Connect with us

Түүхүүд

“Хромтойгоо гүйж болохгүй юм уу” гэсэн Адуучин залуу Ганзогоо дэмжээрэй!

Published

on

Дэлхийн Их 6 Марафоны нэг болох Берлиний Марафонд 2022 оны 9 сарын 25-нд Ахиллис Монголын 9 хүний бүрэлдэхүүнтэй багийн хамт гүйж буй Адуучин залуу Ганзо-г маань дэмжээрэй. Чүү!

Гүйлтийн дугаар (bib number): 23679

Марафоны зам дээр Ганзогийн хаана явааг марафоны аппаар дамжуулан бодит цагаар харж/дагаж болно. Апп: https://apps.apple.com/…/bmw-berlin-marathon/id464044582

Ганзогийн товч түүхийг доороос мөн сонирхох боломжтой.

ЛХАГВАГИЙН ГАНЗОРИГ

Айлын том хүү Л.Ганзориг 6 настайгаасаа эхлэн хилийн харуулын дарга аавыгаа даган морь унан хилийн манаанд гарч, өөрсдийн хариуцсан “участок”-ийн орчмын тайга, газар орныг нүдлэн, хурц хараа, эрэмгий зоригтой хүү болж өсчээ. Улаанбаатар хотод төрсөн ч түүний хүн болсон, одоог хүртэл амьдарч байгаа нутаг бол Монгол улсын хамгийн хойд хилийн сум болох Сэлэнгэ аймгийн Хүдэр сум юм.

Эрдэнэт хотод дунд сургуульд элсэн орж, жудо бөхөөр хичээллэж, дүү нартаа үлгэрлэн явсан хүү 15 хан настайдаа сархад хэрэглэсэн жолоочийн барьж явсан Газ-53 машинд өртөж хүндээр гэмтэв. Маш хүнд бэртэл авсан байдаг.

Сургуулиасаа гэр лүүгээ явган хүний замаар харьж явахад нь уучихсан жолооч хурд хэтрүүлэн замаасаа гарч давхиж яваад ийм зүйл болсон гэнэ. Сэхээнд бүтэн сар ухаангүй хэвтсэн хүү Эрдэнэт, Улаанбаатарын эмнэлгүүдээр тасралтгүй жил гаран эмчлүүлж хөл дээрээ босчээ.

Баруун хөл нь маш хүнд байсан бөгөөд эмч хөлийг нь авахаас өөр аргагүй гэхэд аав нь зөвшөөрөлгүй эмч нараас гуйсан тул эвлүүлэн бороолуулж эдгээснээс шагайны үегүй, өлмий дээрээ гишгэж явахаас өөр аргагүй болж эдгэрчээ. Тэр хүнд ослоос амьд сэрүүн үлдсэн нь том аз гэлтэй.

Нутагтаа ирснийхээ дараа гэр бүл, ангийнхаа хамт олны дэмжлэгтэйгээр дунд сургуулиа төгсөв. Үүнээс хойш нутгаасаа гарсангүй. 22 настайдаа хилийн заставдаа гэрээт хилчнээр орж багаасаа аавыгаа даган хийсэн ажил тул түүртэлгүй 7 жил ахлагчаар ажиллажээ.

Албаа хааж дууссаны дараа малчин болж, ээж, дүү нартаа туслан адуу мал хариулан, ахуй амьдралаа залгуулан амьдарсаар 35 нас хүрсэн тэр жил түүний дүү Золбаяр ахыгаа нутгаасаа гарч юм үзэж нүд тайлаг хэмээн гуйсаар байж хотод авчрав.

Дүү нь уулын спортоор хичээллэдэг бөгөөд “Ахиллис Монгол клуб”-т ахыгаа элсүүлснээр Ганзориг ууланд алхаж, хааяа гүйж эхлэв.

“- Би морио унаад энэ байтугай хол газар, байгалийн үзэсгэлэнтэй нутгаараа олон хоногоор уул хадаар аялан явдаг байтал заавал алхаж, гүйж биеэ зүдрээх ямар хэрэгтэй гэдгийг эхлээд ойлгоогүй. Дүүгийнхээ урмыг бодоод клубийн үйл ажиллагаануудад оролцдог байлаа.

Сүүлдээ клубийнхэнтэйгээ танилцаж дотносоод, бас мориор биш, хөлөөрөө алхаж гүйх нь өндөр уулын ард гарсантай адил урам зориг өгч, гүйгээд баймаар санагдуулдаг болсон байв.”

Түүнийг 2018 оны Нью-Йоркийн марафоны багт шалгаруулан оруулав. Гүйж эхлэхэд нь пүүз өмсгөх гэтэл – Би хромтойгоо гүйж болохгүй юм уу? гэж асууж байсан хүн дээ. Хөлөндөө эвтэйхэн болж хэвшсэн хромон гутлаа тайлж, хөнгөн пүүз өмсөөд, хурдан мориор биш хоёр хөлөөрөө, дэлхийн хамгийн том марафонуудын нэг Нью-Йоркийн марафонд гүйж туулав. Олон найз нөхөдтэй болж, адуучин, хилчин хүний мөрийг алсын нутагт гаргав. Алдарт Нью-Йоркийн гудамжаар алхаж, Ниагарын хүрхрээ, Вашингтон ДиСи хотуудыг үзэж, НҮБ-ийн индэрт зогсч үзэв.

Анх гүйхэд нь шоолж, жиг жуг хийлцэж байсан сумынхан нь амаа таглуулан, бахархаж баяр хүргэх болов. Олон цугласан газарт ярих хөөрөх сонин ихтэй болж, анхаарлын төвд байх болсон ч хэдийнээ үүндээ дассан байна.

Гүйж эхэлснээсээ хойш “Улаанбаатар марафон”, ОХУ-ын “Чистый Байкал” марафон, “Тал нутгийн марафон”, 2018-2019 оны Нью-Йоркийн марафонуудад амжилттай оролцсон. Ганзоригийн марафоны хамгийн сайн цаг нь 4:54:23 юм. Энэ жил тэрээр Берлиний марафонд гүйх гэж байна. Наадмаар уралдах хурдан морьдоо уяхынхаа хажуугаар өөрийгөө ч марафондоо бэлдэн сойсон байгаа.

Монгол улсын хилийн 726-р багана бол Ганзоригийн насаараа харж хамгаалсан газар. Энэ хилийн заставынхан хилээ тойрч эргүүл хийхдээ Ганзоригийг дуудан замчлуудаг. Адуучин, хилчин гэсэн бахархалтай тодотгол дээр нь Ахиллисийн нүүр царай болсон гүйгч гэсэн нэр нэмэгдсэн билээ.

Click to comment

Leave a Reply

Your email address will not be published. Required fields are marked *

Түүхүүд

Х.Заяа: Нүүрсний сэдвээр олныг төөрөгдүүлж “сэнхрүүлэх” үүргийг хэн өгдөг юм бол…

Published

on

By

Алга болсон мөргөцөг буюу алд дэлмийн ялгааг энгийнээр тайлбарлахад гэж үзьe!!

2019 оноос хойш олон удаагийн шалгалт орж, орон нутгийн Таван Толгой ХК, Эрдэнэс Таван толгой ХХК нэгдмэл талбайн хоёр талаас олборолт хийхэд үүссэн Нүүрсийг нүүрсээр нь төлсөн, Үл ойлголцол байхгүй, хууль бус үйл ажиллагаа алга гээд дүгнэлт гарсан байхад яагаад зарим хүмүүс уул уулаар хулгай хийсэн мэт нийгэмд буруу ойлголт өгөөд байгаа юм бол хэнд ашигтай байх уу???

Ингэхэд орон нутгийн өмчит хувьцаа эзэмшигч компани яах гэж өөрийнхөө өмчөөс өөрөө хулгай хийх вэ. Учир нь хувийн өмчит компаниас хулгай гарах боломжгүй шүү дээ.

Гэтэл мөргөцгийн үлгэр зохиож, мөргөлдөөн гаргаад чоно борооноор гэдэг шиг далимдуулж булхайгаа нуух гэж оролдох шалтгаан юунд байв.

Угтаа бол мөргөцөг гэдэг нь хоёр компани уурхайд олборлолт хийх явцад үүссэн хана. Энэ ханыг нураахгүй бол машин техник, хүн дарагдах нуралт үүсэх гэх мэт аюултай байна гэж улсын комиссын дүгнэлт гарч компаниуд тохиролцон комисс гарган акт хийж нураалт хийж. Ийм нөхцөлд тэсэлгээ хийдэг учир талх шиг зүсээд авах боломгүй учир нөгөө компанийн мэдлийн газарт компанийн техник орж, олборолт хийдэг. Ийм нөхцөлд хоёр компаниас ажлын хэсэг гаргаж ажиллаж гэрээ акт хийж гэрээний дагуу тухайн газраас гарсан нүүрсийг чанар хэмжээгээр буцаан өгдөг гэж байгаа…

Үүнийг бүгд л мэддэг ч бүр огт мэдэхийг хүсдэггүй, тэгээд үe үe гаргаж сэрдэг буланд шахаж улс төржүүлдэг бүлэглэл байх. Энэ бүлэглэлийн олон гар хөлийн нэг нь уг талбайд хөрс хуулах компанитай,өмнийн говийн уугуул, нэгэн цагт Ажнай Бат-Эрдэнээс 380 саяыг өдөр тутмын сонин хийнэ гэж авч байсан Мандахбаяр гэж байгаа… ингэхэд Мандахбаярыг ингэж цэнэглэж ийм сэдвээр олныг төөрөгдүүлж “сэнхрүүлэх” үүргийг хэн өгдөг юм бол…

Яг үнэндээ мөргөцөг огт алга болоогүй шиг мөнгө болж шаагих нүүрс л тэднийг зовоогоод байна. Бага талбайд маш нямбай ажиллаж байгаа тэр их ашгийг төрийн нэрээр өөрийн болгож, баяжих хүсэлтэй тэр бүлэглэл… тэр бүлэглэлд маш их мөнгө, ашиг сонирхол байгаа ч бас нэмж олж улсыг эргүүлэх улс төр хийх л чухал болохоос бусад огт хамаагүй гэхээр… дэндүү харамсалтай…

/ нүүрсний хулгайн мөрөөр явж байх зуур л төрсөн бодол шүү,ийм тийм гэх шүүмжлэл огт хэрэггүй/

Бүтэн жил нүүрсний хулгайн хэргийг тахиа шиг дарж хэвтсэн ерөнхий сайд маань яах ч аргагүй булайг нь нууж хааж биеэрээ дараад нэмэргүй болоод гал алдангуут сөрөг намын ганц хоёр хүний нэр зарлаж, хулгайн бүлэглэлийн гар хөл хийж байсан хэдэн байцаагчийг зарлаж онигоогоо чирэв. Тэгээд болоогүй онц байдал зарлаж жалга хамгаалахыг хүссэн ч ерөнхийлөгч зогсоож тэмцэх боломжийг иргэдэд өгсөн. Ардын талд орсон ерөөкд ихэд өшөөрхөж, өөрийнхөө бохирыг нялах гэж оролдож байгаа бололтой.

Херо ахын найруулгаар шинээр жүжиг найруулж сошиал одонцорууд, мөнгөний сэтгүүлчдийн амруу мөнгө чихээд өөрийгөө магтуулах бусдыг харлуулах пиараа үүрээр эхэлсэн гэнэ шүү

Эх Сурвалж: Х.Заяа

Continue Reading

Түүхүүд

Эгээтэй л 00 өрөө ороход өгзөг арчих хүн зогсож байсангүй, манай дарга нар ажлын байр ингээд нэмэгдүүлчихвийдээ..

Published

on

By

100 ЯМААНД 60 УХНА

Хил дээр нэлээд удаан оочирлосны эцэст Энэтхэг улсад хөл тавилаа. Дунд зэргийн нуруутай Энэтхэг бор залуу биднийг тосон жуулчны автобусанд суулган Агра хотын зүг хөдөллөө. Делигээс Агра хотруу 4 гаруй явах учир замдаа оройн хоол идэхээр түргэн хоолны газар орцгоов. Ороход үүдэнд харуул бололтой нэг настай эр зогсоно, захиалга өгөх гээд очиход касс дээр 2 бор залуу, хажуунаас мэдээлэл өгөх 2 бор залуу нийтдээ 4 бор залуу захиалга өгөх хэсэгт 1 хүнд зэрэг үйлчилж байв. Захиалга аа өгөөд хоолоо авах хэсэгт баримтаа өгөх үед мөн л 3 бор залуу зэрэгцэн зогсоно, түүний цаана гал тогоо хэсэг ил харагдах бөгөөд тэнд 4-5 бор залуу байгаа харагдана.

Зам дагуу машин зогсоосон учир хоолоо хурдан идээд хөдлөх хэрэгтэй байв. Хүсвэл хясна гэгчээр 20 гаруй минут хүлээлгэх нь тэр. Уг нь хийж ядаад байх зүйлгүй. 1 аяга масала цай, 1 грилдсэн сендвич захисан юм. Хүлээж тэсгэл алдаад цайгаа түрүүлээд авч баймаар байна гэдгээ хэлтэл нэг бор залуу одоо ухаан орсон аятай цайгаа чанахаар усаа буцалгаад эхлэв. Нэлээд удаж байж 1 сендвич бэлэн болов. Нэг аяга цай, 1 сендвич авахын тулд 10-аад бор залуу дамжин үйлчилгээ авч 30-аад минутын дараа захиалга аа авав. Анх орж ирэхэд их олон залуу үйлчлээд байгаа мэт санагдсан ч анзаараад харвал тэр олон залуус хурд үгүй, бүтээмж үгүй нэг нэгнээ нудралцан нэг нэгэндээ ажлаа шилжүүлээд байгаа нь анзаарагдав.

Түгжирч 6 цаг хэртэй яваад Агра дахь зочид буудалдаа ирэв. Буудлын угтах үйлчилгээ, туслах ажилчид бололтой 5, 6 бор залуус мөн л тосож угтав. Автобуснаас ачаа буулган өрөөнд зөөх хүртэл өнөөх олон залуус мөн л баахан мунгинав. Арга аа бараад өөрөө оролцон ачаагаа өрөөндөө оруулалцлаа. Эднийх чинь хүн ам ихтэй болохоор ингэж ихээрээ зогсдог юм байхдаа хэмээн бодол төрж байсан юм.

Маргааш нь бид өдрийн хоол идэхээр нэгэн ресторанд орцгоов. Мөн л дамжин орох үүд болгонд нэг хижээл насны бор эрэгтэй зогсоно. Захиалга авахад 2 эрэгтэй ирэв. Үүдэнд зөөгч хувцастай ижилссэн 5 эрэгтэй зэрэгцэн хийх ажилгүй сууцгааж байв, тэйкрүү хартал 2 эр зэрэгцээд суучихсан байхыг хараад ёстой гайхах, инээх зэрэг хүрсэн дээ. 100 ямаанд 60 ухна гэгчээр бүтээмж байхгүй, хурд байхгүй, хий эргэсэн хэдэн эрэгтэйчүүд бүх үйлчилгээний газруудад олноороо байгаа нь ажиглагдсан юм. Бие засахаар ороход хүртэл үүдэнд нэг залуу цаас барьчихсан зогсож ч байх шиг.

Эгээтэй л ариун цэврийн өрөө ороход бөгс арчих хүн зогсож байсангүй. Дээрх зүйлийг хараад манай дарга нар ажлын байр нэмэгдүүлэх аргыг ийм маягаар шийдчих вий дээ хэмээн эмээв. Нэг ажлын байр дээр 2-3 хүн тавьчихаад ажлын байр 2-3 дахин ихэсгэв хэмээн тайландаа тусгачихаж мэдэх хүмүүс тул энд ирж туршлага судлуулж болохгүй санагдав.

Үйлчилгээний газар бүрт энэ мэт олноор нэг нэгрүүгээ харцгаасан, нэг нэгэндээ хийх ажлаа шилжүүлсэн бор бор эрчүүд тааралдсаар байсан юм. Делид ирэхэд ажиглагдсан инээдтэй ч гэмээр гайхмаар ч гэмээр заримдаа бухимдмаар гэмээр зүйл энэ байлаа.

Continue Reading

Түүхүүд

Монголчуудын бахархал улсын аварга Д.Сумъяабазарын талаар сонирхолтой баримтууд

Published

on

By

Аваргын алдар: Долгорсүрэнгийн СУМЪЯАБАЗАР

Төрсөн он(жил): 1974(үхэр)

Нутаг ус: Өвөрхангай аймгийн Хужирт сум(Улаанбаатар хот)

(хуучнаар Түшээт хан аймаг)

Цол чимэг: Өсөх идэр, үлмэж бадрах, саруул сайжрах, хурдан шаламгай, хууринан шуугигч, уран барилдаант, үнэн зоригт, цогт гарамгай, өлзий бадрах, бууршгүй хүчит, үлэмж дэлгэрэх, үнэн итгэлт, улсын аварга

Барилдааны амжилт: Улсын наадамд 2006 онд 10 даван түрүүлж(аварга цол), 1998, 1999, 2003, 2005 онд 4 удаа үзүүрлэж, 1994, 1995, 1996, 2000, 2001, 2002, 2004, 2007, 2008 онуудад 9 удаа шөвгөрөөд байна. Мөн Цагаан саөрын барилдаанд 2002, 2003 онд түрүүлж, 2001, 2005-2007 онд үзүүрлээд буй.

Гол онцлог: Улсын манлай заан Д.Долгорсүрэнгийн хүү, мэргэжлийн сумо бөхийн их аварга Д.Дагвадоржийн ах. Чөлөөт бөхийн ОУХМ, олимпийн их наадмын шагналт. 20-хон насандаа улсын цолтны эгнээнд багтсанаас хойш жил бүр(1997 онд тавд Өсөхбаяртай тунаж унасныг эс тооцвол) шөвгөрч буй энэ цагийн  удамт шилдэг бөх.

Дархан мэх: хонгодох, шуудагдаж татах, хавсрах

-Монголчуудын мянга мян­ган жилийн нүүдэлчин ахуй болон  өв соёлыг тээж ирсэн үндэсний их баяр наадам хаяанд ирлээ. Дэлгэр зуны энэ цагт дэнж хотойтол нааддаг Монголын ард түмэндээ баяр наадмын мэнд хүргэе  ээ. 

Багын найз Г.Өсөхбаяр, А.Сүхбат хоёр маань дархан аварга цолтой болж байна. Ард түмнээ хүндэтгээд хоёр дархан аварга маань зүлэг ногоон дэвжээнээ зодоглох байх аа.  

Миний хувьд 2008 оноос хойш Төрийн их баяр наадамдаа зодоглоогүй. Би бодохдоо, спорт залуу насных гэсэн хатуу зарчим тээж явдаг хүн л дээ. Д.Сумъяабазар гэдэг хүн 14-34 нас хүртлээ буюу 1988-2008 он хүртэл 20 жил спортын төлөө өөрт байгаа бүхнээ зориулсан. Энэ хугацаанд үзэгч олноо хүндэтгэн олон сайхан барил­даан үзүүлж ард түмнээ баясгаж тэднээсээ уухайн түрлэг, эрч хүч авч байлаа. 

-Улстөрч гэдэг үүднээс бус Монгол бөхийн аварга гэдэг утгаар тантай ярилцаж байна. Хэдийгээр өөрөө барилдахгүй гэсэн ч нут­гийнхаа бөхчүүдийн галаар орж бэлтгэл сургуу¬лилтыг нь харав уу?

-Наадам бүхэн өөр өөрийн онцлогтой. Нэг дор 1024 бөх зэрэг гарч, нэг зэрэг 1000 гаруй шандаст хүлэг зурхайгаас эргэдэг, эрхий мэргэн харваачид нь цэц мэр­гэнээ сорьж гурван өдөр нааддаг гээд тэр бүхэн яах аргагүй Монгол наадмын онцлог. Тиймээс ч түмэн олон маань бөхчүүд гэхээсээ илүүтэйгээр Ардын хувьсгалынхаа их баяр наад¬мыг хүлээдэг болов уу гэж ойлгодог.

Хаана ч байх¬гүй тийм л сайхан жишиг Монголын ард түмэнд л байдаг. Бөхчүүд бидний хувьд зөв­хөн давах, унах гэхээсээ илүүтэйгээр ард түмнээ хүндлэх ёстой. Үүнийгээ үргэлж дот­роо бодож, тунгааж явах учиртай. Энэ жилээс Өвөрхангай аймгийн бөхийн галыг хариуцах том үүрэг надад оногдож, Их Монголын хүчтэн дэвжээний тэргүүнээр сонгогдсон.

Өврийн сайхан хангайгаас төрж гарсан аваргын хувьд энэ л нутаг уснаас ирээдүйд төрж гарах аварга, арслангуудын залгамж халааг нь бэлтгэх нь миний үүрэг. Бөхчүүд галынхаа нэгдсэн бэлтгэл, сургуулилтдаа гарсан.

-Зургаан залуу заан наадмын дэвжээнээ гал гарсан барилдаанаар ард түмнээ баясгадаг байлаа. Хорьсон ч давдаг хориогүй ч давдаг тэр торгон цаг үеийг эргэн дурсахгүй юу?

-Зургаан залуу зааны үеийг монголчууд бахдан ярьдаг. Бидний хувьд 12-13 наснаасаа их спортоор хичээллэж бөхийн гараагаа эхэлж байсан. Их спортоор хичээллэсэн үеийн өндөр бэлтгэл сургуулилт, ёс зүй гээд бүхий л зүйлд суралцсан бөхчүүд бол тухайн үеийн зургаан залуу заан байсан гэж боддог.

Бэлтгэлийн суурь, ачаалал даах чадвар гээд бүхий л зүйл их спорттой салшгүй холбоотой. Г.Өсөхбаяр нь Архангай­даа, Д.Сумъяабазар нь Октябрийн райондоо, А.Сүхбат нь Төв аймагтаа байсан бол бид хөдөө буйдхан газартаа бондойсон аймгийн арслангууд болчихсон жилдээ ганц удаа төрийн наадамдаа зодоглох гээд шилээ маажиж ирээд начин цол горьдсон нөхдүүд л байх байсан болов уу.

Их спортоор хичээллүүлсэн ухаалаг багш нарын буяныг хариулж барахгүй л дээ. Зургаан залуу заан бус­даа­саа аргагүй ялгардаг байсан. Бид бусад бөхчүүдээс хэд дахин илүү бэлтгэл хийж, тэднээс хэд дахин илүү ачаалал авчихсан тул ялгарахгүй гээд яах юм.

-Тачигнатал барилдаад давж, унасныхаа дараа өнөө хэдий­гээ юу гэж боддог байв?

-Бид нэг нэгэндээ уначихвал нойр хүрнэ гэж байхгүй. Учир нь бид өгөө аваатай байсан. Би Сүхбатад, Өсөхөө Пунцагт уналаа гэхэд шөнөжин орондоо тарвалзаж хононо.

Дараа нь харин давчихаад нэг их сайхан санаа амарна шүү дээ. Тэгж байж дараагийн бэлтгэлдээ сэтгэл хангалуун ордог байлаа. Монгол бөхийн нэгэн үеийн өнгийг тодорхойлж явсандаа бид бахархдаг. Монголын ард түмэн хэзээд залуу зургаан зааны тухай ярьцгаасаар байх болов уу гэж боддог юм. 

-Анхны цолоо хэзээ хүр­тэж байв. Таны дархан хонгодох мэхэнд тэсч үлдсэн бөх цөөхөн. Уг мэхийг хэрхэн сурч байсан бол?

-Бөхчүүдийн биеийн галбирт тохирсон мэхний хувилбар гэж байдаг. Хонгодох мэх миний биеийн галбирт л тохирсон мэх. Халз хутгах, давхар ачих, зайлж хавирах гээд янз бүрийн хувилбар тухайн үед барилдааны явцад орж ирдэг.

Барилдааны ганцхан доль, секундэд л хийгддэгээрээ дар­хан мэх агуу л даа. Өнөөдрийнх шиг хашиж зогсож байгаад нэгнээ өргөөд тавьдаг ийм барилдаан үзээд яах юм. 20 минут зугтааж байгаад азаа үзэж барьц сонгоно гэдэг утгагүй.

Анхны цол гэвэл 1988 онд үндэсний баяр наадмын өсвөрийн 64 бөхийн барил­даанд түрүүлж улсын “шонхор” цол хүртсэн. Тэгэхэд Баагий ах маань (Дархан аварга Б.Бат-Эрдэнэ) түрүүлж арслан цолонд хүрч байсан үе. Тухайн үед нам засгийн дарга нар болох Ж.Батмөнх гуай болон Улс төрийн товчооны бусад гишүүдтэй 14-тэй хүү гар барьж байлаа.

Тэгэхэд хязгааргүй их баярлаж билээ. Би Октябрийн районы 46 дугаар сургуульд сурдаг байсан юм. Сургуулийнхан маань хүлээн авч Хүүхэд залуучуудын нэвтэрхий толь I, II ботийг өгч намайг хөхүүлэн дэмжиж байв шүү дээ. 

-Анх ямар улсын цолтныг өвдөглүүлж байв?

-Бөхийн чөлөөт барилдааны Тулгат клубийг үүсгэн байгуулсан Нямдаваагийн Ганбаатар багш маань Өсөхөө болон бидний тэргүүтэй хэсэг бөхчүүдийг гаргаж ирсэн. Багш биднийг 20 нас хүртэл үндэсний бөхөөр барилдахыг хориглодог байсан.

Тэр үеийн заалны нэгэн барилдаанд Өсөхөө засуул дээрээс гарахдаа гутландаа бүдэрч унах шахаад гарч ирж билээ. Түүнийг нь багш мэдчихээд “Одоо боль” гээд болиулсан. Тухайн үед бид чөлөөт бөхөөр “өвчилчихсөн”, “Дэлхийн од болно” гэж мөрөөдөж явдаг байсан юм.

Н.Ганбаатар багш дөрвөн мөчний тамир суугаагүй хүүхдүүд нэг л гэмтэл аваад насан туршийн тахир дутуу болчих вий гэж биднийг хориглодог байв. Багш үндэсний бөхөөр барилдуулахгүй байхаар нь бид ч дотроо гомдолтой л байдаг байсан. Одоо бодоход багш маань алсын хараатай байжээ.

1993 оны цагаан сарын барилдаан дээр залуу бөх оноолтоор Д.Мягмар заантай таарсан. Аавтай минь үеийн том цолтой бөхтэй барилдаж байсан болохоор эмээнгүй л байлаа. Элэг бүснээс нь бариад автал барилдаж бол­моор санагдангуут нь шууд л давхар аччихсан. Тэгж л анх улсын цолтой бөхийг давсан түүхтэй. 1994 онд Д.Цэрэнтогтох аваргаар тав давж начин цолны босго алхсан. 

-Цэдэндамбын Цэрэн­пун­цаг гарьдаар долоо давж заан цол хүртсэн тэр барилдаанаа эргэн дурсахгүй юу?

-Ц.Цэрэнпунцаг ах бид хоёр Политехникийн дээд сургуулиас өсвөр үеийн улсын аваргад орж байсан. Пунцаг ах том насанд би 15-16 насны ангилалд барилдсан. Би түрүүлж, Пунцаг ах өөрийн насандаа дөрөвт орж байсан юм. 1990 онд ээжийн маань нутаг болох Архангай аймгийн Өлзийт сумын наадамд зодоглож шөвгийн дөрөвт үлдэж байлаа.

Continue Reading

Онцлох мэдээ

DMCA.com Protection Status