Connect with us

Дотоод

Т.Хулан: Айл гэр салах шаардлага гарвал бэргэнтэй ярилцдаг юм байна

Published

on

Улсын драмын эрдмийн театрын хаалгаар оронгуут хөгжмийн цоглог ая эгшиглэж хүүхдийн зохиолч Д.Содномдоржийн1957 онд бичсэн “Норовын намтар” хошин найраглалаас сэдэвлэсэн хүүхдийн дуулалт инээдмийн жүжгийн сургуулилт болж байгаа нь энэ. УДЭТ-ын найруулагч Ч.Түвшин зохиолыг нь бичиж, найруулсан аж.

Уг жүжгийн гол дүр Норовт УДЭТ-ын менежер, залуу жүжигчин А.Чингүн тоглож байгаа бол түүний найз охин болох Жимсээгийн дүрд жүжигчин Т.Хулан тоглож байгаа билээ. Орчин үеийн Норов бол эрх танхил өссөн айлын ганц хүү бөгөөд компьютер тоглоомд орсон, худалч сахилгагүй нь дэндсэн хүү гэнэ.

Харин түүний найз охин болох Жимсээ онц сурлагатан, цэвэрч нямбай нэгэн. Норовын гэрийн даалгаврыг хийж өгч, өглөө гэрээс нь аваад хичээлдээ хамт явдаг, нэг үгээр бол үлгэр жишээч сайн хүүхэд юм. Ингээд “Норовын намтар”-ын Жимсээ буюу Улсын драмын эрдмийн театрын жүжигчин СТА Т.Хулантай ярилцсанаа хүргэе.  

-“Норовын намтар” жүжиг нэлээн удаан хугацаанд бэлтгэгдэж үзэгч хүүхдүүдэд хүрэх гэж байна. Жүжгээр юу хэлэхийг хүссэн бэ?  

-“Норовын намтар” хошин жүжгийг хүүхэд багачуудын хүмүүжил, мэдлэг оюунд хөрөнгө оруулалт хийх зорилгоор Улсын драмын эрдмийн театрын найруулагч Ч.Түвшингийн шинэчилсэн найруулгаар хүүхэд багачууддаа хүргэж байна. Энэ жүжиг Монголдоо анх удаа тоглогдож буй үндэсний хэмжээний хүүхдийн сургамжит драмын жүжиг гэдгээрээ илүү онцлогтой. Техникийн хөгжил өдөр ирэх тусам хөгжиж буй өнөө цагт түүнийг дагасан сөрөг үр дагаврууд хүүхдийн хүмүүжилд хэрхэн нөлөөлж байгааг эцэг эх, багш нарт харуулахыг зорьсон.  

-Жүжигт PC тоглоомын талаар хөндөж байгаа гэсэн. Мөн PC-ны баатрууд жүжигт амилна гэсэн үү?  

-Хүүхдүүдэд PC тоглоомд битгий их орооч ээ гэсэн санааг ойлгуулахыг хичээж байна. Мөн жүжгийг маань үзчихээд тоглодоггүй хүүхдүүд тоглоод сурчихвий гэсэн битүүхэн болгоомжлолтой байна. Учир нь жүжигт PC-ны баатрууд бүгд амилж Норовын найзууд болж тоглож байгаа. Хүүхдийн жүжиг учраас илүү сонирхолтой болгохын тулд нэлээд олон дүр нэмэгдсэн.   

-Эцэг эхчүүд театрт хүүхдээ хүргэж өгчихөөд явах биш хамт үзвэл үр өгөөжтэй гэж дээр хэллээ. Тэдэнд юуг ухааруулах бол?  

-Манай жүжиг хүүхдүүдэд PC тоглох нь буруу гэдгийг ойлгуулахын зэрэгцээ эцэг эхчүүдэд нэгийг бодогдуулахуйц шийдэл оруулж өгсөн. Тэгэхээр эцэг эхчүүд “Норовын намтар”-ыг хүүхдүүдтэйгээ хамт үзэх хэрэгтэй. Ээж аавууд хүүхдүүд PC тоглож болохгүй л гэдэг. Тэгэхээр урлагаар дамжуулж эцэг эхчүүд бас нэг зүйл олж харах болов уу. Энэ нь хүүхэд хичээлээ тараад яг юу хийж байна.

Хичээл сургуульдаа явж байна уу, эсвэл нөгөө PC тоглоом тоглохоор явж байгаа эсэхийг анзаарах хэрэгтэй гэсэн санааг оруулж өгсөн. Шар хадны эмнэлгийн сэтгэцийн тасагт PC тоглоомд орчихсон хүүхдүүд хэвтэж эмчлүүлдэг бүхэл бүтэн тасаг байдаг юм билээ. Тэгэхээр хүүхдүүд ийм буруу зүйлээр тархиа хөгжүүлж болохгүй шүү дээ.   

-Тэгвэл Жимсээгийн дүрээс хүүхдүүд юу олж харах вэ?  

-Миний дүр бол энэ жүжигт нэмэгдэж орсон. Өмнөх “Норовын намтар” зохиолд Жимсээ гэж дүр байгаагүй. Жимсээ нь Норовын эсрэг дүр. Хамгийн цагаан, гэгээлэг номонд дуртай хүүхэд гэж ойлгож болно. XX зууны хүүхдүүд ном уншдаг байсан бол XXI зууны хүүхдүүд компьютероор амьсгалах болсон цаг үе. 

Тэгвэл миний дүрийн хувьд XX зууны үеийн Жимсээ одоо үеийн хүүхэд мөртлөө компьютерээс илүү номоос мэдээлэл, мэдлэг олж авдаг хүүхэд. Гэхдээ “ном байнга унш” гэсэн санаа биш. Аливаа юм хэтрэх хэрэггүй. Байнга ном уншаад бас номонд дуртай болчихсон хүүхэд байдаг шүү дээ. Зөвхөн өөрт хэрэгтэй мэдээллээ номоос олж авч чаддаг байх нь чухал. Ном их уншсан Жимсээ үеийнхээ хүүхдүүдээс илүү мэдлэгтэй учраас сургуулийн таван онцын эзэн гэж нэрлэсэн байгаа.   

-Өмнө нь тайз дэлгэцийн олон дүр бүтээж байсан ч хүүхдийн дүрд төдийлөн тоглоогүй байх. Жимсээгийн дүрийг бүтээхэд хэр байв?  

-Миний өмнө нь ажиллаж байсан дүрүүдээс Жимсээгийн дүр огт өөр. Мэдээж хүүхдийн жүжиг учраас илүү сонирхолтой байлгах үүднээс хичээж ажилласан. Тухайлбал, сэргэлэн цовоо, багшийг шүтсэн, онц сурлагатан, сургуулийн хүндэт самбарт байнга зураг нь гардаг гэгчлэн өөрийнхөө дүрийг аль болох хөгжүүлж ажилласан. 

Жимсээ номыг хэдэн ботиор нь дааж ядаад л байнга авч явдаг. Үүнийг манай жүжгийн уран сайхны зөвлөлөөр “ийм хүнд ном барих хэрэг байна уу” гэсэн шүүмжлэл жаахан гарсан байна лээ. Би үүнийг байх ёстой зүйл гэж дүрээ өмөөрөөд найруулагчтайгаа тохирсон. Яагаад гэхээр одоо ч гэсэн ном уншдаг хүүхдүүд байгаа. Тиймээс энэ ном уншдаг хүүхдүүдэд зориулж жаахан хэтрүүлэгтэй байдлаар хүргэхийг зорьсон. Миний дүрээс гадна нэлээн хэдэн дүр нэмэгдсэн байгаа.

Жишээлбэл, аав, ээж, эмээ, өвөө гэх мэт. Эдгээр дүрүүдийг нэмж оруулж өгсөн нь ээж, аавын хайнга зангаас болоод хүүхдүүд тоглоомд уруу татагдаж байж болзошгүй гэсэн санааг оруулсан. Зөвхөн хүүхдэд мөнгө л хэрэгтэй юм шиг ойлгоод хичээлд явахад нь байнга мөнгө өгдөг. Халаасны мөнгө байнга өгдөг үзэгдэл одоогийн эцэг, эхчүүдийн дунд түгээмэл байгаа. Цаанаа хүүхэд мөнгөө юунд зарцуулаад байна гэдгийг харин анзаардаггүй.   

-Сургуулилтаас харахад уран бүтээлийн ачаалал их байх шиг байна. “Норовын намтар”-ын өмнөхөн “Монголчуудын гэрлэх ёслол” театрчилсан тоглолт болсон. Одоо үргэлжлүүлээд залууст зориулсан шинэ жүжиг тавигдах гэж байгаа гэж сонслоо?  

-Уран бүтээлийн ачаалал ихсэх хандлагатай болж байна. Театр маань шинэ уран бүтээлүүд хийж эхэлж байна. Саяхан гэрлэх ёслолын тухай жуулчдад зориулсан тоглолт хийсэн. Энэ тоглолтод би бэргэн эгчийн дүр бүтээсэн. Гаднынханд манай гэрлэх ёслол ямар дэг жаягтай байдгийг шууд орчуулгатайгаар хүргэлээ. Манайхны мэддэггүй зүйл ч их байна. Бэргэн маш чухал үүрэгтэй хүн гэдгийг мэдэж авсан.

Шинээр айл гэр болсон хосууд ямар нэгэн шалтгаанаар салах шаардлага гарвал бэргэнтэйгээ ярилцдаг юм байна. Мэдээж ээж, аавтайгаа ярилцахаас гадна бэргэн тийм их хүндтэй байна гэсэн үг. Тухайн бэргэний зөвлөгөөгөөр эргээд нийлэх тохиолдол ч байдаг гэнэ. Шинэ жүжгийн хувьд манай театр есдүгээр сарын 16-наас эхлээд залуучуудад зориулсан шинэ уран бүтээл тавих гэж байна. Найруулагч Н.Наранбаатарын найруул- гаар “Эцсийн зогсоол зөвхөн чи” жүжгийг бэлтгэж байна. 

Энэ жүжигт би МУГЖ Ж.Оюундарь эгчийн дублёр дүрд тоглоно. Жүжгийн гол дүрийн Жонна бүсгүйн дүр л дээ. Мөн энэ сарын 16-наас эхлээд манай театрынхан говийн аймгуудаар аялан тоглолт хийнэ. Дундговь, Өмнөговь, Дорноговь аймгаар явж “Тамгагүй төр” түүхэн жүжиг, инээдмийн жүжиг болох “Эхнэрээ зээлээч”, хүүхдүүдэд зориулсан “Онц сурлагатан орохыг хориглоно”, “Хайрын виз” жүжгээ залуучууддаа зориулж толилуулахаар хөдөөг зорих гэж байна.   

-Та театрт орохоос өмнө олон сайхан кинонд дүр бүтээсэн. Сэтгэлд хоногшсон дурсамжтай тайз дэлгэцийн дүрээсээ нэрлэнэ үү. Ер нь киноны санал хэр ирж байна вэ?  

-Сүүлийн үед театрынхаа ажилд түлхүү анхааран ажиллаж байна. Арав, арваннэгдүгээр сард ажиллах киноны санал ирсэн. Зохиолоо уншиж үзээд тоглох үгүйгээ шийднэ дээ. Сэтгэлд хоногшсон дүр гэвэл хүн анхны юм бүхэндээ хайртай байдаг. Илүү дотно байдаг учраас тэр байх л даа. Бусад дүрдээ ч мөн хайртай. Тухайн дүрд тоглохдоо жүжигчин тархиа гашилгаж, бие сэтгэлээрээ дүр бүтээдэг болохоор тэр байх.

Анх 2004 онд дөнгөж сургуулиа төгсөөд “Чиний эзгүүд” киноны гол дүрийн бүсгүйд тоглож байсан. Тухайн үед нэлээн л юм болж байсан даа. /инээв/ Анхны дүр болохоор учраа ч олохгүй ёстой л будилж гарсан. Дэлгэцийн бүтээлд дүр бүтээхдээ камерын өмнө яаж зогсох учраа ч олохгүй л явлаа.

СУИС-д киноны талаар бараг хичээл ордоггүй байсан. Тэр үед дэлгэцийн бүтээлийн талаар хичээл ордог болох хэрэгтэй юм байна л гэж бодогдож байсан. Дээрээс нь дөнгөж төгссөн булбарай охин ээжийн дүр бүтээсэн нь бүр ч хүнд байсан шүү. Тийм ч учраас энэ дүрээ одоо болтол хайрлаж, хүндэлж явдаг байх.  

-Тухайн үеийн жаахан охин одоо ээж болсон чинь юу мэдрэгдэж байна. Хэр сайн ээж вэ?  

-Ээж болсон чинь бүх л юм өөрөөр харагдах болсон. Эмэгтэй хүн ээж болохоороо их өөрчлөгддөг юм байна. Өөрөө өөрийгөө илүү их хайрладаг байсан бол одоо тэр хайр нь хүүхэд рүүгээ чиглэх жишээтэй. Өөрөөр хэлбэл, өөрийгөө жаахан умартаж мартах талдаа ордог гэх үү дээ. 

Хүүхдэдээ чамлахааргүй цаг зав гаргаж, хичээж байгаа. Яг үнэндээ хүүхдээ хараад жил гаруй хугацаа өнгөрсөн байна. Хүүхэд маань нэг үеэ бодвол гараас гарчихлаа. Тиймээс одоо уран бүтээлдээ шаргуу хандъя гэсэн бодолтой ажиллаж байна. Ер нь урлагийн мэргэжил төсөөрөхдөө амархан байдаг.   

-Танд уран бүтээлийн өндөр амжилт хүсье. Залуу хүний хувьд манай уншигчдад хандаж юу хэлэх вэ?  

-Уншигч залуучууд, ирээдүйн эзэн хүүхдүүддээ хандаж хэлэхэд зорилгодоо үнэнч, тэмцэж чаддаг байгаасай. Тэр дундаа залуучууд ноён нуруутай байж гэр бүлээ авч явна гэдгийг дотроо ухамсарлаж байх хэрэгтэй. Сүүлийн үед залуучууд маань гэр бүлийг жаахан огоорч мартдаг болсон юм шиг ажиглагддаг. Энэ нь гэр бүлийн үнэ цэнийг алдагдуулах талтай. Үр хүүхэд зөв хүмүүжилтэй өсч байж бидний ирээдүй улам гэрэлтэй байх болно шүү гэдгийг л хэлэхийг хүсч байна.  

Б.Цэцэгдэлгэр
Эх сурвалж: Unen.mn

Advertisement

Сайн Мэдээ

Click to comment

Leave a Reply

Your email address will not be published.

Дотоод

Өмгөөлөгч Пүрэвдулам: Сангийн сайд үндсэн хууль зөрсөн шийдвэр гаргасан тул ОГЦОР

Published

on

Өмгөөлөгч А.Пүрэвдулам: “Сарангэрэл иргэдээ нийгмийн гарал байдлаар нь гадуурхаж ёс зүйн хариуцлага хүлээсэн. Харин сангийн сайд нь Үндсэн хуульд заасан хөрөнгө чинээ, эрхэлсэн ажил, албан тушаалаар гадуурхсан шийдвэр гаргалаа. Хууль хүн бүрд эрх тэгш. Дараагийн огцрох сайд Жавхлан” гэжээ.

Учир нь сангийн сайд ардын хүүхдүүдийг алагчлан үзэж өчигдөр хүүхдийн мөнгийг 80 хувьд нт өгөх боломжтой хэмээн мэдээлэл хийснээ өнөөдөр залруулж 91 хувь болгосон. Тэрээр” Цар тахалтай байх хугацаанд хүүхдийн мөнгөөр дамжуулж өрхийн орлогыг дэмжсэн.

Үүнийг огцом бууруулах боломжгүй. Өндөр орлоготой хэсэг хүүхдийн мөнгөнөөс татгалзсанаар дунд, бага орлоготой хэсэгт хүүхдийн мөнгө тасалдахгүй байх боломжийг баталгаажуулах юм. 100 мянгаар хэвээр хадгална. 3.7 саяас дээш орлоготой өрхүүд өндөр орлоготойд тооцогдоно” хэмээн хэлсэн.

Түүнчлэн орлогын хэмжээнээс хамаарсан шаталсан татвар тогтооно. Шаталсан татварын 2018 онд өргөн бариад дэмжигдээгүй. Тэр үед хамрах хүрээ нь нэлээдгүй том байсан. Босго орлого нь 1.5 сая, гурван сая, таван сая гэсэн шатлалтай байсан. Харин одоо босго орлогыг илүү өндөр тавиад, хамрах хүрээг бага болгосон. 817 мянган ХХОАТ төлөгчдийн 0.1 хувь нь үүнд хамрагдана. 0-10 сая төгрөгийн орлоготой бол дээр 10 хувь хэвээрээ, 10-15 сая төгрөгийн орлогод 10 сая давсан хэсэг дээр 15 хувийн татвар ногдуулна.

Сарын орлого нь 12 сая бол 10 сая дээр нь 10 хувийн татвар, хоёр саяд нь 15 хувийн татвар ногдуулна. Дэлхийн улс орнууд жигд ийм арга хэмжээ авч байна. Өндөр орлоготой хэсэг нь эдийн засгийн хүнд нөхцөлд ачаалал авах, бага орлоготой, инфляцад илүү нэрвэгдэж байгаа хэсэгт тусламж дэмжлэгтэй явах зарчим барьж байна” гэж хэлсэн юм.

Энэ нь мөн л Монгол улсын үндсэн хуулийн 14,2 зүйл заалтыг зөрчсөн үйлдэл болсон тул түүнийг огцруулах хэрэгтэй хэмээн үзэж байна.

Үндсэн хуулийн 14 2 т ” Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь гадуурхаж үл болно. Хүн бүр эрх зүйн этгээд байна” гэжээ.

Жавхлан сайдын уг шийдвэр өрд иргэдээ хөрөнгө чинээгээр нь гадуурхсан үйлдэл боллоо.

Continue Reading

Дотоод

Б.Жаргалсайхан их сургуулиудыг хааш нь нүүлгэх байршлыг нь заалаа

Published

on

Их сургуулиудыг хөдөө орон нутаг руу нүүлгэх нь олон эерэг талтай. Олон жилийн толгойны өвчин болсон түгжрэлийн асуудал нэгдүгээрт шийдэгдэнэ. Хоёрдугаарт орон нутагт байгаа сургуулиуд тухайн аймгийнхаа эдийн засгийг тэлнэ. Ингэснээр хөдөө орон нутаг, аймгууд хөгжөөд бид үйлдвэрлэгч улс болох бүрэн боломж бий. Үүнтэй холбоотой төр засгаас тодорхой төлөвлөлт хийгдэж, зураг төсөл гарсан ч бодит ажил хэрэг болоогүй л байна.

Буянгийн Жаргалсайхан их дээд сургуулиудыг нүүлгэх асуудал дээр өөрийн байр сууриа илэрхийлжээ.

“#ХЦДС-г Дорнод руу. Тэнд очоод хил дээрээ шууд дадлагаа хийгээд хил хамгаалалтандаа хүч нэмээд байж байг.

#АШУИС-г Хөвсгөл рүү. Хамгийн их хүн амтай, мөн хамгийн их ХБИ-тэй иргэдтэй аймаг.

#ШУТИС-г Эрдэнэт рүү. Уул уурхай машин техник гээд шууд практиктай холбогдоход амар шүү. Тэгээд ч тэнд бэлэн салбар сургууль нь байгаа.

#Төмөр замын дээд сургуулийг Дархан руу. Асуудал ойлгомжтой.

#ХААИС-г Архангай болон Сэлэнгэ рүү хуваагаад. Архангай хамгийн олон малтай, Сэлэнгэ газар тариалангийн аймаг.

#МУБИС-г Ховд руу. Олон ястны өлгий аймаг, хүүхэд бүрийн онцлогийг судлаг. Тэгээд ч салбар сургууль нь байгаа.

#СУИС-г Дундговь руу. Дуу хуурын нутагт очоод эхлээд ардын өв соёлоо сайн судлаадхаг. Тэгээд ч тэнд энерги нь бий

#Шашны их сургуулийг Дорноговь руу. Асуудал ойлгомжтой.

#БХИС-г Өвөрхангай руу. Аль ч аймаг руу ойролцоо зайтай, батлан хамгаалах бодлогын хувьд ч эерэг байршил.

#МУИС-г Хэнтий рүү. Яахав эзэн Чингисийнхээ нутагт очоод илүү сайн сурцгааг.

#Цагдаагийн академийг Баян-өлгий рүү. Гэмт хэрэг зөрчил баруун аймгуудад илүү их гардаг.

#Цэцэрлэгийн багшийн сургуулийг Сүхбаатар руу. Зүгээр л тэгж бодлоо. Хаана ч очсон хөөрхөн сургууль шд.

#Тагнуулийн сургуулийг Өмнөговь руу. Монголын баялаг ил далд хамгийн ихээр хил гардаг аймаг.

#хотын МСҮТ-үүдийг бүгдийг нь Төв аймаг руу. Газар нутаг томтой. Юу л бол юу л байгаа аймаг.

За ингээд сургуулиудыг дагаад багш нар, тэдний гэр бүл, үр хүүхэд, оюутнууд, оюутны гэр бүл аав ээж ах дүү нар нь, тэр их хүний урсгалуудыг дагаад хотод шингэсэн ЖДҮ эрхлэгч нар буцаад нутаг руугаа явна.

Хотын талаас илүү нь алга болно. Яг саяын наадмын үе шиг эл хуль. Дадлагын мөнгө төгрөг ч хэмнэгдэнэ.Цэвэр агаарт цэвэр хоол хүнстэй эрүүл мэнд нь ч сайн.Хотод үлдсэн байр савыг нь эрдэм шинжилгээ судалгааны байгууллагуудад өг. Бид одоо өөрсдөө үйлдвэрлэгч улс болох ёстой. Аймгууд ч дорхноо хөгжөөд ирнэ” гэв.

Continue Reading

Дотоод

Давгадорж аваргын тансаг амралтын газар приустэй хүнд үйлчилдэггүй

Published

on

Монгол улсын гавъяат тамирчин, Хөдөлмөрийн баатар, Японы мэргэжлийн сүмогийн 68 дахь их аварга Асашёорюү Давгадорж сяахан “Аса Ланд” нэртэй тансаг зэрэглэлийн жуулчны баазаа ашиглалтад оруулжээ. Өвөрхангай аймгийн Хархорин сумын нутаг Орхон голын хөвөөнд байрлах тус бааз нь УБ хотоос 370 км зайтай.

Нэг ээлжиндээ 180-240 хүн хүлээж авах хүчин чадалтай бөгөөд Канад хаус маягийн 72 өрөө, Модерн загварын люкс гэр 21 өрөөтэй аж. Түүгээр ч зогсохгүй бүх өрөө нь ТОТО брендийн 00 душ эйр кондишнтэй.

Монгол өв соёл, ёс заншлыг шингээсэн хийцтэй энэхүү амралтын газар нь муухан зочид буудлаас илүү үйлчилгээний соёлтой гэнэ шүү. Гэвч приустэй хүмүүст Сарангэрэл сайд асны хэлдгээр “улныханд” үйлчилдэггүй гэнэ.

Төмс Зоригоо Катя нар бал сараараа очсон биш “Аса Ланд” амралтын газрынханд хөөгдөөд ирсэн хэмээн сошиал хуудсанаа хуваалцаж байсан. Тодруулбал, Нөгөө лаг тансаг “Аса Ланд” амралтын газар ирлээ. Тэгсэн чинь приустэй хүнд үйлчилдэггүй юм байна. Дараа гоё машинтай болж байгаад ирэхээс. Аймар дээрэлхүүллээ. Хүнийг гаднаас нь хараад шууд дүгнэдэг юм байна” хэмээн тус амральтын газрын талаар сэтгэгдлээ хуваалцаж байв.

Тус амралтын газар баячуудад зориулагдсан мэт. Бүр нисдэг тэрэг бууж, тансаг зэрэглэлийн машинтай эрх ямбатнууд орж гарахыг бодоход тэдэнд л үйлчлүүлдэг болотой. Кофе нь 19000 төгрөгөөс дээш хоол 39000 дээш үнэтэй . Хамгийн хямдхан нь л энэ гээд бод.

“Цирк”-ийг Д.Дагвадоржийн ээж Х.Пүрэвбадам удирдаж, эхнэр М.Отгонцэцэг 100 хувь эзэмшиж байгаа. Аса аварга циркийг хувьчлан авч, шинэчлэн засвар хийнэ хэмээн мэдэгдэл хийсэн ч өнөөдөр циркчид бэлтгэл хийх заалгүй болж, эхнээсээ циркийн ахмад уран бүтээлчид ажилгүй болцгоосон.

Аса аварга Циркийг аваад оронд нь тансаг амралтын газар бариулчихав уу хэмээн олон нийт ч хардаж байгаа.

Асашёорюү Д.Дагвадорж өмнөх гэргий Тамираасаа албан ёсоор салж, тусдаа амьдарсаар багагүй хугацааг үдэж буй. Энэ талаараа ч өөрийн цахим хуудсаараа дамжуулан мэдэгдэж байв. Харин 2 жилийн өмнөөс дахин гэрлэсэн гэдгээ олонд зарласан юм. Их аваргын шинэхэн гэргийг М.Отгонцэцэг гэдэг.

Continue Reading

Онцлох мэдээ

DMCA.com Protection Status