Connect with us

Дотоод мэдээ

Тунгалаг агсны хүү сэтгүүлч Г.Алтантүрүүтэй уулзжээ

Published

on

Энэ талаар “Танайд хоноё” нэвтрүүлгийн хөтлөгч асан сэтгүүлч Г.Алтантүрүү өөрийн цахим хуудсандаа өгүүлжээ.

“Гэнэт ирнэ! Нутагтаа тухтай морил! Ямар их үгүйлээ вэ! Мэдэх нэг нь түүнийг мэднэдээ. Гэнэт явна” гэжээ.

Сэтгүүлчийн маань өмнө нь хэвлэлд өгч байсан ярилцлагыг танд хүргэж байна.

-Нэвтрvvлгийн тань нэг оролцогч агсан Б.Тунгалаг бvсгvйн амьдралаар кино хийж байгаа гэсэн. Vvгээр яриагаа эхлэх vv?

-Єнгєрсєн жилийн тавдугаар сард юм байна. Миний ажлын энгийн л нэг єдєр. Шар хаданд найман машины гарааштай, саунтай сvрхий айлд хонох байсан юм. Уг нь их анхаарал татахаар айл л даа. Яг нэвтрvvлэг хийх єглєє нєгєє айлаас утасдаад “Уучлаарай, бид хонуулахаа болилоо” гэдгээ палхийтэл хэлдэг байгаа. Цаг нь тулчихсан яах учраа олохгvй сандраад л.

Бvтэн сайнд нь эфиртэй байдаг. Хэрвээ тасалбал цалингийн 25 хувиар торгуулна. Их мєнгє л дєє. Тэгээд л гудамжнаас хонох айлынхаа эзнийг хайхаар шийдсэн. Ямар сураагvй юм биш гээд гарсан даа. Тэгээд хоёр хvvгээ хєтлєєд явж байсан Б.Тунгалаг бvсгvйтэй таарсан. Хагас сайн єдєр Тунгалагийнд хоноод маргааш єглєє нь монтажлаад орой нь гарсан нэвтрvvлэг.

Гэхдээ яах вэ, би єєрийгєє, Тунгалагийн гэр бvлийг их азтай гэж боддог. Нэвтрvvлэгч яах вэ эфирт цацагдаад л єнгєрсєн. Маргааш єглєє нь нэг дэх єдєр єглєє ажилдаа ирэхэд Улаанбаатар тэр чигээрээ Тунгалагаар найгачихсан, ажил дээр баахан хvн ирчихсэн байсан. Би vнэхээр их гайхсан. Уг нь энэ бол миний нэг удаагийн л ажил. Ажлаа хийгээд дууслаа л гэж бодсон. Тэгтэл харин эсрэгээрээ эхэлж байсан.

Зарим нь бvр мєнгєє барьчихсан зогсож байсан. Ингээд маргааш нь Тунгалагийг хоёр хvvхэдтэй нь дуудаад, эфирээр зар єгєєд туслах хvмvvс нь туслаг гэж бодсон юм. Нэг их хvн ирэхгvй байх, ямар ч гэсэн хэдэн тєгрєг цуглана гэж бодсон. Гэтэл нvvрс зардаг нь нvvрсээ, илvv хєргєгчтэй нь хєргєгчєє тэврээд ирсэн. Бvр гурван булиа залуу ирснээ “Нєхрийг нь хаана байдгийг мэдэхгvй биз?” гэж асууж байлаа.

-Тухайн vед хvмvvс єєртєє байгаа бvхнийг Б.Тунгалаг бvсгvйд єгєхийг хичээсэн. 50 тєгрєг, таван сая тєгрєг ч єгсєн хvн байгаа байх?

-Хvний сэтгэлийн гvнээс гарч байгаа зvйл гэдэг хvч ордоггvй юм билээ. Нийт 10 сая тєгрєг л болов уу гэж бодсон чинь 80 сая тєгрєг тэр дороо цуглачихсан. Том, том компаниудыг нэрлэж болох юм. Манай ажил “Бємбєгєр” захын хажууд шvv дээ. Єглєє босоод л шараа тайлдаг хvнд гарууд тэнд олон бий.

Тэдний нэг нэлээд халамцуухан ирээд “Би яах вэ” гээд 100 тєгрєг єгчихєєд “Наадах чинь асуудал биш шvv” гэж байсныг, портер дvvрэн модтой хvн ирээд “Эгчид нь єгєх мєнгє алга. Тэгэхдээ гэр нь, хоёр хvv нь дулаахан байг дээ” гээд мод єгч байсныг тод санадаг юм.Тийм хvмvvс олон байсан.

-Талийгаачийг єнгєрснєєс хойш хоёр хvvтэй нь уулзсан уу. Одоо хаана байгаа бол?

-Уулзаагvй. Шинэ жилээр хоёр дvvдээ бэлэг бариад очсон. Нvvчихсэн байна лээ. Хоёр хvv бидэнтэй хамт байгаа гээд дvv нь надтай ярьсан. Ажил явдлынх нь vеэр би Америкт байсан болохоор ирээд хоёр хvvтэй нь уулзъя гэсэн ч зориг хvрээгvй.

-Яагаад?

-Яг мєнгє тєгрєг цугларч байх vед би “Бvх юм сайхан болно” гээд хоёр хvvг нь тэврээд л сууж байсан. Vнэхээр мєнгє бvхнийг шийдэх юм шиг санаж байж. Тийм болохоор одоо намайг хараад ээжийгээ илvv их санах болов уу гэж айгаад.

-Кино удахгvй дэлгэцнээ гарна гэж байсан?

-Ш.Гvрбазар ахын зохиол, “Мазаалай фильм”-ийн захирал Ч.Батбаяр найруулагчийн “Зvvдний vргэлжлэл” кино энэ сарын эхээр гарч эхлэх гэж байна. Тунгалагийн дvрийг М.Алтанзул гэдэг жvжигчин бvсгvй амилуулж байгаа. Гол дvр маань Тунгалагтай vнэхээр адилхан юм билээ. Хоёр хvvхдэд нь Хvvхдийн ордон, Хєгжим бvжгийн коллежийн хоёр хvv тоглосон. Киноны дууг залуу дуучин Хулан дуулж байгаа.

-Кино хийх талаар олон найруулагч санал тавьж байсан гэсэн?

-Тийм ээ, олон хvн хандсан. Миний хувьд энэ кинонд зєвлєх маягаар оролцож байгаа. Би гол нь киноноос олсон орлогоос хоёр хvvхдэд нь мєнгє єгєєрэй. Хамгийн гол нь маш сайн кино хийнэ шvv гэсэн шаардлага тавьсан.

-Ээжийнх нь тухай кино хийж байгааг хєвгvvд мэдэж байгаа юу?

-Гэрийнхэн нь бvгд мэдэж байгаа.

-Ингэхэд анх яагаад “Танайд хоноё” нэвтрvvлгийг хийх болсон юм бэ?

-Тухайн vеийн MN-25 телевизийн захирал З.Алтай ах бид хоёр гурван цаг шахам ярилцаж байж нэвтрvvлгээ анх тєрvvлсэн дээ. “Танайд хоноё” нэвтрvvлэг монгол хандлага. Тэр тусмаа євєртєє нэг юмтай очно гэдэг бол монгол заншил. Аль болох монгол хандлагаар л хийе гэж бодсон.

-Гэхдээ таныг телевизээсээ гарч байгаа гэж сонслоо. Яагаад гэж олон хvн сонирхох нь лавтай?

-Ерєнхийдєє кинонд ажиллаад одоогоор телевизээсээ чєлєє авсан. Цаашид ганцаараа телевизийн ертєнцєд єрсєлдье гэж бодож байгаа. Хvн нэг газар удах тусам тэр хvрээгээ єєрийнхєє хязгаар юм шиг харж эхэлдэг. Тэгэхээр тийм байхыг хvсэхгvй байна. Хvчтэй єрсєлдєгч байна гэдэг бол сайхан. Телевизийн сэтгvvлч хvнийхээ хувьд том хvрээнд єрсєлдье гэж бодож байгаа.

-“Танайд хоноё” нэвтрvvлэг тэгэхээр дахиж гарахгvй гэсэн vг vv?

-Миний санаа гээд гарахдаа нэвтрvvлгээ ємчлєєд явна гэж байхгvй. Энэ бол хувь хvний ёс суртахууны асуудал. Патент гэдэг зvйлийг телевизэд ярьдаг эсэхийг би мэдэхгvй, “10 мянган тєгрєг”, “Амьдрал аа гэж” гээд миний хийдэг бvх нэвтрvvлэг “MN-25” дугаар суваг телевиздээ vлдэнэ.

-Цаашдаа юу хийхээр тєлєвлєж байна вэ?

-Хэвлэл мэдээллийн салбартаа компани бас студи байгуулж байгаа. Нэвтрvvлэг хийнэ. Зорилгынхоо тєлєє илvv єндєрт нисье гэж бодож байгаа. Айлын тэжээвэр шувуу шиг єглєєд нэг бэлэн будаа тоншъё гэж боддоггvй. Тийм байхыг ч хvсэхгvй байна.

-Шинээр хийх нэвтрvvлгээ тєлєвлєсєн vv. Мэдээж “Танайд хоноё” нэвтрvvлгээс илvv байж хvмvvст хvрнэ шvv дээ?

-Би сургуулиа тєгсєєд л “MN-25”-д орсон. Дєрвєн жил болжээ. Ер нь анхны нэвтрvvлгvvдтэй харьцуулахад дараагийнх нь илvv чанаржсан гэж би боддог. Карьериа єсгєе гэвэл илvv сайн байж дараагийн ажил минь хvнд хvрнэ. Нэвтрvvлгийн санаа олчихоод бэлтгэл ажилдаа ороод байна.

-Хамгийн их vзэгчтэй нэвтрvvлэг гэдгээрээ “Танайд хоноё” нэвтрvvлгийн дундуур реклам их явдаг. Та сурталчилгаанаас хувь авдаг байсан уу?

-Vгvй, хувь авдаггvй. Хєдєлмєрийн гэрээгээрээ ажиллана. Цалин гайгvй авдаг байсан. Тэгэхдээ хангалттай биш.

-Ингэхэд хэчнээн айлд зочилсон бэ. Тоолж vзсэн vv?

-Хоёр жилийн хугацаанд 112 айлд хоносон.

-Хамгийн хэцvv, хаалгаа удаан балбуулсан айл хэнийх байв?

-Хvмvvс траншейнд хоноход л хэцvv байсан байх гэж боддог. Харин ч vгvй. Цаатангуудын урцанд хонох л амаргvй байлаа. Урцандаа яаж амьдардгийг, цаагаа хэрхэн малладгийг vзvvлэхийг маш их хvсч байсан. Гэвч санаснаар болоогvй ээ. Тvvнээс гадна нэг айлд ороод зургаа аваад эхэлчихсэн байж байтал гэрийн эзэн нь ирээд “Чи яв. Хонуулахгvй. Чи хонож байгаа айлынхаа угаалгын єрєєнд нь ороод айлаа муулаад байдаг юм билээ” гээд хєєж байсан. Хєгжилтэй зvйл их бий.

-Vнэхээр єєрийн гэр шиг санагдсан нь?

-Ихэнх айлууд байдгаараа байсан. “Хамаагvй ээ, би vvдэнд чинь унтья” гэхэд хамгийн хvндтэй газраа унтуулна. Бvгд сэтгэлээрээ байсан. Тиймээс хонуулсан бvх айлдаа, хонуулаагvй vзэгчдэдээ, хєєсєн айлууддаа “Баярлалаа” гэж хэлэх байна.

-“Танайд хоноё” нэвтрvvлэг гараад нэг жил боллоо. Хvн бvр намайг таниад л. Нэвтрvvлгээ vзэхээр єєрт хvртэл таалагдаад л. Би чинь юу болчихов оо гээд тэнгэрийн амьтан. Нэг хэсэг биеэ тоох хандлагатай болсон. Би нэг эмэгтэй дvvтэй. Нэг єглєє сэрсэн чинь дvv маань “Ах аа, та ямар єєр болчихсон юм. Миний хурлыг та нэг ч тасалж байгаагvй.

Тэгсэн хуралд суусангvй. Та намайг тоохоо больчихлоо” гэж байна. Тэгээд л би уран бvтээлч хvн єєр байх ёстой гэж бодсон. Аль болох гудамжаар явж, хvмvvсийн дунд байх хэрэгтэй. Хааяа амны хаалт зvvгээд троллейбусаар явдаг. Урд сууж яваа хоёр охины асуудал нь юу байна.

Ард сууж яваа эмээ євєєгийн асуудал, кондуктор хvнийг яаж доромжилж байна. Энэ бvхнийг мэдэрч байна гэдэг сайн нэвтрvvлэг хийхийн эхлэл. Биеэ тоогоод нэг их том ярьсан хvн хvмvvсийн дунд сууна гэдэг хамгийн уйтгартай. Энэ надад таалагдаагvй. Амьдрал биш гэдгийг ойлгосон.

Эх сурвалж: “Зууны Мэдээ” сонин

Advertisement

Сайн Мэдээ

Click to comment

Leave a Reply

Your email address will not be published. Required fields are marked *

Дотоод мэдээ

Б.Баярсайхан гишүүн Л.Энх-Амгалан сайдыг хэлэх үггүй болгов

Published

on

By

“Чүдэнз” Амараагийн эгч, УИХ-ын гишүүн Б.Баярсайхан байнгын хорооны хурал дээр үг хэллээ.

“2021 оны 1 дүгээр сарын 21-ээс том ажлын хэсэг дэд ажлын хэсэгтэйгээ уулзсан. Жилийн хугацаанд 10 удаа уулзсан байгаа. 1 сарын 21-нд УИХ-ын гишүүд, ажлын хэсгийн гишүүд тодорхой чиглэл өгсөн байгаа.

Өмнө нь хийгдэж байсан олон улсын байгууллагууд, Мобиком, Дэлхийн Зөн байгууллагуудтайгаа уулзаж туршлагаа судлаарай, эрс тэс уур амьсгалтай говь хангайн нөхцлөө сайн судлаарай, олон улсын байгууллагууд элчин сайдын яамдуудтай уулзаарай, технологийн шийдлийг орон нутгийнхаа онцлогт зориулж хийгээрэй, Азийн хөгжлийн банкны өмнө нь боловсролын салбарт хийгдсэн бүтээн байгуулалтыг үзэж танилцаж туршлага судлаарай гээд 2021 оны 1 сарын 21-ээс 12 сар хүртэл нийтдээ бид нар 11 дэх удаагаа байнгын хорооны хурлаар орж ирж байгаа юм.

Энэ том ажлын хэсэг бол үнэхээр дэд ажлын хэсэгт сар тутамд бид хяналтаа тавьж чиглэлээ өгч шахаж явсан. Миний хэлээд байгаа нэг гол зүйл бий. Төрийн албанд хугацаа алдуулаад улсын ажлыг хойш нь татаад хариуцлага алдсан хүмүүс яагаад хариуцлага хүлээдэггүй юм бэ? Боловсролын яаман дээр бүтцийн өөрчлөлт хийгдсэн.

Өмнө нь энэ ажлыг хариуцаж байсан хүнд сайд та арга хэмжээ авсан уу? Энэ ажлыг өдийг хүртэл маш их их хэлсэн. 1 сарын 21-ээс хойш бид нар 9 сар хүртэл хэдэн удаа хуралдсан байна? Тендерээ зарлаач ээ, технологио шалгаруулчихсан уу яг яаж өгөх гээд байгаан бэ, эсвэл үндэсний том компанид нь өг, аймаг аймгаар нь эсвэл том том төсөл болгоод өгчих, эсвэл урд нь хийж байсан компаниудтайгаа зөвлөж ямар аргаар энэ тендерээ зарлаж хамгийн гол нь чанартай ажлыг хийж нэг сумын, нэр цэцэрлэгийн жорлон чанартай байх ёстой гэдэг шаардлагыг тавьсан.

Харамсалтай нь дэд ажлын хэсэгт оролцож байгаа зарим хүмүүсийн энэ удааширсан байдал мэдэхгүй би санаатайгаар ажил хойшлуулсан гэж бодохгүй байна. Үнэндээ Энх-Амгалан сайдаа 10 удаа салбарын сайдаас дутахгүйгээр энэ ажилд санаа тавьж хуралдсан. Үнэндээ ажил бол хангалтгүй байгаа. Өнөөдөр бол шийдэлээ ярьж байгаа тохиолдолд би ямар нэгэн асуултыг дэд ажлых хэсгээс бол асуухгүй.

Би Энх-Амгалан сайдаас та энэ ажлыг ямар нэгэн алдаа дутагдалгүйгээр салбарын сайдын хувьд цаашдаа аваад явах боломж харагдаж байна уу? Би Барилга хот байгуулалтын сайд Мөнхбаатар сайдтай хэд хэдэн удаа уулзсан. Мөнхбаатар сайдын хувьд технологи, барилга талаас нь анхаарахад нэлээн олон удаа сүүлийн 2,3 удаа дэд ажлын хэсгийг аваад хуралдчихсан байгаа байхгүй юу.

Тэгэхээр нэгэнт байнгын хороогоор орж байгаа юм чинь салбарын сайд энэ ажлыг юу гэж харж байна? Энэ бол болдог, бүтэлгүйтэл гаргахгүйгээр бүх жорлонг орчин үеийн ус байгууламж болгох боломжтой. Тэгэхээр энэ дээр бидний сэтгэл, зарим хүмүүсийн хариуцлага алдсан асуудал байгаа. Тэгээд би салбарын сайдаас энэ асуудлыг яаж харж байгаан, нэг хоёрдугаар ээлжийн алдааг засаад 3,4 дүгээр ээлжийн ажлыг илүү оновчтойгоор тендерийг нь зарлаад 2022 он гэхэд дуусгах боломж бидэнд байна” гэлээ.

Боловсролын сайд Л.Энх-Амгалан үүнд хариулт өгсөн юм.

“Энэ бол хэцүү төсөл шүү дээ. Их хэцүү төсөл байхгүй юу. Хэцүү төсөл учраас өмнө нь Монгол улсад хэрэгжүүлсэн Мобикомын төсөл, Дэлхийн Зөнгийн төсөл гээд. Би хөдөө орон нутгаас 3дахь удаагаа сонгогдож байгаа гишүүн л дээ. Хөдөө орон нутгийн жорлон цэвэрлэх байгууламжийн асуудлыг хэд хэдэн шийдлүүдлээр хийх гэж янз бүрийн төсөл хэрэгжүүлээд нэлээн их итгэл үнэмшил унтарсан гэдэг юм уу.

Тиймээс цэвэрлэх байгууламж дээр битгий алдаа дутагдал гараасай гэдэг үүднээс л би 2 сард сайдаар томилогдож очсон. Ажилтай нь танилцуулаад манай яамны дангаараа хийх ажил биш юм байна, энэ бол маш том эрсдэл байдаг. Улаанбаатар хотод хэрэгжсэн Азийн хөгжлийн банкаар хэрэгжсэн гэр хорооллын төслүүд ч гэсэн алдаа гаргачихсан төслүүд зөндөө л байгаа шд.

Тэгээд үүнийг нь засая, залруулая, Барилга хот байгуулалтын яам гээд мэргэжлийн яамыг нь оруулая, Байгал орчны яам гээд нийт гурван яамны төрийн нарийн бичгийн даргын түвшинд энэ асуудлуудаа шийдэж байж ямар ч байсан эхлээд технологийн түвшинд зөв шийдлээ гаргачих нь зүйтэй юм байна гэж сэтгэл гаргасан ухаантай юм л даа. Тэгээд ЗГ руу оруулж байж, ЗГын шийдвэрээр 3 яамны төрийн нарийн бичгийн даргын ажлын хэсэг гараад ажилласан.

Энэ дээр юун дээр алдсан бэ гэхээр манай яамны ажил хариуцаж байсан хүмүүст хариуцлага алдсан зүйл байсан уу гэвэл байсан. Тендерийг зарлахдаа өөрөө жишиг зургаар зарласан ийм том алдаа болсон. Ер нь жишиг зургаар зарлах гол үндэслэл бол бид нар цаг хожьё л гэж бодсон. Хоёрдугаарт бол орон нутагт их итгэсэн. Орон нутаг дээр байгаа барилга хот байгуулалтын нэгж, газар дээр сум бүр дээр очоод хэмжилтүүдийг нь хийгээд шаардлагатай бол хөрснийх нь судалгааг хийгээд ирүүлчихээч гэсэн чинь энэ ирсэн юм нь бүгдээрээ зөрчихсөн байхгүй юу.

Хамгийн харамсалтай нь. Тэгээд хариуцлагыг би өөрөөсөө холдуулаад байгаа юм байхгүй, Баярсайхан гишүүнээ. Хариуцлага хүлээхэд ч бэлэн байна. Нэг их сэтгэл дутаад хөндий хүйтэн сэтгэлээр хандаад байгаа зүйл ерөөсөө алга. Нэг хүүхэд ч гэсэн нэг өдөр сайхан олон улсын стандарт хангасан ариун цэврийн газартай газар амьдраасай гэж хүн бүрийн л хүсэл байгаа шд.

Тэр тусмаа УИХ-ын гишүүдийн, Засгийн газрын гишүүдийн хүсэл тэмүүлэл бүгд л ийм байгаа. Монгол улсад мөрдөгдөж байгаа энэ тендерийн хуулийг чинь бид яах юм бэ? Тендерийн хуулийг чинь тэгж л мөрдүүлэхгүй бол угаасаа энэ нөхдүүд чинь тендерийн хуулиар өөр нөхцлөөд тендер зарлавал эд нар чинь хэрэгт орно шд. Бид нар хүнийг хэрэгт төвөгт ортол нь шууд гэрээ хий гэж хэлэлтэй биш ийм л зовлон байна шд.

Өнөөдөр улсын төсөв дээр хамгийн том алдаа, сая 2022 оны төсөв дээр ч гэсэн батлагдаад гараад ирэхэд нөгөө л нэг зураг төсөлгүй, нөгөө л нэг газаргүй обьектууд тавигдчихсан явж байгаа байхгүй юу. Олон жил ярьж байгаа. Би УИХ-ын эмэгтэй гишүүдэд талархаж байна. Ямар ч байсан Эрдэнэт Үйлдвэрийн нийгмийн хариуцлагын хүрээнд 100 тэрбум төгрөг олж ирнэ гэдэг бол маш их мөнгө.

Энийг хариуцлагатайгаар хэрэгжүүлэх нь бидний үүрэг гэвэл мөн. Гэлээ гэхдээ яг өнөөдөр энэ Монгол улсад мөрдөгдөж байгаа тендерийн хуулийн дагуу тендерүүдийг зохион байгуулахгүй бол ийм зовлон үүсч байна. Бид тендерүүдээ улсын төсвийг батлагдсаны дараа 12 сараас эхлээд 2 сарын 1 хүртэл тендерээ зарлаад дуусаад…” хэмээн хэлсэн юм.

Харин Б.Баярсайхан гишүүн тодруулж үг хэллээ.

“Л.Энх-Амгалан сайд та эмзэглэх хэрэггүй ээ. Би танд хариуцлага тооцоё гэж яриагүй. Бүхэл бүтэн нэг жил УИХ-ын гишүүд, ажлын хэсэг, дэд ажлын хэсэгтэй хуралдаад танай яамны төрийн нарийн бичгийн дарга солигдоод хийж байгаа ажлыг жилийнхээ бараг босгон дээр тантай байнгын хорооны хурал дээр ярьж байгаа юм.

Монгол улсад бүх жорлон бүтэлгүйтчихсэн юм биш. Таны яриад байгаа Мобиком, Дэлхийн зөнгийн амжилттай одоо ч гэсэн халуун устай явж байгаа зөндөө олон орон нутагт жорлон байгаа. Бүгд бүтэлгүйтээгүй. Үгүй. Танай Хөвсгөл аймагт л бүтэлгүйтсэн юм байгаа биз. Олон аймаг орон нутагт ажиллаж байгаа. Та анхнаасаа бүтэлгүйтэнэ гээд авах дургүй л байсан. Энэ бол Боловсролын салбарт хүүхэд хамгааллын маш том ажил.

Энийг хууль нь ийм байдаг юм гээд жил алдчихаад ийм юм яриад сууж байж болохгүй” гэлээ.

Харин салбарын сайд Л.Энх-Амгалан:

“Баярсайхан гишүүнээ, ганц хоёр гишүүний үгэнд эмзэглээд байдаг хүн биш биш. Шүүмжлэлийг хариуцлагатайгаар хүлээж авна. Алдаа дутагдлууд байгаа. Энэ ажлын ард бүгдээрээ гарая гэдэг ийм л хүсэл байгаа шд. Би та бүхний хийсэн ажлыг манай яамны дэд ажлын хэсгээс илүү их сэтгэл гаргаж хийсэн, илүү нарийвчилсан төлөвлөгөө гаргаж ирж танилцуулж байна гэж хүлээж авч байна шд.

Бие биенийхээ үгийг сонсож сурмаар байна. Ганцаараа микрофон олдсон дээр хашгираад орилоод яриад байх шаардлага ерөөсөө ч байхгүй шд. Би ч гэсэн хашгирч орилж ярьж чадна шд. Жаахан асуудалдаа бодитой хандая л гэлээ. Чи ганцаараа хашгираад байх шаардлаггүй шд. Чи хариуцаж байсан ажлаа хийхгүй яасан юм тэгвэл?” гэлээ.

УИХ-ын гишүүн Б.Баярсайхан:

“Энх-Амгалан сайд намайг хашгирч байна гээд байна. Энэ хашгирахаар нөхцөл байдал байгаа юмаа. Өнөөдөр Монгол хүүхдүүд зун амардаг, өвлийн хүйтэн намрын сэрүүн, хаврын хавсарганд 70-200 метрт байрладаг нүхэн жорлонд айж сандарч тэр байтугай уух шингэнээ хүртэл хасч бие засдаг. Энэ бол хашгирахаар нөхцөл байдал.

Та сайдын хувьд гишүүдийн ажлыг хүндэтгэх хэрэгтэй. Жилд 10 удаа ажлын хэсэг хуралдаж газар дээр нь очиж ажилласан энэ гишүүдийн цаг зав, сэтгэл санаа, зориулж байгаа бүх зүйл байгаа. Би хийсэн ажлаа ингэж үнэгүйдүүлмээргүй байна. Энэ бол миний нэг жилийн хөдөлмөр. УИХ-ын гишүүдийн оролцох ажил гэж байна. Оролцож болохгүй ажил гэж байна.

Төрийн албан хаагчдын буюу дэд ажлын хэсгийн өөрсдийнх нь 100 хувь хийж гүйцэтгэх ажил дээр УИХ-ын гишүүн шууд оролцоод тендер зарлаад технологи шийдээд явж болохгүй та үүнийг мэдэж байгаа. Та өөрөө хийхгүй яасан юм гээд байна. Би танд хариуцлагатайгаар албан ёсоор хэлчихэе. Би байнгын хорооны протоколд ч гэсэн тэмдэглүүлэхийг хүсч байна.

Энэ ажлын хэсэг хангалттай ажилласан. Энд сууж байгаа гишүүд хангалттай цаг зориулсан. 1 жилд 10 удаа хуралдсан. Сар бүр хуралдсан. Бид нар яах уу? Туугаад явах уу? Энэ дэд ажлын хэсгийг хүмүүсийг туугаад явах уу? Яаж ажлыг нь хийлгэх үү? Гишүүд болгон үүн дээр цаг заваа зарцуулж ажилласан. Та үүнийг битгий үгүйсгээрэй. Би таныг Завхан аймагт урья. Та ажиллаарай. Улиастай, Тосонцэнгэл сумуудын сургуулиуд дээр Азийн хөгжлийн банкны буцалтгүй тусламжаар танай яамны төрийн нарийн бичгийн дарга байхдаа дотуур байрыг нь бүрэн янзлуулсан сайн бүтээн байгуулалт хийсэн байгаа.

Яг хотын халуун ус шиг халуун устай, дотроо жорлонтой ийм тохилог бүтээн байгуулалт бас хийж болдог юмаа. 20-оос 21 дүгээр зуунд чирч орж ирсэн хөгжлийн хоцрогдол бол модон жорлон. Модон жорлонд бие засдаг хүүхдүүд энэ асуудлыг бол үнэхээр хөөрхий өөрсдөө гомдоллодоггүй. Гэхдээ өсвөр насны охидууд, бага насны хүүхүүд хохирч байна.

Дотуур байрны асуудлаас болж ээж нь хүүхдээ авч яваад аав нь малаа хариулж үлдээд гэр бүл салж байгаа гэх мэт олон асуудлууд байж байгаа. Үүнийг дагаад маш олон хөгжлийн хоцрогдол гараад байхад та хаширлаа гэнэ. Би хашгирч байна. Бүр 2016 оноос хойш хашгирсаар байгаад ингээд МАН-ын мөрийн хөтөлбөрт үүнийг суулгаад салбарын сайд Ё.Баатарбилэг сайдын үед ЗГын хөтөлбөрт оруулаад өнөөдөр Монгол улсын ерөнхийлөгч У.Хүрэлсүх энэ ажлыг Эрдэнэт Үйлдвэрээр хийлгэх санхүүжилтийг нь олж өгөөд шийдүүлж өгөөд энэ ажил явж байгаа юм.

Энэ бол таны ажлын хариуцлагатай холбоотой. Та нэг удаа ч гэсэн энэ ажлын хэсэг дээрээ орж үзээгүй. Нэг удаа ч гэсэн та дэд ажлын хэсгээ өөрөө хуралдуулж дуудаж уулзаагүй байгаа шүү. Үүнийг чинь мэднэ. Үнэхээр бухимдаж байна. Та салбарын сайд юм чинь тогтоолоо өөрөө гаргана шүү. Би ажил хийсэн хүний хувьд үгээ хэлэх үүрэгтэй гэж бодож байна” гэсэн юм.

Continue Reading

Дотоод мэдээ

Чингисхаан түрээсийн 1 өрөө байр хайж байна

Published

on

By

2020 оны УИХ-ын сонгуулиар Сүхбаатар дүүрэгт нэр дэвшсэн, 2021 оны Хэнтий аймгийн нөхөн сонгуулиар мөн нэр дэвшсэн М.Чингисхаан хэмээх залуу бидний дотны танил болсон. Маркетингийн чадвар өндөртэй гэдэг энэ залуу яагаад ийм имиж бүрдүүлдэг шалтгаан нь иргэдэд тааруулсан ч гэж хэлж байсан удаатай.

Тэр 2021 оны сонгуулиар нэр дэвшиж авсан санал нь 766 буюу нийт 6 нэр дэвигчийн 3-рт буюу МАН, АН-ын нэр дэвшигчдийн дараа орсон нь чамлахааргүй амжилт хэмээн үзэхэд хүргэсэн билээ. Үүндээ урамшсан уу гэлтэй тэр 2021 оноос хойш их эзэн Чингис хааны өлгий нутаг Хэнтий аймагт суурьшин амьдрахаар болсоноо зарласан.

Харин тэр хэрхэн амьдрах бол гэдэгт санаа зовсон олон хүмүүс байгаа юм. Мөн тэр түрээсийн байр хайж байгаагаа зарлал болгон оруулсан аж.

Сайн байцгаана уу? 6-р сар хүртэл түрээслэх 1 өрөө дулаан байр байна уу? Боломжтой бол үнэ зураг оруулаач, шинийн 8-наас өмнө хотоос нүүх санаа байна. Гэр бүлийн хамт.

Тэрбээр нэр дэвшин өрсөлдөж байгаа зорилгынхоо талаар сэтгүүлчдийн асуултад  “Би УИХ-ын нөхөн сонгуулийг маш том боломж гэж харж байна. Хэнтий аймгийн УИХ-ын сонгуулийн 18 дугаар тойрогт бие даан нэр дэвшинэ. Алсыг харж нэр дэвшинэ. Хүмүүс бие даагчийг дэмжээсэй. Хэнтийчүүд Андлалын хөшөөг нураасан цагаас намд итгэхээ больсон. Өнөөдөр орчин үеийн хаант засаглал хэрэгтэй байна” хэмээн хариулж байсан юм.

Continue Reading

Дотоод мэдээ

Кувэйт рүү элчингээр явах П.Сэргэлэнг зөвхөн уяач гэдгээр нь хармааргүй байна

Published

on

By

Жаргалтулгын Эрдэнэбатыг ерөнхий сайд болоход буюу түүний танхимд Хүнс, хөдөө аж ахуй, хөнгөн үйлдвэрийн сайдаар П.Сэргэлэн томилогдож байсан билээ. Энэ томилгоог хэвлэлээр болон цахим орчинд хүмүүс ихэд шүүмжилж байлаа. Морь уядаг гэхээс өөр тодорхой мэдээлэлгүй байсан эрхэм Хүнс хөдөө аж ахуйн салбарыг хариуцах болсон болохоор аргагүй байсан байх л даа.

Гэхдээ П.Сэргэлэнгийн хувьд өөрийгөө танилцуулахдаа Улсын Багшийн Дээд Сургуулийг багш мэргэжлээр төгсөж, Санхүү Эдийн Засгийн Дээд Сургуулийг мөн санхүүч мэргэжлээр төгссөн гэнэ. Бас АНУ, Хонгконг, Сингапур гээд улсуудад олон улсын холбоо, мэдээлэл технологийн чиглэлээр дамжаа төгссөн гэнэ лээ.

Мөн тэр сайд болж байгаа нь ашиг сонирхолын зөрчилтэй эсэх дээр тайлбар өгөхдөө “1995 онд “Ноён сүлд” компаниа байгуулсан. Үүнээс хойш мэдээлэл технологийн салбарт 20 гаруй жил ажиллаж байгаа юм.

Манай групп анх худалдаа үйлчилгээ, зуучлалын чиглэлээр үйл ажиллагаа явуулж байгаад 1999 оноос мэдээлэл технологийн Монголком олон улсын ярианы карт, интернэтэд суурилсан олон улсын ярианы үйлчилгээг Монголд анх удаа нэвтрүүлсэн. Одоо ч энэ карт маань үйлчилгээнд байгаа. Өнгөрсөн хугацаанд би телевизийн салбарт ажилласан, мөн газар тариалангийн салбарт дөрвөн жил ажиллалаа.

Монголын морин спорт, уяачдын холбооны ерөнхий нарийн бичгийн даргаар одоог хүртэл ажиллаж байна. Олон улсын яриа эрхлэгчдийн холбооны тэргүүн, Өвөрхангай аймгийн залуучууд, оюутнуудын Алтан соёмбо нийгэмлэгийн тэргүүний алба хашдаг (Eagle.mn) гэсэн байдаг.

Түүнтэй холбогдсон бас нэгэн асуудал бол түүний цолыг Х.Баттулга ерөнхийлөгч байхдаа буюу 2018 онд хураахаар болж байсан талаар мэдээлэл юм. Тухайн үед хүүхдүүдийн эрхийг хамгаалах асуудал яригдаж морин уралдааныг хориглоод байсан боловч “Дүнжингарав-2018” уралдааныг зохион байгуулсан учир Монгол улсын ерөнхий сайдын зөвлөхөөр ажиллаж байсан П.Сэргэлэнгийн алдарт уяач цолыг хураана хэмээж байлаа.

Continue Reading

Онцлох мэдээ