Connect with us

Урлагийн мэдээ

А.Хишигдалай: Ямар өөрийгөө Хээгий, Даагий гэж нэрлэлтэй биш дээ!

Published

on

Олны хараанд өртөж, гоо сайхны хагалгаа хийлгэсэн, хийлгээгүй гэх ярианы эзэн болсон дуучин А.Хишигдалайг ярилцлагын зочноор урилаа. Тэрбээр ярилцлага өгөхөөр ирэхдээ нүүрээ будаагүй байсан бөгөөд өөрийгөө ямар ч хагалгаа хийлгээгүй гэдгийг уншигчдад дамжуулан хэлээрэй хэмээн захиж байсан юм. “Universe best songs” наадамд оролцож урлагийн гараагаа эхлүүлсэн түүнийг хүмүүс хэтэрхий нүүрэмгий хэмээн шүүмжилж байсан удаатай.  

-“Дуэт дуэл” нэвтрүүлэгт анх удаа оролцож байгаа юу?  

-“25 суваг” телевизийн “Дуэт дуэл”-ийг хүмүүсийн үзэх дуртай нэвтрүүлгүүдийн нэг гэж боддог. Би энэ нэвтрүүлэгт анх удаа оролцож байна. Нэвтрүүлэгт хамтран дуулдаг Н.Зоригттой партнер болсон. Бид “Хайртай хүндээ”, “Хайрын бэлэг” зэрэг дуу дуулсан. Уран бүтээлд ч, нэвтрүүлэгт ч санаанд гүй партнёр болоод сонирхолтой л байна. 

Н.Зоригт бусад оролцогчдыг бодоход камер ха- раад өөрчлөгддөггүй болохоор шалгаруулалтад сайн хамтрагч болсон. Ер нь ардчилсан нэвтрүүлэг учраас бидний төрх байдал байгаагаараа гарсан. Мөн биднээс олон талын авьяас шаардсан сонирхолтой нэвтрүүлэг байна лээ. Нэвтрүүлгийн ялагч энэ сарын сүүлээр тодрох байх.   

-Та фэйсбүүкээрээ дамжуулан фэнүүдтэйгээ санал бодлоо идэвхтэй хуваалцдаг. Дургүй хүргэсэн сэтгэгдэл, хариу бичсэн тохиолдолд хэрхэн хариу барьдаг вэ?  

-Миний фэйсбүүк бараг 60 мянган гишүүнтэй болох гэж байна. Энэ нь бага тоо биш ч айхавтар их биш. Гэхдээ надад хангалттай. Шинэ уран бүтээл гарахад урмын үг хайрладаг бас шүүмжилдэг идэвхтэй гишүүн олон бий. Мөн намайг дэмжиж “like” дардаг олон дэмжигчтэй. “Like” өгч байгаа тоо чухал биш.

Хамгийн гол нь түүний цаана намайг дэмжиж байгаа хүмүүс байгаа гэж бодохоор сайхан санагддаг юм. Одоо намайг үгүйсгээд, элдвээр бичдэг хүмүүсийн тоо цөөрсөн. Би шүүмжлэлийг хүлээж авдаг. Гэхдээ доромжилсон шүүмжийг уншдаггүй.   

-Танд дуулаачийн багш бий юу?  

-Мэргэжлийн сургууль төгсөөгүй болохоор хүмүүс ингэж асуудаг юм. Одоогоор дуулаачийн багшгүй байгаа. Би “Royal” мюзик продакшнтай хамтран ажиллаж байна. Манай продакшнд “Mixx”, “Code26” зэрэг хамтлаг харьяалагддаг.   

-“Royal” мюзик продакшнтай 200 саяын гэрээ хийсэн тухай мэдээлэл гарсан. Энэ талаар сонирхуулаач?  

-Ийм мэдээлэл цацагдаад удаж байна. Энэ мэдээлэл үнэн. Намайг өөрийгөө сурталчлах гээд худал мэдээлэл тараалаа гэх шиг сонин юм их бичсэн. Би өөрийгөө сурталчлах гэж хэзээ ч ийм тэнэг зүйл хийхгүй. Тийм хошин шогийн юм гэж юу байхав дээ. Гэхдээ мэдээлэл тарна гэдэг их хурдан болжээ /инээв/.   

-Одоо ямар уран бүтээл гаргахаар ажиллаж байна вэ?  

-“Kiber girl” нэртэй зүрх сэтгэлгүй, роботон охины амьдралыг харуулсан уран бүтээл хийж байна. Хүнд дурладаггүй, сайхан үгэнд дургүй, юунд ч хууртдаггүй эрч хүчтэй зоригтой охины тухай цоглог дуу гарна. Гэхдээ оны дараа гарах байх. Тэгэхгүй бол оноос өмнө бүх хүн л шинэ жилд зориулсан уран бүтээл гаргаж байна шүү дээ. Нийгмийн сэтгэхүй ч шинэ жил гээд өөр зүйлийг хүлээж авах бэлтгэлгүй байгаа болов уу.   

-Хүмүүсийн шүүмжлээд байдаг нэг хэвийн дуу дуулдаг уран бүтээлч болохгүйн тулд яаж ажиллая гэж бодож байна вэ?  

-Хүн болгонд хүлээн зөвшөөрөгдсөн дуучин болох нь зөвхөн надаас л шалтгаална. Хүмүүст хүлээн зөвшөөрөгдөхийн тулд шинэлэг зүйл хийх хэрэгтэй гэж боддог. “Хайран” нэртэй дуу маань уянгын ч сонин шийдэлтэй уран бүтээл болсон. Хүн бүрт зориулсан дуу биш л дээ. Хэсэг хүмүүс л тэр дууны утгыг ойлгож мэдэрсэн гэж боддог. Тэр дууг гаргасныхаа дараа манай сонсогчид ийм уран бүтээл хүлээж авах цаг болоогүй юм байна гэдгийг ойлгосон

. Дууны үг нь далд утгатай учраас би арай өөрөөр дуулсан. Тэгсэн сонсогчид намайг “хэлээ хазаж” дуулсан, бөөрөнхий хэлтэй гэж хэлсэн. Би бөөрөнхий хэлтэй биш, “хэлээ ч хазаж” дуулаагүй. Зүгээр л тэр дууны үг, утга агуулгад нь тохируулж дуулсан чинь хүмүүс намайг ойлгоогүй. Ер нь хүмүүст барууны стандарт, тэд юу сонсоод байгаа юм бэ, гэдгийг бага ч болов ойлгуулахыг оролдсон. 

Тэгсэн бас Аделийн “Some one like you” дуутай төстэй байна гэсэн. Гэхдээ энэ мундаг дуучинтай адилхан гэж хэлсэнд нь баярласан. Энэ чинь дэвшил байхгүй юу. Би Адель биш, Хишигдалай бас хэний ч бүтээлийг хулгайлж, хуулбарлаагүй. Ер нь нийтийн дуу дуулахаас татгалзсан төдий. Би тодорхой ертөнцтэй, утга агуулгатай уран бүтээл хийхийг хүсч байна.

Түүнээс биш зохиолын дуу шиг амархан аялгуутай, хайр нь чамдаа хайртай, хайрыгаа хайрлаарай гэсэн ядуу үгтэй дуу дуулмааргүй байна. Үгнийхээ цаана үг нуудаг шүлэгтэй, аялгуутай дуу дуулмаар байна. Хийж байгаа уран бүтээлээ үлдэцтэй өгүүлэмжтэй хийхийг хүсч байна шүү дээ.   

-Ингээд хэлэхээр энэ ярилц лагыг уншсан хүмүүс таныг “Ямар онгироо юм бэ” гэж хэлэх байх даа?  

-Олон хүн миний талаар гарсан худал мэдээллийн тухай ярьдаг. Гэхдээ би тэднийг эргүүлж муулаад хэзээ ч амжилтад хүрэхгүй. Хүмүүс намайг муулж байхад би өөрийнхөө талд орохгүй бол өөрийгөө л алдана. Тийм учраас миний талаар юу гэж ч ярьсан хамаагүй. Хэзээ нэгэн цагт би хүлээн зөвшөөрөгдөхдөө л зөвшөөрөгдөх болно. Гэхдээ би тэр цагийг хүлээгээд зүгээр суухгүй. Амжилтад хүрэхийн тулд илүү хөдөлмөрлөх болно. Одоо ч хүмүүсийн ярианаас айхаа больжээ. Тэгээд ч элдэв юм бичиж байгаа хүмүүстэй хэрүүл хийгээд явах цаг надад байхгүй.   

-Сүүлийн үеийн дуучид эцэг эхийн хайрласан нэрээс гадна урлагийн нэртэй болох сонирхолтой болжээ. Та өмнө нь нэрээ сольё гэж бодож байв уу?  

-Эцэг эхийн хайрласан нэрэндээ хайртай. Ямар Хээгий, Даагий гэсэн нэртэй бололтой биш дээ /инээв/. Магадгүй намайг анх гарч ирэхэд хамтран ажиллаж байгаа хүмүүс хүссэн бол тийм зоригтой алхам хийх л байсан байх. Гэхдээ бурхны хувь төөргөөр цаанаасаа энэ нэрээрээ яваарай гэсэн юм байлгүй сольё гэж бодож байсангүй. Одоо санал тавьсан ч солихгүй ээ.   

-“Universe best songs” нэвтрүүлэгт оролцсон нь таны хувьд боломж байсан. Тухайн үед таны нүүрэмгий зан бусдаас ялгарахад их нөлөөлсөн гэж бодож байна?  

-Энэ нэвтрүүлгийг зохион байгуулсан хүмүүст баярлахгүй байхын аргагүй. “Universe best songs” бол миний хамгийн үзэх дуртай, хайртай нэвтрүүлэг. Энэ жил мөн үргэлжлэн зохион байгуулах гэж байна. Сайныг саар заавал дагах ёстой юм шиг Л.Балхжав захирлыг дуулах дуртай хүүхдүүдээр мөнгө олж байна гэж ярьдаг. Үүнийг би эсэргүүцдэг. Л.Балхжав захирал Монголын урлагт хийдгээ хийчихсэн хүн, би их хүндэлдэг.

Энэ хүний санаачилсан “Universe best songs” олон хүнд урам хайрлаж, заримынх нь цаашид явах замыг заасан хүндтэй нэвтрүүлэг. Хамгийн гол нь энэ нэвтрүүлгээс гарсан хүүхдүүд дуучин болох албагүй шүү дээ. Ард түмний нэвтрүүлэг учраас хэн ч оролцож өөрийгөө хөгжүүлж болно биз дээ.  

-Таныг нэвтрүүлэгт оролцож байх үед аливаа юманд дайчин ханддаг тань илэрч байсан шүү?  

-Би айлын ганц охин, хоёр ахтайгаа өссөн. Тийм болоод ч тэр үү эмэгтэйлэг гэхээсээ эршүүд охин байсан. Эмэгтэй хүний ааль байлгүй л яахав. Гэхдээ шударга шулуун, хаана ямар зан гаргахаа мэддэг гэж өөрийгөө дүгнэдэг. Нас бага байгаа болохоор надад алдаж онох зүйл их байгаа. Бүдрээд унасан ч шантралгүйгээр босоод урагшаа алхсан нь надад хичээл, туршлага болсон байна.   

-Та гоо сайхны мэс ажилбар хийлгэж байсан уу?  

-Намайг интернэтээр бөөн хагалгаа хийлгэсэн гэж бичсэн байна лээ. Би нэг ч удаа гоо сайхны хагалгаа хийлгэж байгаагүй. Би хагалгаа хийлгэх нь битгий хэл тариа хийлгэхээс айдаг. Хүмүүсийн хэлээд байгаа хагалгаа хийлгэх тэр их мөнгө нь байсан бол боловсролдоо зарцуулмаар байна. Би сурмаар байна. Өнөөдөр сургуулийн төлбөр хэд байгаа билээ, аав, ээж маань хэдэн төгрөгийн цалин авдаг билээ гээд бодох юм бол их зүйл байна шүү дээ.

Ийм ямар ч авцалдаагүй мэдээлэл гаргасан хүмүүс болих хэрэгтэй. Би анх “Universe best songs” нэвтрүүлэгт оролцож байхдаа 17-хон настай байсан. Тэр үед нүүрээ будаад, өсгийтэй гутал өмсөөд явах нь зохистой харагдах байсан уу гэдгийг хүмүүс бодох хэрэгтэй. Би тэр үед хүүхэд шиг хүүхэд байсан. Нүүрээ буддаггүй, жийнс, кээтнээс салдаггүй охин байсан.

Тэр цагаас хойш дөрвөн жил өнгөрч байна. Одоо нүүрээ будаж, эмэгтэйлэг харагдахын тулд гадаад байдалдаа анхаардаг болсон. Би зүгээр л цаг цагт нь тохируулж өөрчлөлт хийсэн. Хамгийн гол нь гоо сайхны мэс засал хийлгэсэн гэж хэлүүлтлээ өөрийгөө өөрчилж чадсанаараа бахархаж байна. Миний авууштай тал бол зурган дээр сайхан гардаг. Будаад ч сайн засал авдаг.   

-Юунаас эрч хүч авдаг вэ?  

-Аав, ээжээсээ их эрч хүч авдаг. Миний сайн, мууг аав, ээж маань хэтрүүлэггүй хэлдэг. Мэдээж загнуулах үедээ загнуулалгүй яах вэ. Ах нар маань надад зөвлөгөө өгдөг. Ер нь ингээд бодсон чинь гэр бүл л хамгийн нандин юм байна. Ээж маань Архангайд ажиллаж амьдардаг. Манай аав Хөдөө аж ахуйн яаманд ажилладаг, хоёр гэрийн хооронд ирэн очин явдаг даа.   

-Таныг их олон хүнтэй нэр холбодог. Ер нь танд найз залуу бий юу?  

-Найз залуугүй. Гэхдээ хүмүүсийн ярьснаар бол найман найз залуутай болсон юм шиг байна лээ. Гэтэл тэр нэр холбогдсон хүмүүсээс нэгэнтэй ч холбоогүй.   

-Папарацид өртөж байв уу?  

-Байнга л өртдөг. Ялангуяа санаандгүй байхад авсан янз бүрийн поозтой зураг фэйсбүүк дээр тавьчихсан байдаг юм. Одоо ч тоохоо больжээ /инээв/.   

-Төрөл жанрын хувьд урвах бодол бий юу?  

-Зохиолын дуунаас бусдад нь хүчээ сориод үзнэ ээ. Гэхдээ “Дуэт дуэл” нэвтрүүлэгт монгол хит дууны төрөл байсан. Түүнд нь “Хар хархан харц” дууг дуулсан. Түүнийг сонсоод хүмүүс бас л олон юм ярих байх. Гэхдээ яахав дээ, нэвтрүүлэг байсан юм чинь. Ер нь би одоогоороо амьдрах дуртай. Одоотойгоо уралдаж, амьдрах нь чухал гэж боддог. 

Б.Сэлэнгэ 
Эх сурвалж: Unen.mn

Advertisement

Сайн Мэдээ

Click to comment

Leave a Reply

Your email address will not be published. Required fields are marked *

Урлагийн мэдээ

О.Билгүүний хөнжлөөс олдсон 1 сая доллар ямар учиртай вэ

Published

on

By

Нэлээн олон компанийг үүсгэн байгуулж, захирлаар нь ажилладаг загвар өмсөгч залуу бол О.Билгүүн юм. Тэр “Яг түүн шиг” шоугаараа олонд илүү танигдсан ч түүний өмнө загварын тайзанд гарч байснаараа танил болоод байсан билээ.

Түүний хувьд аялалын компани, кибер спорт, загварын гээд олон салбарт компани байгуулж үйл ажиллагааг нь явуулж бизнест амжилттай яваа гэхэд болно. Тэр өдгөө Япон улсын Токио хотод албан болон хувийн шалтгаанаар зорчиж яваа юм. Тэгвэл өнөөдөр тэр өөрийн хуудсандаа “Хөнжлөө сөхсөн чинь хөнжил дотроос гараад ирлээ, Зүүд биелдэг юм байна” хэмээн бичжээ.

Зарим хүмүүс үүнийг нь маазран хэмээн мэдсэн бол зарим нь бодит гэж бодсон бололтой игтэжээ. Энэ зураг дээр 100 долларыг боодлыг 10-аар багцлаад нийтдээ 10 ширхэг байх та 1 сая доллар гэсэн үг юм. Гэхдээ үүнд итгэх хэрэггүй харин тоглоом байсан нь ил болжээ.

Түүний оруулсан зураг нь өөрийнх нь авсан зураг биш бөгөөд цахим орчинд зүгээр л хайхад гараад ирдэг зураг аж. Тэгэхээр Билгүүн маань нэг бол марзагнасан эсвэл 1 сая доллартай болохын мөрөөдөл хүслээ билэгдэж ийм зураг оруулсан ч байж болох юм.

Тэр өөрийн бизнесийн салбарт ажилласан талаараа “Анх мэргэжлээ сонгохдоо бизнесийн болон урлагийн олон хүнтэй уулзаж байсан. Яагаад бизнесийн салбарт орсон бэ гэхээр тухайн үед “Өө зүгээр модель юм уу? Урлагийн хэдэн хоосон толгойнууд, мөнгөгүй бацаан нар” гэж ярьдаг байсан. Тэгээд миний шар хөдөлсөн л дөө. Энэ хүмүүс хүний хийж чадахгүйг хийчихсэн юм шиг ямар муухай ярьдаг юм бэ гэж бодон 1 жил 6 сарын хугацаанд моделиор ажиллаад түүнээс хойш олон жил модель хийгээгүй.

Ингэж явж байгаад шууд гарааны бизнест орсон. Эргээд харахад нийт 37 орчим бизнес хийж үзсэн байна. Мэдээж олон удаа бүтэлгүйтсэн. Тэднээсээ суралцаад одоо өөрийн дуртай зүйлээ хийж байна. Хөгжмийн найруулагч, дуучин Накитай хамтран өсвөр насныханд зориулаад энтертайнмэнт боловсрол олгож, шинэ үеэ зөв төлөвшүүлэхийн төлөө “IGX” төсөл дээр ажиллаж байна.

Уг төслийн хүрээнд ЕБС-уудаар явж сонгон шалгаруулалт хийж, лекц уншиж байгаа юм. Одоогоор 240 гаруй сургуулиас 50 гаруй сургууль дээр очихоор төлөвлөсөн” /Yolo.mn/ хэмээн ярьсан байдаг.

Continue Reading

Урлагийн мэдээ

Ихэрсувдад давхар баяр тохиожээ

Published

on

By

Ихэрсувдад давхар баяр тохиожээ. Тэр The Voice шоунд амжилттай оролцож олон шүүгчдийг эргүүлж харуулж чадсан бөгөөд дуучин Укаг сонгосноор түүний багт орсон юм. Харин түүний төрсөн өдөр 1 сарын 17-нд тохиож байна.

Үнэхээр гоё төрсөн өдрийн бэлэг боллоо. 1/17 Намайг багтаа авсанд маш их баярлалаа. Улам их хичээнээ” гэжээ.

Ихэрсувдын хувьд бидэнд танил бөгөөд тэр “Авъяаслаг Монголчууд” нэвтрүүлэгт мөн амжилттай оролцож байсныг бид мэднэ. Түүний талаар иргэдийн санал бодлыг сонсоё!

“Ихэрсувд. Берклигийн их сургуулийн хөгжимт мюзиклийн анги төгссөн, дуучин, дуу зохиодог, байгальд дуртай энгийн нэг охин гэнээ. Нуль эгдүү, шал өөр жинрешн. Асашёорюүгийн анхны эхнэр Г.Тамирын төрсөн эгчийнх нь охин л доо. Нагац эгчийгээ дуурайцан, маш үзэсгэлэнтэй. Боловсролтой, хэл устай шинэ үеийнхэн хичнээн гоё вэ. Дэлхийд цойлоорой Ихэрсувд минь Жич: Болдыг сонгочихгүй яав гэж бодов. Гэхдээ өөрийгөө аваад явчих байх оо” – Darya Urnaa

“Бидний мэдэх жаахан охин Б.Ихэрсувд дуучин, хөгжмийн продюсер болох маш том хүсэл мөрөөдөлтэйгөөр Войс шоуны тайзнаа гарч өөрийн дуу хоолойг баталж харууллаа.” – Хүсэл

“Ихэрсувд: Хөгжимчиддөө баярлалаа – гээд хөөрхөн инээгээд орлоо. Бараг анх удаа шахуу хөгжимчиддөө баярлалаа гээд орж буй оролцогч байх. Жижигхэн хандлагаас ямар хүмүүжилтэй нь мэдэгддэг Илүү ухамсартай шинэ үе….” – Davaadorj Davaanyam

“Ихэрсувд Авьяаслаг Монголчууд дээр Riptide дуулж байсан тэ. Гоё дуулдаг, ертөнц нь гоё охин хол явах байх аа. You go girl” – Enkhjin Otgonbayar

“Бидний танил Б.Ихэрсувд охин үнэхээр мундаг байлаа. Берклигийн их сургуулийн хөгжимт мюзиклийн анги төгссөн, дуучин, дуу зохиодог, байгальд дуртай энгийн нэг охин. Хөөрхөн, эгдүүтэй, шал өөр “жинрешн”. Асашёорюүгийн анхны эхнэр Г.Тамирын төрсөн эгчийнх нь охин. Нагац эгчийгээ дуурайсан, маш үзэсгэлэнтэй. Боловсролтой, хэл устай шинэ үеийнхэн хичнээн гоё вэ. Дэлхийд цойлоорой Ихэрсувд минь” – Taiz.mn

Continue Reading

Урлагийн мэдээ

Acool: Юунаас ч бүү ай, үргэлж чамайг дэмжих болно

Published

on

By

Дуучин Анхбаяр буюу Acool маань саяхан гэр бүлээрээ Малдив улсад аяласан юм. Хүч хөдөлмөрөөрөө өдий зэрэгт хүрч, хүүхдүүдийн эрхий төлөө тэмцэж дуу хоолойгоо байнга хүргэдэг дуучны маань талаар иргэд ам сайтай байдаг юм билээ.

Тэр гэргийнхээ талаар ийн бичжээ.

“Би үргэлж чамаараа гоёж чинийхээ ухаанд уяардаг шүү! Хатан ухаан шингэсэн хүүгийн минь ээж хайрт Чамдаа хайргүй байхын аргагүй ээ!

Чи минь хамгийн шилдэг шүү юу ч болсон чинийхээ ард бат зогсох хайр чинь БИ байна! Юунаас ч бүү ай! үргэлж чамайгаа дэмжиж түших болноо! Хамтдаа бүхнийг бүтээнэ хамтдаа насан турш амьдарнаа хайрт минь” гэжээ. Үнэхээр л халамжтай мундаг хань бололтой!

Continue Reading

Онцлох мэдээ