Connect with us

Дотоод мэдээ

Зөрчил илэрсэн шатахуун импортлогчидтой танилц!

Published

on

Шударга Өрсөлдөөн Хэрэглэгчдийн Төлөөх Газраас мэдээлэл хийлээ.

“Шатахуун худалдаа эрхлэгч аж ахуй нэгжүүдийн худалдаанд хийсэн хяналт шалгалтын талаар албан ёсоор танилцуулах гэж байна. Энэхүү хяналт шалгалтыг Засгийн газрын хуралдааны тэмдэглэлээр өгсөн үүрэг болон иргэдээс ирж буй гомдол, олон нийтийн хэвлэлүүдээр явж буй мэдээллүүд дээр үндэслэн хяналт шалгалтыг хийсэн.

Хяналт шалгалтыг ШӨХТГ, Мэргэжлийн хяналтын газар, Нийслэлийн Мэргэжлийн Хяналтын Газар, Стандарт хэмжил зүйн газар, Гаалийн ерөнхий газар, Ашигт малтмал газрын тосны газар, Иргэний нисэхийн үндэсний төвийн оношилгоо оношилгоо хэмжилзүйн газрууд хамтарсан ажлын хэсэг гаргаж хийсэн.

Автобензин дизелийн түлшнээс дээж авахыг ажлыг бол Улаанбаатар хотод үйл ажиллагаа явуулж буй 28 аж ахуй нэгжүүдийн 19 агуулах, 17 шатахуун түгээх станц, 10 вагоноос түүвэрчилсэн нийт 76 дээжийг авсан. Үүнээс автомашины 32, дизель түлшний 42 дээж, нэг нафта, нэг хүнд даацын дээжийг тус тус авч Ашигт малтмал газрын тосны газрын уул уурхай, газрын тосны төв лаборатори, Иргэний нисэхийн үндэсний төвийн оношилгоо, хэмжилзүйн лабораторид хүлээлгэж өгсөн.

Энэ удаагийн шалгалтын онцлог нь юу байсан бэ гэхээр өнгөрсөн 2020 оны 4 сард шатахуун импортлогч компаниудаас гомдол гарч байсан. Роснефтийн шатахуун буюу орж ирж байгаа вагон дээрээс шинжилгээ авахгүй байна, энэ шинжилгээг заавал авч хамруулж өгөөчээ, бид нар дунд нь найруулдаггүй, элдэв юм хольдоггүй, орж ирсэн шатахууныг тэр чигээр нь хэрэглэдэг гэсэн хүсэлтийг гаргаж байсан юм.

Тиймээс энэ удаад бид 10 вагоноос дээж авсан. 2020 онд ганцхан Ашигт малтмал, газрын тосны газрын лаборатори дээр шинжлүүлж байсан бол энэ удаа Иргэний нисэхийн газрын лабораторид мөн адил давхан шинжлүүлсэн. Хоёр лабораторийн шинжилгээ орсон гэж ойлгож болно. Ингээд дүгнэлтийг нь танд танилцуулья.

“Шинжилгээ хийсэн автобензиний 32 дээжээс 13 дээжинд хөдөлгүүрийн түлш, этилжүүлээгүй бензин, техникийн шаардлага MNS02172017 стандартаар АИ-92 бензиний октаны тоо 92-оос багагүй байхаар заасан байдаг ба сорилт шинжилгээний үр дүнгээр октаны тоо стандарт зааснаас бага эсэхүл их тодорхойлогдсон. Энэ компаниудад Жаст Ойл ХХК, Монсуль ХХК, Петро Стар ХХК, Магнай Трейд ХХК, Синчи Ойл ХХК, Лекс Ойл ХХК, Хөрс Авто Сервис ХХК, Аргаль Ойл ХХК, Шунхлай Трейдинг ХХК, Петро Чамп ХХК гэсэн 10 аж ахуй нэгжүүд зөрчилтэй гарсан байна.

7 дээжид механик хольц тодорхойлогдсон нь тус тус хөдөлгүүрийн түлш, этилжүүлээгүй бензин, техникийн шаардлага MNS02172017 стандартын шаардлагыг хангахгүй байна. Үүнд Монсуль ХХК, Тэс Петролиум ХХК, Петро Стар ХХК, Лекс Ойл ХХК, М-Ойл ХХК, Шунхлай Трейдинг ХХК гэсэн 6 аж ахуй нэгж зөрчилтэй гарсан байна.

Үүнээс 7 шатахуун түгээх станц Жаст Ойл ХХК, Монсуль ХХК, Магнай Трейд ХХК, Хөрс Авто Сервис ХХК, Аргаль Ойл ХХК, Петро Жамп ХХК, Петро Стар ХХК байна.

8 агуулах – Монсуль ХХК, Магнай Трейд ХХК, Петро Стар ХХК, Лекс Ойл ХХК, Синчи Ойл ХХК, М-Ойл ХХК, Шунхлай Трейдинг ХХК, Тэс Петролиум ХХК компаниуд.

Нэг вагон бол Магнай Трейд ХХК-ийн вагон байсан. Эндээс авсан шинжилгээ нь стандартыг хангаагүй гэж дүгнэлт гарсан. Ганцхан зөрчилтэй компани ерөөсөө байхгүй. Доод тал нь хоёр, дээшээ 4,5,6 зөрчилтэй аж ахуй нэгжүүд байна. Үүн дээр бид нар 2018, 2020, 2021 он гэдэг гурван шалгалт хийгдсэн. Энэ гурвын хүрээнд нэгтгэж байгаа. Илэрсэн зөрчилтэй, давтан зөрчилтэй компаниудын тусгай зөвшөөрлийг цуцлуулах асуудлыг бид нар Уул уурхай, хүнд үйлдвэрийн яам болон Ашигт малтмал газрын тосны газарт албан ёсоор бас хүргүүлнэ.

Өчигдрөөс аж ахуй нэгжүүд нэлээн их хэмжээгээр ярьсан. Октаны тоотой хамааралтай асуудал буюу тухайн октандаа хүрэхгүй байгаа нь тухайн стандарттай хамааралтай гэдгийг манай байгууллагад мэдэгдэж байгаа. Бид нар бол зөвхөн октаны тоог үндэслэж тухайн торгууль шийтгэл буюу зөрчлийн арга хэмжээг авсан гэж хэлэхгүй. Сая хэлсэн 9 зөрчил. Зөвхөн октаны тооны зөрчилтэй нэг ч компани байхгүй. Маш олон компаниуд тодорхой хэмжээний зөрчлүүдтэй байна.

Уул уурхай хүнд үйлдвэрийн яамнаас тодруулгуудыг авсан. Яамны газрын тосны бүтээгдэхүүн хэмжилтийн ахлах шинжээч Хишигдалай гэдэг хүнтэй холбогдсон. 2020 оны 2 сарын 20 өдрийн албан тоотоор МХЕГ-аас Монгол улсын сайд, ЗГХЭГ-ын дарга Л.Оюун-Эрдэнэ болон УУХҮЯ-ны сайд Сумъяабазар нарт албан тоот илгээсэн байдаг.

Энэ албан тоот дээр хяналт шалгалт хийх явцад газрын тосны бүтээгдэхүүний бөөний болон жижиглэнгийн худалдаа болон үйлдвэрлэл эрхлэх тусгай зөвшөөрлийг олгохдоо тусгай зөвшөөрлөөр эрхлэх аж ахуйн нэгжид тавигдах нөхцөл шаардлагыг тусгай зөвшөөрлийг олгох эрх бүхий байгууллага нь батлаж гаргаагүй байгаа нь аж ахуй үйл ажиллагааны тусгай зөвшөөрлийн хуулийн заалтыг хэрэгжүүлэхэд хүндрэлтэй байна.

Харин тус хуулын дагуу танай яам өөрийн олгосон тусгай зөвшөөрлийн хэрэгжилтэнд хяналт тавьж тусгай зөвшөөрлийг түдгэлзүүлэх, хүчингүй болгох нь зүйтэй байна гэсэн албан бичгийг МХЕГ-аас 2020 онд хүргүүлж байсан. Үүний дагуу тодруулахад энэ үйл ажиллагаа өнөөдрийг хүртэл яаман дээр хийгдээгүй байна. Тиймээс бид албан шаардлагыг УУХҮЯ руу хүргүүлж байгаа.” гэлээ.

Click to comment

Leave a Reply

Your email address will not be published. Required fields are marked *

Дотоод мэдээ

Baji & Yalalt нар шагналаа авчээ

Published

on

By

Олон мянган дагагч, үзэгчидтэй болсон, өөрийн гэсэн өвөрмөц яриа хөөрөө өрнүүлдэг Baji&Yalalt шоуг олон хүн мэддэг болсон билээ.

Тэгвэл Люмино хамтлагийн Батхишиг буюу Баажий маань Ялалтынхаа хамтаар Youtube компаниас шагнал болох “Silver Button”-оо авчээ. Энэхүү шагналыг Youtube суваг нь 100 мянган дагагчтай болох үед өгдөг аж.

Баажий энэ талаар “Bayarladag shuu … bidnii contentiig uzdeg demjdeg buh humuustee 1 jiliin umnu 2k hun uzdeg live aa content bolgoyo geed shiideed ehelsen yum … 14 sariin daraa togtmol 250-300k hun uzdeg niit 17.5 million uzelttei nevtruuleg 127k subscribers -tai suvag bolson bn bayarlalaa bugded ni so happy”хэмээн өгүүлжээ.

Баажигийн гишүүнээр нь байдаг Люмино хамтлагийн талаар танд сонирхуулбал албан ёсоор 1998 онд MC,Skitzo,Quiza,Хөлгөө,Чинзоо гэсэн 5 хүний бүрэлдхүүнтэйгээр байгуулагдасан.

2000 оны сүүлээс 3 хүний бүрэлдхүүнтэй болж өөрчлөгдсөн. 2013 оноос хамтлагийн бүрэлдэхүүнд DJ Zolo орж ирснээр Люмино хамтлаг нь албан ёсоор 4 хүний бүрэлдэхүүнтэй болсон. Монгол улсад Хипхоп урсгалыг олонд таниулж хүмүүсийн хүртээл болгоход хамгийн их хувь нэмэр оруулсан хамтлаг юм. Тэдний анхны ХИТ дуунууд нь хайрын өнгө аясыг илүүтэйгээр тусгаж байснаараа нийт сонсогчдыг хипхоп сонсоход нөлөөлсөн гэж үздэг.

Тэдний 1999 оноос хойш хийсэн дууны дугаралтууд өнөөдөрч гэсэн сонсоход чанарын шаардлага хангасан хэвээр байгаагаас харвал маш чанарлаг зүйлсийг анхнаасаа төлөвлөж хийж ирсэн нь харагддаг. Монголд ‘sample’ гэдэг зvйлийг утгаар нь ашигласаар ирсэн хипхопын үндсэн урсгалын (mainstream) хамтлаг юм. Тэдний эхний дуунуудаас авхуулаад өнөөдрийг хүртэл гарч байгаа ихэнх дуунуудыг МС продюсерлэж, хөгжмийг Бат-Эрдэнэ (Аранза) нар хамтран хийж ирсэн.

Тэд дууг 2 сувгаар хийдэг. Продюсер МС-гийн хэсэгт ихэнх дуу багтдаг бол Анхаа, Бажи мөн бие даан дуунуудыг хийж эхэлсэн байдаг. Хүнийх, Тайван, Заримдаа, Шөнө дунд цас орж байна! гэсэн дуунуудыг энд дурьдаж болно. 1999-2006 оныг хүртэл уран бүтээлийн идэвхтэй үед байж 5 бие даасан студийн цомог, “Танихгүй охины захидал” уран сайхны кино, 30 орчим видео клип, 20 гаран бие даасан тоглолтыг хийсэн байдаг.

Люмино+Аранза+Даваахай (Zaya’sh) энэ 3 тухайн үедээ нэргүй л болохоос Label компаны хэмжээнд гар нийлэн ажиллаж дорвитой бүтээлүүдийг үйлдвэрлэдэг байсныг тэдний дээх нь үеийн бүтээлүүдээс харж болно. Тэд энэ хугацаанд Монголын хөгжмийн дээд шагнал болох “Пентатоник”-ийн цомыг 4 удаа хүртжээ.

2008 оноос хамтлагийн гишүүд бие даасан уран бүтээл хийж эхэлсэн бөгөөд Анхаа “Cuthberth” гэсэн нэрээр Модерн Номадстай хамтарсан чиллаут стилийн хөгжмийн цомог гаргаж, 2009 оноос МС өөрийн соло реп дуунуудыг сонсогчдод хүргэж, өндөр үнэлэлт авсанаар 2011 онд Platinum beatz, Romantic beatz гэсэн бие даасан студийн хос цомог гаргаж, “The Secret of rap” нэртэй орчин цагийн хөгжмийн тухай номыг өөрөө бичиж редактор хийн гаргасан байдаг.

Мөн 2009 оноос Бажи соло “rnb” дуунуудыг хийж олны сонорт хүрч эхэлсэн. 2012 оноос Люмино хамтлагийн уран бүтээл эргэн идэвхжсэн ба “Хэмнэл нэрэгч” хэмээх төсөл хэрэгжүүлж, аялан тоглолт болон шинэ дуунуудыг үйлдвэрлэсээр байна.

Continue Reading

Дотоод мэдээ

Хачин туранхай цагаан залуу “Зургаа өгөөч” гэж байна

Published

on

By

Өглөө бослоо, өглөө ч гэж дээ өдрийн цайг өглөөнийхтэй хамтад нь залгих цагаар л сая шөнө дундаас хойш надад нухлуулсан орноос сангасваа үсээ гилбэсээр аргагүйн эрхэнд сугарлаа. Өнөөдөр бас л нар байхгүй, хог гэж, бүтэн сар бүрхэг өдрийн бороо мананд залуу сайхан насаа зарцуулж залхаж байшдээ.

Гэхдээ жаргах нарны сацраг туяанд учиргүй баясдаг сайн санаатай, гэнэн хонгор, ухаантай царайлаг уран зохиолын идеал дүр би биш болохоор өөртөө ноогдсон өчүүхэн эд эсээ орчлонгийн олон хувиралд зориулаад байхыг угаасаа хүсдэг ч үгүй, зүгээр л өнөөдөр нар гарвал гарчаасай, үгүй бол болино л биз.

Өглөө сэрүүлэг нь дуугарч чичирсээр байгаад шалан дээр уначихсан гар утасыг өөд нь авч эвдэрчихээгүй байгаад нь жоохон баярласхийн дэрлүү шидлээ. Шар шувууг дууриаж шөнөжингөө хүүг хүүг гэж суусан юмсан, “өглөө” босоод харахад ширээгээр нил хөглөрсөн ном, цаасны хажуугаар пачиктай сүүтэй цай, кофе 2-ийг угсруулж уусан 2 аяга хоорондоо багын найзууд шиг халтайчаад хэлхэлдээд зогсож байхыг нь харсан чинь хайр хүрээд хоёуланг нь барьж аваад бамбалзуураар хөөсөрүүлж, бөмбөрүүлэн зүлгэж усанд оруулаад жагсаалд нь эгнүүлэв.

Загатнасан хурууг яая даа, яалт ч гүй явсаар очоод РС асаачлаа шүү, одоо яая ингэхэв, нэгэнт асаачихсан юм чинь нэт орохоос доо. YM-ийн листэнд өдөржин наалдаастай байдаг хэдэн хүдэр танкнуудтай эхнээс нь пулёмтолж мэндлээд. Шагайдаг хэдэн сайт, блогуудаар овчарк нохойн байрлалаар цээж урагшаа харц шулуувтар шиншлэх газар нь шиншилж, харайх газар нь харайж, дуусаад хэлээ унжуулан, цэх шулуун цовоо сэргэлэн хэсэг сууснаа, цааш шогшив.

YM 1: Тэгж байтал мессенжерт багын ганц найз минь орж ирж магнайн хөлс, мэлмийн нялмс хоёрыг гялталзууллаа. Нэгэн компанид нарийн бичиг хийдэг тэрний минь завтай цаг гэвэл бид 2-ын ярилцсан уулзсан хэдхэн хоромтой яг тэнцүү… өнөөдөр ч бас салхи татуулж орж ирээл шуургадаад алга болов, ээрч муурсан би аанай л гацаж хоцрохдоо ажил нь бүтээсэй гэж ханцуй дотроо залбирч цацлын есөн нүд болсон найман хуруугаараа kiss ya товшин торойж хоцров.

YM 2: Мэндэлж зөрдөгөөс хэтэрдэггүй дээр үеийн нэг танил залуу мессенжерээр Hi girl yu bna асар цоглог ах мэндэлж байна, хэсэг үг сольж – ажил сайн уу, – сайн, – хаана байна, – хуучиндаа гэх мэт сонирхолгүй улигт мэдээллийг аргагүй эрхэнд өгч хайран хурууныхаа өндөгийг элээж байтал гэнэт туранхай хухин цагаан царайгаа нүдэнд үзэгдтэл – зургаа явуулаач гэж авсан,

-чи намайг хараагүй биш тэрмуу хогоор ядын гэтэл – ээ өгчил дөө гээд хэлхэгнээд салахгүй байхаар нь – байхгүй, байсан ч өхкүй гээд хэлтэл уурлах аядаж байна, яаж байгаам болоо, хаа хамаагүй түвдэнгийн борын зургаар юугаа хийдийн, аягүй бол энэ яг тоншуул сэтгүүлд өгөх гэж байгаам байна л даа гэж хардаад түүнийг off хийв.

YM 3: Гэтэл хурууных нь хээ арилж байгаа нэг чатчин гэнэт -өөш гээл шууд BUZZ, цочсондоо ай… за… юу… гэсэн чинь -зүгээр байгаараа гэжийнэ, – тэгнээ л гэлээ, гээд цаашаа үлгэрийн үг яриагаар үргэлжлэх чат… ядарчмаар… залхсандаа заримдаа… зажилсан бохио үсэнд нь нааж, хаширдаг болуу … гэхдээ тэгээд … яг байхгүй үед нь хальт санан гиюүрч новширдогоо бодохоор өөрийнхөө үсэнд бохио наагаад, хүйтэн трубанд хэлээ наагаад хөмсөгнийхөө vсийг хусчмаар болоод байдын… ой яасан жигтэй орчлон бэ.

Стресс тайлж байгаа нэрээр депресст ортлоо чаталж байгаа энэ амьдралыг хэдэн онд хэн гэдэг нөхөр төгсгөж өгч ямархан гэрэлт ирээдүйн хивсэн дээгүүр чирж гудчин гүйх юм болдоо, гэхдээ “нөхөр”-ийг ядарвал нь би хааяа чирээд гүйж тэрмууд буян болсон доо ч яахав гээ бодоодайгаа.

Өчигдөр кино үзмээр дур хүсэл оволзоод байсан ч бодит байдалтайгаа эвлэрч шуналт адын хүслээ ухамсарын алтан ташуураар ороолгон номхоруулвой. Хорвоогийн эрээн өдөр, эрээн ч гэж манан унаад саарал болчихсон нэгэн өдөр ийн өнгөрч нvгэлт хүн би бээр хөөсөн талхыг араа шүдээрээ хавиран буталж ходоодны тээрэмрүү өрөвдөх сэтгэлгүй илгээж байхдаа харин юу бодож байсан гээч … … …

за тэр ч яахав … миний энэ ёолк хүртэл РС дотор шүү … гэхдээ гоё …

Continue Reading

Дотоод мэдээ

Монголчууд олимпын тэмцээнийг ТВ-ээр үзүүлэх эрхийг хэдээр худалдаж авсан бэ?

Published

on

By

Statista сайт дээр дурьдсанаар 2012 болон 2016 оны олимпын наадмыг нэвтрүүлэх эрхийг худалдаж авсан гэрээний дүн нь тив бүрээр өөр байжээ. Тодруулбал ойрхи дорнод/Африк тивд уг эрхийг 46 сая доллараар худалдаж авсан бол төв Америк, Өмнөд Америк болон кариббийн улсуудын хувьд 326 сая ам.доллар, харин Ази тивд 663 сая ам.доллар, Европ тивд 941 сая ам.доллар, эцэст нь хойд Америк буюу АНУ, Канадад 2 тэрбум 119 сая ам.доллараар гэрээ хийгджээ.

Үүнээс жишээ болгон дурьдахад АНУ-д гаргах эрхийг худалдан авсан NBC нь хамтрагчидтайгаа нийлээд 2032 он хүртэл олимпыг нэвтрүүлэх эрхийг авахаар 7,75 тэрбум ам.долларыг Олон улсын Олимпын Хороонд төлжээ. Энэ гэрээний хувьд нийт 6 удаагийн Олимпын тэмцээн багтах ба 2021-ээс 2032 он хүртэл хамрах юм.

Дэлхийн улс орнуудын хувьд бараг тэр чигээрээ өөрсдийн ашгийн төлөө буюу хувийн хэвшлүүд нь өөрсдөө эрхийг нь худалдан авч нэвтрүүлж байгаа учраас ихэвчлэн 1-2 телевиз нь гаргаж байгаа аж.

Харин Монголчуудын хувьд онцлогтой. Тодруулбал Монгол улс 2020 оны Токиогийн олимпыг хамгийн олон телевизээрээ гаргаж буй улс орон болоод байна. Үүнээс гадна төлбөрийг нь телевизүүд бус харин “Эрдэнэт Үйлдвэр” зэрэг компаниудаар спонсордуулж төлүүлсэн бололтой. Монголчуудын хувьд яг хэдэн төгрөгөөр энэ эрхийг авсан нь тодорхойгүй байгаа ч ямартай ч олон компани нийлж хувааж төлсөн бол тодорхой хэмжээний хөнгөлөлт авсан байх магадлалтай.

Ингээд та бүхэн Олимпын тэмцээнтэй холбоотой зарим нэгэн мэдээллийг хүргэж байна.

Японы баг тамирчид ширээний теннисний холимог хосын төрөлд түрүүлж, тус спортын төрөлд Японы анхны Олимпын алтан медалийг даваа гарагт хүртжээ.

Японы багийн тамирчид Жүн Мизүтани, Мима Ито нар финалын шатанд Хятадын тамирчид болох Сю Шин, Лю Шивэн нарыг ялсан бол Тайванийн баг хүрэл медаль хүртсэн байна.

Хятадын багийн хувьд 2019 оны Дэлхийн аварга шалгаруулах тэмцээнд түрүүлж байсан бөгөөд Японы багийн хамгийн том өрсөлдөгчдөд тооцогдож байжээ.

Сонирхуулахад, ширээний теннисний холимог хосын төрөл нь “Токио-2020” зуны Олимпын наадамд шинээр нэмэгдэж буйгаараа онцлог юм. 

Энэтхэг 582, ОХУ 581, БНХАУ 581, Украин 580, Серби 577, Австрали 576, БНХАУ-2 баг 576, Энэтхэг-2 баг 575 оноогоор финалдлаа.

“Токио -2020” Зуны олимпын XXXII наадмын энэ өдөр /2021.07.27/-ийн өглөөний 08 цагийн байдлаар энэхүү олимпыг Зохион байгуулагч орон Япон улсын баг тамирчид 8 алт, 2 мөнгө, 3 хүрэл медальтай, нийт медалийн /13/ тоогоор 3 дугаарт жагсаж байна.

Харин АНУ-ын баг 7 алт, 3 мөнгө, 4 хүрэлтэй, нийт 14 медальтай 2 дугаарт, БНХАУ-ын шигшээ баг 6 алт, 5 мөнгө, 7 хүрэлтэй, нийт 18 медальтай 1 дүгээрт бичигдэж байгаа юм байна.

Медалийн тоо болон чанараар ОХУ-ын Үндэсний олимпын хорооны баг 4 алт, 5 мөнгө, 3 хүрэл, нийт 12 медальтай 4 дүгээр байрт, Итали улсын баг 1 алт, 4 мөнгө, 4 хүрэлтэй 5 дугаар байрт тус тус бичигджээ. Түүнчлэн Их Британийн шигшээ баг 3 алт, 3 мөнгө, 1 хүрэлтэй, БНСУ-ын баг 3 алт, 4 хүрэлтэй 6 дугаар байрт бичигдэж байна.

Монгол Улсын шигшээ багийн хувьд 2 хүрэл медальтай Египет, Турк, Украин улсын шигшээ багуудтай хамт 42 дугаар байрт явж байна.

Continue Reading

Trending