Connect with us

Дэлхий

Надтай адил үрэлгэн, өр зээлтэй, хадгаламжгүй нь наашаа. Хувийн санхүүгийн сахилга бат сайтай хүмүүстэй харьцуулахад ичмээр л дээ

Published

on

2 жилийн өмнө бизнес хийдэг баатар 4% хүүтэй зээл авсанаар бүх зүйл буруу тийшээ эргэсэн. Бизнес санасанаар ч томорсонгүй. Сар бүрийн өндөр дүнтэй түрээсэнд ороогдож нэмж энд тэндээс зээл авсаар, сүүлдээ сэтгэл санаа ч авах зүйлгүй боллоо. Тэгээд хувь хүний санхүүгийн талаар номнууд уншиж, Мөнгөн лекторын ганцаарчилсан зөвөлгөө, Энхсанаа багшийн сургалт гээд гарцуудыг хайж эхэлсэн нь харин хамгийн зөв шийд байж. Хариулт нь миний өрөнд биш, миний орлогын дүнд биш, миний сэтгэлгээнд байж.

Хичнээн өртэй ч хамаагүй эхлээд өөртөө төл гэдэг дүрэм намайг бүхнийг өөр өнцөгөөс харахад хүргэсэн. Өр зээлтэйгээ яг зэрэгцүүлээд, орлого орж ирмэгц хамгийн түрүүнд өөртөө хадгаламж хийж эхэлсэнээр би өр зээлийн муухай тойргоос гарч, санхүүгийн системээ зөв эргүүлж эхэлсэн. Хадгаламж хийж эхэлсэнээр дараах зүйл тохиолдсон юм.

* өндөр түрээстэй оффисоосоо гарч бусадтай дундаа оффис түрээслэж эхлэв. Сард 1.5 сая ыг яаж олноо гэж шаналдаг байсан би сард 300.000 түрээс төлдөг болов.

* гэр бүлийн сарын тогтмол зардалд гадуур хоол идэх, хувцас авах, хүүхдүүдээ тоглоомын төв оруулах, амттан авах зэрэг хэмнэж болох зүйлсийг зайлшгүй зардал гээд итгэсэн байснаа олж хараад хэмнэж эхэлсэн. Өрхийн сарын зардал 1 сая байсныг 300.000 болгов. Байр, утасны мөнгө + хүнс. Интернэт, юнивишнгүй ч болж үзлээ. Хөргөгч хоосон. Атар талх, мах будаахантай хэсэг амьдрав. Өр зээлээ дарах хүртлээ хувцас авахгүй байхад яадаг ч гүй юм билээ.

* өмнө нь асуудал үүснэ. Хэнээс зээлэхүү л гэж хамгийн түрүүнд бодогдоно. Одоо бол асуудал үүслээ. Мөнгө байхгүй юм чинь одоо яая гэхэв. Байхгүй л бол байхгүй гэдэг дүрэмтэй. Хөнжлийнхөө хирээр хөлөө жий гэж их учиртай үг юм билээ.

* машингүй болов. 1 жилийн хугацаанд машинд зориулдаг дүнгээ жагсааж харвал олон хүн машинаа болимоор санагдана даа. Дугуйгаа сайн жийсэн шүү.

Миний зорилго орлогын 40% хадгалдаг болох. Энэ амаргүй байнаа. Анхнаасаа энэ шийдийг гаргасан боловч яг үнэндээ эхний сард орлогын 10% буюу 97000 төг хадгаламж уруугаа шилжүүлэв. Өнөөх өрнөөс айх айдас, баахан хүүний өрнүүд намайг энэнээс илүү хөдөлгөсөнгүй. Дараа сард нь зориглоод 20% буюу 388.000 төг хадгаллаа. Бас болж байнаа. Хэмнэлтүүд хийв. Орлого ч өсч эхлэв. Дараа сард нь дахиад 20%, тэрний дараа 25%, харин энэ сард 30% хадгалсан. Одоо төрж байгаа мэдрэмж бол өндөр хүүтэй зээл бараг дуусч байна. Хувь хүнээс авсан яаралтай зээлүүдээ дарсан байна. Хадгаламжинд байгаа дүн их сайхан мэдрэмж төрүүлж байна. Дараа сард орлогын 40% хадгалж чадна гэсэн мэдрэмжтэй байна. Хэмнэлтээ бол үргэлжлүүлэн хийсээр л байгаа.

Өөр бусад хөрөнгө оруулалт, авлагаа цэгцлэх, өрийн менежмэнтийн талаар хуваалцах зүйл зөндөө бий. Өртэй байсан ч хамаагүй өөртөө эхлээд төл. Бүүр өөртөө уурла. Би өчнөөн хичээж, зүтгэж байхад яагаад бусад хүмүүст төлөөд надад хадгаламж хийхгүй байгаа юм. Би чухал биш юм уу гэж өөртөө гомдо. Тэгээд хадгал. Хараарай бүх зүйл өөрөөр эргэж эхэлнэ шүү.

Жич: банк бусын хүүгээ төлөлгүй хэдэн сар, зэс картын хүүгээ төлөлгүй хэдэн сар болох зэрэг өмнөх аймхай Болороогийн хэзээ ч хийхгүй дүрэм зөрчилтүүд болсон шүү. Эвдэрч гажсан байсан Хувийн Санхүүгийн системээ засаад зөв эргүүлэх амар байгаагүй, гэхдээ үр дүнд сэтгэл хангалуун байна. Одоо би 3 жилийн дотор Санхүүгийн эрх чөлөөнд хүрэхээр зорьж байна. Суралцангаа бусадтай хуваалцах дуртай болсон.

3 сард Grant Cardone 10X conference.д онлайнаар оролцоно. Мөнгө санхүүгийн учрыг заавал олж Санхүүгийн эрх чөлөөг өөртөө бэлэглэх болноо. Сарын 1 сая төгрөгний орлоготой жирийн бүсгүй 3 жилийн дотор өөрийгөө хөгжүүлэн сарын 10 сая-ын орлоготой болсон бодит жишээ бол БИ

Advertisement

Сайн Мэдээ

Click to comment

Leave a Reply

Your email address will not be published.

Дэлхий

Хятадад яагаад олон тооны нислэг цуцлагдсан юм бол

Published

on

By

Цуцлагдсан нислэгүүдийг ангилж үзвэл, Бээжингийн олон улсын нисэх онгоцны буудал 622 нислэг, Шанхайн Пудун нисэх буудал 652 нислэг, Шэньжэнь Баоан нисэх буудал 542 нислэг цуцалжээ.

Энэ мэдээллийг Шэньжэнь хотод байрладаг, нислэгийн мэдээлэл өгдөг “Flight Master” компани гаргасан байна. Харин нислэгүүдийг яагаад цуцалсан талаар Хятадын агаарын тээврийн дээд байгууллагууд албан ёсны тайлбар хийгээгүй байна.

Харин зарим улсын хэвлэлээр Хятадад төрийн эргэлт гарсан байж болзошгүй, Си Зиньпинийг гэрийн хорионд оруулсан гэх мэдээлэл гарсан ч энэ нь баттай эх сурвалжаар нотлогдоогүй байгаа юм.

Continue Reading

Дотоод

Асашорюү: Абэ намайг харангуутаа Ёкозуна сайн уу л гэж байна

Published

on

By

Асашорюү Дагвадорж:

“2014 оны өдийд 4 сард Япон улсын ерөнхий сайд АБЭ ШИНЗО манай улсад айлчилав.

Тэр үед хөшигийн хөндийд шинэ нисэх буудалын асуудал гацаанд орчихсон нэмэлт хөрөнгө оруулалт гацчихсан 110 сая $ байсан байх. Манай тал шийдвэрлүүлэх гээд хүсээд бдг. Японы гадаад хэргийн яам огт хүлээж авахгүй байдал үүссэн бжээ.

Айлчлалын үеэр манай тал энэ асуудалаа нэг мөр шийдэлд хүрчихгээд аргаа барсан үе. Ерөнхий сайд Алтанхуягийн эдийн зөвлөх над руу ярьж байн. Уулзлаа. Энэхүү асуудлыг айлчлалын үед шийдчихмээр байн аваргаа гээд яриа өрнөлөө. Цаг тулсан байгаад байдаг…..

За би туслахыг хичээе гэж хэллээ! Та нар намайг их тэнгэрт болох хүндэтгэлийн зоогт аль болох нүдэнд харагдах газар суулгаарай гэж захисан юм.

Тэр хооронд Японы ерөнхий сайд асан Моритой утсаар ярилаа. Эцэст нь чи өөрөө хэл би ард нь бас хэлж өгье гэж тохирлоо. Мори Ёшро гуай одоо 2020 олимпийн зохион байгуулах хороон даргаар ажиллаж байгаа.

Орос хүн. Иркутск хотод Мори улица бдг. Цаг боллоо манай эхэс дээдсүүд эгнэж суугаад уран цэцэн үг хэлээд оройн зоог эхлэв!

Би аятайхан эвийг нь олж байгаад пиво бариад бослоо. Японд хүн хүндлэх нэг ёс юмдаа. Намайг хараад Ёкозүна сайн байн уу гээд их дотно байнаа. Пивоо хийж өгөнгөө шивнэлээдээ .

Манай талд ийм нэг асуудал байнаа та нэг шийдвэл баярлаад баршгүй гэж мэгээд чадахийнхаа хэрээр панаалдаад 2 лаа инээгээд л ярилцлаа.

АБЭ : ЁОКОЗҮНА ОЙЛГОЛОО!

гэсэн яриагаар тэр хором өнгөрсөн юм. Маргааш үүрээр нь миний бие Солонгосоор дамжин Японы Ишкава муж Комацү хотод танилыхаа хүүгийн хуриманд уригдан очсон Мори гуайд илтгэж билээ. Гацсан асуудал 7 хоногийн дараа эхэлж их ажил өрнөж билээ.

Төрийн бүх шатны байгуулга ажилсан. Гэхдээ миний бие тодорхой хүч болсон гэж боддогдоо.

Зураг: Япон улсын ерөнхий сайд Абэ Шинзо хүндэтгэлийн хүлээн авалт дээр, Их тэнгэр 2014 оны 4 сар

Continue Reading

Дэлхий

Манайд ингэвэл ёстой хүүхдийн эрх зөрчигдлөө гэх биз

Published

on

ШВЕДИЙН “ЧИХЭРГҮЙ ХҮҮХЭД НАС

“Хүүхдүүд долоо хоногийн зөвхөн ганц Бямбад л чихэр идэх эрхтэй. Бусад өдөр нь чихэрт ер ойртохгүй. Энэ Шведийн ёс” гэж Эрка хэлэв. Тэднийх Шведийн нийслэл Стоккольм хотын Силантино дүүрэгт.

“За энэ ч худлаа даа, хүүхэд л юм чинь, чихэр харагдвал хүртэж л орхино доо” гэж би монголоороо эргэцүүлэв. Гэтэл тэдний 8 настай охин ер ойртсонгүй, ширээн дээгүүр элдэв чихэр амттан хөглөрнө. Өнөөх чихэртэй чихэртэй өдөр нь болоход ч учиргүй хорхойссонгүй. Тэгэж ингэсгээд л…

Уг нь би “За тавдахид ёстой шавайгаа ханатал идэх байх даа” гэж бодсон юм.

Ганц Эркагийнх биш, ерөөс Швед даяар ийм ажээ.

Тэгэхнээ нь Шведүүд хүүхдээ 3 нас хүртэл огт чихэрлэг зүйл амсуулдаггүй юм байна. Эмч нар нь тийн зөвлөдөг, тийм дэг соёлтой болчихож, тэгээд түүнээ нийтээрээ чанд баримталдаг юм байна. Хүүхэд 3 нас хүртэл ямар нэгэн чихэр сахартай зүйлс, чихэрлэг ундаа уухгүй. Ихэнхдээ крантныхаа усыг ууна. Тэр ус нь янзтай, тав хоноход л би усных нь амтанд орчихсон, юун энэ пластик савтай ус вэ, уулын тунгалаг харзны эхнээс залгилж байх шиг… Пластик савтай ус амнаас унах нь холгүй сулдгас гээд явчихна. Тэгэхнээ нь ус дамжуулах хоолойгоо зэсээр хийдэг гэхчив.

Хэрвээ төрсөн өдөр, янз бүрийн баяр ёслолд очвол, болвол чихэргүй байгалийн тараг, бяслаг, бялуу зэргийг бэлтгэдэг гэв.

Тийнхүү хар багаас чихрээс ангид өсөхөөр чихэрлэг зүйлд донтох, дурлах нь эрс бага байдаг гэнэ.

Тэгээд долоо хоногт ганцхан өдөрт л чихэр, шоколад чөлөөтэй. Ингэхээр,

– нэгд, гэнэтхэн нэг дор их идэж чадахгүй,
– хоёрт, идсэн ч бялуураад хашрах талдаа,
– гуравт, угаас дур сонирхол, хорхойсол, шунал бага
– дөрөвт, ер нь хүүхдүүд сэтгэлзүйгээ сайн барьдаг, хаттай, хамжааргатай. /Бидний багад тавагтай руу дураар гар сунгуулдаггүй байв/

– за тэгээд хамгийн чухал нь хүүхдүүд эрүүл чийрэг, биеийн дархлаа сайтай, шүд ам ч сайтай байдаг байна.

Швед дэлхийд ганцаараа коронаг ямар ч хөл хориогүй, бүр маск ч үгүй туулсан орон юм. Хүмүүсээ төрөхөөс нь л эрүүл чийрэг өсгөдөг. Төрөнгүүт эхийн сүүгээр 10-12 сар заавал хооллохыг зөвлөдөг, бүр шаарддаг. Янзан бүрийн нэмэлт тэжээлээс ангид байлгадаг. 6 сартайгаас нь бор хоолонд оруулна. За тэр 3 нас хүртэл нь чихэрлэг элдэв амттан, газтай ундаанаас бол бүр тас хол.

Дээр нь өмнө бичиж байсан даа, цэцэрлэгийн хүүхдүүдийг үд болтол нь гадаа тоглуулчихна, гадаа хооллоно, бүр хүйтэн зэвэргэн байсан ч ялгалгүй, даараад хошуу ам нь хөхөрч, нусаа гоожуулчихсан халтайсан юмнууд гадаа л гүйлдээд байна. /Сумын төвд яг ингэж хөхөртлөө гадаа тоглож, гүйж, ажил хийж өссөн мань мэтийн дархлаа бол хүүхдүүдийнхтэйгээ харьцуулахад чулуу чулуу./

Хүүхэд бүрийг бассейнд явуулна.

Харин манайд таг эсрэгээрээ, хүүхдээ хайрлаж байгаа нь энэ гээд аль л амттан нэртэй хог өгнө. Хамгийн наад зах нь шүд хорхойсно, дархлаа муу, дөнгөсгүй л ханиад шуухинаа хүрнэ, гэдэс ходоод хямарна. Тэгээд бөөн зовлон. Тэр зовлон насан турш нь дагана. Яагаад гэвэл угаасаа л дархлаа сул бол тэгээд чангартал их юм шаарддаг.

Хайрлаж байгаа нэртэй хүүхдүүдээ хорлодог. Энэ явдлаа өмөөрнө гэж жигтэйхэн, миний хүүхэддээ юу өгөх нь хэнд ямар хамаатай юм, алив миний хүү энийг … гээд амруу нь амттан нэртэй сөрөг зүйлс хийгээд хошуугаа цорвойлгоно. Ёстой Жавхлан юм даа.

Хэрвээ манай улсад чихэр шокаладыг, чихэрлэг болон газтай ундааг 3 нас хүртэл тас хориглох хууль гаргавал, дээр нь нэмээд долоо хоногт ганцхан өдрийг Чихэртэй өдөр гэвэл олон эцэг эхчүүд Хүүхдийн эрх зөрчигдлөө гээд юу л болох бол гэж бодогдох. Энэ гудманд, хоолны газарт, дэлгүүрт, гэртээ хүүхэддээ юм авч өгч буй эцэг эхчүүдийг харахаар эрхгүй ийм сөрөг бодол төрдөг.

Хайрлаад байгаа нэртэй хорлоод л байгаа юм л даа, уг нь. Ингэхэд монголд хүүхдийн хорт хавдар гэдэг юм цөөнгүй гарах болсон шүү. Аа бас, шинэ жил, хүүхдийн баяраар баахан гялгар цаастай хор боож бэлэглэнэ. Тийм юм өгөхгүй л бол үнэ цэнэгүй мэт ойлголтыг бат суулгачихлаа. Яамаар ч юм бэ дээ.

Continue Reading

Онцлох мэдээ

DMCA.com Protection Status