүхэд маань миний байранд зогсчихсон. Тэгээд маргаад нэг нь үнэг, нөгөөх нь баавгайн хувцастай дээр доороо ороод бөөн юм болсон. Бие хамгаалагч нар нь яаж ч чадахгүй, хүүхдүүд болохоор больцгоо больцгоо та нар гэж байсан юм.Багаасаа л хүүхдүүдийг баясгаж явсан юм уу даа. Орой нь бэлэг аваад гэртээ харьдаг байсан юм.

Би гэр бүлдээ цаг зав гаргах нь миний үүрэг л дээ. Гэхдээ тоглолттой үед анхаарал муу гаргана. Гэр бүлийн ард талыг хань маань авч явж байгаа. Өглөө бүр чадвар эхнэрээ үнсээд өглөө болгон чадвал хайртай шүү гэж хэлэхийг хичээдэг. Яагаад гэвэл би хайрлах гэж авч суусан. Би орж ирээд удирдлага бариад л шууд телевиз шүү дээ. Яаж ч ядарсан байсан спортын суваг, Английн лиг гээд үздэг.

Оюунчимэг: Манай хүн гэртээ орж ирээд хоол хийхдээ их сайн. Хамтраад хийчихдэг. Хувцсаа гаргах сонгох тал дээр надаас туслалцаа авдаг.

Аглуу: Би Ази, Европоор яваад ирэхдээ эхнэртээ үнэртэй ус авчрахыг боддог. Гуталны размер энэ тэрийг нь бол мэднэ. Солонгосоос яваад ирэхдээ алтан ээмэг зүүлт ч юм уу аваад ирдэг. Би мөнгөний цуглуулгатай. Би багадаа мөнгө цуглуулж байгаад аавыгаа мөнгөн цуглуулдаг болгочихсон байхгүй юу. Аав маань нэгдүгээр сургуулийн тэнд явж байна. Харсан чинь мөн шүү.

Юу хийгээд байгаан бол гээд харсан чинь нэг хүнтэй юм наймаалаад байгаа юм уу. Та яаж яваан гээд тэгсэн чинь манай энэ мөнгөний холбооныхон энд байдаг юм шдээ гэж байсан юм. Дээр үеийн буюу 1915 оны ч байдаг юм уу, 1800-аад оны Оросын мөнгийг зөрүү өгч сольдог юм байна. Зөрүү нь Монгол төгрөгөөр авдаг, өгдөг. Аавын маань цуглуулга над дээр бий.

Миний хувьд маш нандин. Аав ээжийгээ санахаараа тэрийгээ гаргаж ирээд цэвэрлэж арчаад буцаагаад хийчихдэг. Одоо би альбомыг нь шинэчлэх гээд байгаа юм.

Оюунчимэг: Би ээмэг зүүлт цуглуулах хоббитой шд. Заавал үнэтэй биш, хэлбэр дүрс хөөрхөн зүйлс их цуглуулна.

Аглуу: Хүн өөдрөг явах ёстой. Надад дүр дээр ч байдаг юм уу, хамт олонтойгоо ямар нэгэн юм болохгүй байдаг ч юм уу тэр үед ганцаараа бодох дуртай. Би өөртөө хандаж өглөө болгон хэзээ нэгэн цагт заавал тэнгэр цэлмэнэ, тэнгэр цэлмэг байна гэдэгт итгэж яв гэж хэлдэг. Хөх тэнгэрийг хараад миний хийж байгаа зүйл заавал амжилтанд хүрнэ гэдэг ч юм уу заавал бүтэх ёстой гэж өөрийгөө зоригжуулж явдаг юм.

Continue Reading

Урлаг

Цэгмэд ачтайгаа яг нэг өдөр төржээ

Published

on

By

Жүжигчин Цэгмэд:

“Ач маань эрийн цээнд хүрчээ .Эмээтэйгээ яг нэг өдөр 8 -р сарын 15 нд мэндэлсэн тул өнөөдөр бид хоёрын баярын өдөр УГЗ.өвөө шигээ .Муста,Радиогийн тэргүүний ажилтан аав шигээ баргил бүдүүн хоолойтой.СУИС ийг найруулагё .жүжигчний мэргэжилээр төгсөөд .ажлын гараанд очоод 3 жилийг ардаа хийсэн ийм л ачтай настай би болой .гэж..хэ хэ” хэмээн өгүүлжээ.

Continue Reading

Онцлох мэдээ