Connect with us

Дотоод

Л.Эрдэнэчимэг: Таргалалт бол хялгасан судаснаас үүдэлтэй эмгэг

Published

on

“Эмч зөвлөж байна” булангийн энэ дугаарт “Мөнх тэнгэр” эмнэлгийн тэргүүлэх зэргийн эмч, Клиникийн профессор Л.Эрдэнэчимэг эмчтэй ярилцлаа.

Сүүлийн үед залуучуудын дунд зүрх судасны өвчлөл ихсэх болсон. Үүний нэг шалтгаан нь таргалалттай холбоотой гэж тайлбарладаг ?

-Би зүрх судасны эмчээр 35 жил ажиллаж байна. 1986 оноос зүрхний эхогоор дагнан ажилласан. Анхны зүрхний эхочдын нэг. Монголчуудын зүрх судасны өвчлөлийн хувьд  ямар байна, аль нь зонхилж байна гэдгийг ажлаасаа хардаг. Би социализмын үе, зах зэлийн нийгэмд ч тэр ажиллаж л байна. Жишээлбэл, 1990 оноос өмнө тарган хүн ховор байлаа. Бөхчүүд хүртэл их тарган байсангүй.

Таргалалт бол 2000 он хүртэл харьцангуй бага, 2000 оноос хойш таргалалт байнгын зүйл мэт болсон. Миний үе, манай хүүхдүүдийн үед таргалалт байгаагүй. Бидний ач зээгийн үеийн хүүхдүүд таргалалт ихтэй болжээ. Үүнийг дагаад зүрхний бүтэц өөрчлөгддөг.

Нийгмийн байдалтай холбоотой өвчлөл хүртэл өөр болсон. Ингээд ирэхээр даралт ихдэлт, зүрх, тархины судасны, нарийсал үүсч байна. Мөн үүний суурь нь таргалалтаас үүдэлтэй чихрийн шижин өвчин байна. Хүн хэвлийгээр таргалалт ихтэй бол дотор өөх үүсдэг.

Дотор өөх нь хүний биед шингэхдээ хялгасан судсыг дүүргэдэг. Тэгэхээр таргалалт бол хялгасан судаснаас үүдэлтэй эмгэг. Өөх 10 жил болохоор л чулуу шиг болдог. Судас захаасаа дүүрээд ирэхээр эд эрхтний цусан хангамж муудаад эхэлнэ.

Манай нийгмийн бүх өвчлөлийн шалтгаан бол таргалалт. Одооны хүүхдүүд таргалалт ихтэй байна. 15, 16 хүрээд багассан мэт боловч багад байсан таргалалт судсыг их гэмтээсэн байдаг. Таргалалт хэдий чинээ эрт эхэлнэ тэр чинээгээр судсыг гэмтээнэ гэсэн үг. Гурав, дөрвөн настай байхдаа тарган байж байгаад 14,15 хүрээд турсан юм шиг боловч 30 нас хүрэхэд судас хатуурсан байдаг.

Ингээд ирэхэд зүрх судасны өвчин залуужиж, даралт ихсэх, зүрхний судас нарийсч байна. Фитнесст явж, ууланд алхаж байгаад гэнэт бие эвгүй боллоо гэх залуучууд ихэссэн байна. Залуучууд миний хөдөлгөөн багасаад гэнэт их хөдөлсөн чинь ингэлээ гэж ойлгодог. Гэтэл дотор өөхлөлт, өөрчлөлтөөсөө болдог. Эмэгтэй хүмүүс энэ үед  төрөхөөр жирэмслэлтэд  нь нөлөө үзүүлдэг.

-Жирэмсний үед даралт ихсэх нь элбэг болсон гэх юм?

-Жирэмслэлт их орой болсон. Биологийн хөгшрөлт эрт болоод байна. Яагаад залуучуудад өөрчлөлт эрт явагдаад байна гэхээр судас хатуурал ихтэй байна. Жишээлбэл, хүн паспорт дээр 30 настай байлаа гэхэд биологийн нас 50, 60 настай байдаг.

Ингээд ирэхээр 30 настай мөртлөө 50, 60 настай хүнд гардаг өөрчлөлтүүд биед явагдана гэсэн үг. Жишээлбэл, даралт ихэсдэг, харвадаг, шигдээс болох нь 30 насанд тохиолдоно. Энэ бол таргалалт удсаныг илтгэж байна. Дээрээс нь ундаа ууна гэдэг чинь л буруу. Ундааг 10 жил уухад л судас зэс утас шиг хатуурч нарийсдаг. Буруу хэрэглээнээс болоод судасны хатуурал эрт явагддаг. Жирэмсэн хүмүүс сахар ихтэй байна. Ингээд ирэхээр л  хавагнаж, даралт ихсэж, тархины өөрчлөлтүүд гардаг. Жирэмслэлтийн явц хүндэрдэг.

Жирэмсний хяналтын стандартууд өөрчлөгдөж байгаа. Хуучин бол хоолоо л сайн ид  гэдэг байсан. Одоо бол ээж хүүхэд хоёр жирэмсний хугацаанд 10-14 кг нэмж болно гэж заасан. Тэгэхээр жирэмсний үеийн зөв хооллолт маш чухал. Бага багаар зохистой хэмжээнд идэх хэрэгтэй.  Хүний биед ямарваа нэгэн зовиур илрэх л юм бол оношлуулах хэрэгтэй.

Зүрхний эход харуулаад өөрчлөлт байх юм бол жирэмслэхээсээ өмнө эмчлэх ёстой. Хүн өөрийгөө хянаж бэлдэх хэрэгтэй. Жирэмслээд ирхээр зүрх дэслээ, даралт ихэслээ гэдэг. Жирэмсний үед зүрх судасны эмгэгийг эмчлэхэд хэцүү. Жирэмслэхээс өмнө тэр зовиурууд биед нь гарсан л байдаг. Өөрийгөө мэдэхгүй, тоохгүй яваад байдаг тал бий.

-Аливаа өвчнөөс урьдчилан сэргийлнэ гэдэг их чухал зүйл байх?

-Хүн урьдчилан сэргийлж, өөрийгөө хянах л их чухал байна. Бид нар ярьдаг шүү дээ. Гаднын орны хүмүүс өөрийнхөө эрүүл мэндийн талаар мэдлэгтэй, хоолоо зөв иддэг гэдэг. Тэр нийгэм чи өөрөө анзаарахгүй, өвчтэй л бол ажлаа хийж чадахгүй, ирээдүйгүй болно гэдгээ мэдэж байна. Өнөөдөр манай нийгэм, хувь хүн бүр эрүүл мэндийнхээ төлөө санаа зовох ёстой.

Зовох зовохдоо, манай нийгэм сүүлийн 20 жил буруу хооллолоо шүү дээ. Хоол ундны зохицолдооноос болсон өөрчлөлтүүдийг засаад ирвэл цаашдаа жирэмслэх, цэрэгт явах, гадаад сурах, ажиллах зэрэгт чухал нөлөөтэй. Хүүхдээ буруу хооллодог, өөрсдөө 30 настайдаа өвчний өөрчлөлтүүд гараад байгаагийн гол шалтгаан нь зохисгүй хооллолт.

– Таргалалт олон  үр дагавартай. Үүнийг дагаад мөн чихрийн шижин үүсдэг гэж та дээр дурдлаа?

– Таргалалт өөрөө чихрийн шижин үүсгэдэг. Чихрийн шижин өөхийг царцаадаг. ДЭМБ-аас гаргасан стандартаар эрэгтэй хүний бүсэлхий 90 см, эмэгтэй хүнийх 80 байх ёстой гээд заачихсан байгаа. Өлөн сахар 5.5 байхад сахарын өвчин эхэлсэн гэж үздэг. Тарган мөртлөө “би сахаргүй гэсэн” гээд  яваад байдаг нь буруу. Эмэгтэй хүний гэдэсний тойрог 80 байхад аль хэдийнээ чихрийн шижин эхэлсэн байдаг.

-Танд үзүүлж байгаа хүмүүс ихэвчлэн ямар дадал зуршилтай хүмүүс ирдэг вэ?

– 1990 оноос өмнө хүмүүс өдөрт нэг л махан хоол иддэг байсан. Миний бодлоор тэр үед дэлхий даяараа илүүдэл жинтэй хүн ховор байсан. Тэр үед бид хүний биед хэрэгтэй уургыг авч чаддаг байсан. Тэр үед тураалтай, таргалалттай ч хүн байгаагүй. Жишээлбэл, манай аав ээжийн үе 1930, 1940-өөд оны хүмүүс намхан. Гэхдээ булчин сайтай хүмүүс байсан. 1960, 70, 80-аад оны хүмүүс чацтай өндөр хүмүүс.

Хэрэв бидэнд уургийн хэмжээ бага байсан бол булчингүй, тураалын шинжтэй байх байсан. Ийм учраас оюуны чадавх, биеийн хөгжил сайтай байна. Миний бодлоор социализмын үеийн хоолны бүтэц зөв байсан гэж боддог. 1990 оноос хойш зах зээлд ороод бид хоолыг их цуглуулж иддэг болсон. Олдсоныхоо хэмжээгээр л идээд байна. Таргалснаас болоод даралт ихсээд, төрөх насны залуучуудад харвалт, шигдээс 60 настай хүмүүсээсээ их байна.

Г.Жаргал

ЭХ СУРВАЛЖ ZAAG.MN

Click to comment

Leave a Reply

Your email address will not be published. Required fields are marked *

Дотоод

Миеэгомбо: Шүүгчийн туслах нь “Уучлаарай” гээд уурлаж байна!

Published

on

By

Продюсер Миеэгомбо:

“2022 оны 12 сарын 22-нд Шүүх хурлаар орж, шийдэгдсэн хэргийн шийдвэрээ шүүгч нь хуулийнхаа дагуу 14 хоногт буюу 2023 оны 01 сарын 05-нд бичиж, гаргах ёстой байтал өнөөдөр буюу хуулийн хугацаа дууссанаас хойш 21 хоногийн дараа буюу нийтдээ 35 хоног бичиж бичиж арай гэж нэг юм гаргаж байдаг шүү! Бас болоогүй ээ, “Хуулийн хугацаа чинь дуусчихлаа. Шийдвэрээ өгөөч ээ!” гэж сануулан барин байж шүү.

– Яагаад? гэж асуутал шүүгчийн туслах нь

– Ачаалал ихтэй байгаа болохоор…гэв.

Хэрвээ шүүгч анхан шатны шийдвэрээ хугацаандаа гаргаж өгсөн бол өдийд би хариуцагч талаар хохирлоо төлүүлчихээд сууж байх байв! Ийм аймаар хайнга.

Шүүгч нь өөрөө хуулиа тоодоггүй наасссс…Ингэвэл нээрээ хэн ч ш дээ!

Энийг нь хэлсэн чинь шүүгчийн туслах нь

– Харин тэгээд таниас уучлал гуйлаа ш дээ! гээд уурлаж байдаг шүү. Уг нь би зарчим яриад байгаа ухаантай.

– Та нар хугацаандаа шийдвэрээ гаргаад өгчихсөн бол би юу гэж ингэх вэ дээ. Одоо би энэ шийдвэр дээр чинь гарын үсэг зурчихаад та нарын хэлдэгээр дахиад хуулийн хугацаа гээд 14 хоног, цаашлаад 30 хоног хүлээж, асуудал сунжрах юм уу? гэж асуулаа.

– Уучлаарай гэсэн ш дээ, гялс гарын үсэгээ зурчих гэнэ ээ.

Медиагийн бид хүртэл захиалгын реклам, нэвтрүүлэг энэ тэр хийхдээ хугацаа хэтрүүлсэн бол хариуцлагаа хүлээдэг. Ямар нэг төлбөр төлдөг. Үгүйдээ л дахиад нэмэлт юм хийж өгч хохирлыг нь барагдуулдаг. Гэтэл Монголын шүүх үнэн ДААМ юм өө. “Ачаалал ихтэй байлаа. Уучлаарай” гээд л загнаад явчихдаг гэнэ ээ.

Монголын шүүх “Ачаалал ихтэй байгаа” нь Хүндэтгэх шалтгаан мөн үү, биш үү? Түүнээс болоод иргэд бид хохирох нь зөв үү, буруу юу? Хүний нөөцийн энэ асуудал уг нь шүүхийн өөрийнх нь дотоод асуудал байлтай!

Шүүхийн тухай, шүүгчдийн энэ мэт хариуцлагагүй үйлдлүүдийн талаар асуудал хөндсөн цуврал нэвтрүүлэг хиймээр санагдчихлаа, харин ч нэг. Ямар муухай бүдүүлэг, дээрэнгүй нөхдүүд вэ!”

5-6 нүүр шүүхийн шийдвэр бичих гэж 35 хонож байгаа, хуулинд заасан 14 хоног нь дуусаад бүр 21 хоносны дараа анхан шатны шүүхийн шийдвэрээ “арай ядан” бичиж өгч байгаа шүүгчийг өмөөрөөд над руу баахан хуульч нэртэй охид элдэв бусаар л бичицгээлээ. Би та нартай шүүгчийн сайн, мууг ярьсангүй. Хуульчид өөрсдөө хуулиа биелүүлээч ээ гэж зарчим л шаардсан. Тэгсэн өөдөөс “Ажлын ачаалал их байгаа” гэнэ ээ. Тэрийг чинь тэгээд хэн тэнцүүлэх юм? Удирдлагадаа л хэл л дээ, шаард л даа.

Уучлаарай, би шүүгч мэргэжилтэй байгаад, хууль номоо сайн мэддэг, ажил нь гарт нь орсон байсан бол 5-6 нүүр шүүхийн шийдвэрийг яс суувал 2 цагийн дотор биччихнэ ээ!

Өмнөх хуулийн заалтаараа 7 хоногийн дотор шүүхийн шийдвэрийг бичих ёстой байсныг өдгөө 14 хоног болгож өөрчилсөн. Тэгээд байхад шүү.

Би Кино зохиолч хүн. Иймэрхүү шийдвэрийн бүтцийг хараад л хэдэн хэсэгтэй, алинд нь ямар ямар тайлбар орж, алийг нь хэдэн минутанд бичдэгийг мэдэхийн цаагуур мэднэ ээ. Тэгсэн юу вэ, манийгаа “Маллаад” 35 хоног “Бичдэг” байна ш дээ.

СБД-ийн Иргэний хэргийн шүүгчид ээ, ичиж амьдраарай! Иргэдийг бүү доромжлоорой!

Өчигдрийн Шүүхийн хариуцлагагүй байдал, иргэдийг чирэгдүүлдэг процессийн тухай бичсэн постын дараа 2 телевиз, 3 вэбсайт над руу холбогдож, шүүгчдийн ёс зүйн тухай нээлттэй хэлэлцүүлэгээс өгсүүлээд асуудал хөндсөн, эрэн сурвалжлах цуврал нэвтрүүлэг гаргахаар ярилцаж байна.

Өчигдөр тус шүүгчтэй холбоотой гомдлыг би “Шүүхийн ёс зүйн хороо”-нд гаргаж өгсөн ба шүүгчийн хуулиа зөрчсөн, хариуцлагагүй байдалтай холбоотой энэ асуудал дээр ямар шийдвэр гаргасныг 14 хоногийн дараа би Live-аар дамжуулж олон нийтэд шууд мэдээлэх болно.

Өчигдөр, өнөөдөр 2 шүүгчийн туслах утсаар ярилаа.

Өчигдөр өдөр ярихдаа

– Шүүгч таны гаргасан хүсэлтийн дагуу хариуцагч талын өмгөөлөгчийн хамт уулзаж учир байдлыг тань сонсоё гэлээ.

– Уучлаарай, уг нь энэ асуудал зүгээр л зарчмын асуудал. Шүүгч нь хуулиа зөрчсөн тухай асуудал. Одоо надад уулзаж гомдоллох шаардлага байхгүй ээ. “Шүүхийн ёс зүйн хороо”-нд би албан ёсоор гомдлоо гаргасан гэв.

Гэтэл өнөөдөр ярихдаа

– Шүүхийн анхан шатны шийдвэр гарсан тул хуулийн дагуу 14 хоног дотор давж заалдаж болно. Нөгөө тал ч гэсэн анхан шатны шийдвэрийн дагуу төлбөрөө төлье гэж хэлүүлсэн. Шүүгч таниас уучлал гуйж байна гэв.

Өчигдөрхөн “Ажлын ачаалал их байсан. Гарын үсэгээ зур” гэж байсан нөхөд өнөөдөр гэнэт ухаан орсон нь энэ. Шүүгч нар надаас гадна хичнээн иргэдэд яг ийм байдлаар зүгээр л “Уучлал гуйсан болоод” өнгөрөх вэ?!

Иргэн хүн шүүгчийн хайнга хандаж, чирэгдэл учруулсанд нь гомдол гаргаж, хяналтын шатны байгууллагад нь хандангуут “Юу болов?” гэмээр уриалгахан болох нь юуны учир вэ?

Уг нь энэ хэрэг 2021 оны 10 сард шүүхэд хандсанаар эхэлсэн. Шүүх хурал “Шүүгч ажлын ачаалал ихтэй байгаа” гэдэг шалтгаанаар бараг 5-6 сарын дараа арай гэж товлогдсон. Дараа нь бид өмгөөлөгчөө сольж, уг хэрэгт холбогдох Олон Улсын байгууллагыг Гэрчээр дуудуулах хүсэлт тавьж, дунд нь шүүгч амарч, хариуцагч талын төлөөлөгчийн итгэмжлэлийн хугацаа дууссан тул дахин хойшлогдож явсаар арайхийн 2022 оны 12 сард анхан шатны шүүх хурал болсон. 1 жил 2 сарын дараа…

Энэ бүгдэд би маш тэвчээртэйгээр СБД-ийн Иргэний хэргийн шүүхийг болон шүүгчийг хуулийн дагуу ажиллана гэж итгэж хүлээсэн. Гэтэл шүүх хурал болсноос хойш 35 хонож, шахаж шаардуулж, гуйлгаж түүлгэн байж арайхийн анхан шатны шийдвэрээ (5-6 нүүр бичиг) гаргасан нь энэ! Дэндүү цаашаа…” гэжээ.

Continue Reading

Дотоод

Хүрэлсүх хориг тавихаар болжээ

Published

on

By

Монгол Улсын Ерөнхийлөгч “Олон нийтийн сүлжээнд хүний эрхийг хамгаалах тухай” хуульд бүхэлд нь хориг тавихаар боллоо. Даваа гарагт энэ талаар Ерөнхийлөгчийн Тамгын газраас мэдээлэл хийнэ.

Намрын чуулганы отгон хуралдаанд УИХ-ын гишүүн Н.Учрал нийгэмд шуугиад буй Олон нийтийн сүлжээнд хүний эрхийг хамгаалах хуулийг оруулж, батлуулсан. Энэхүү хууль нь хоёрдугаар сарын 1-нээс шууд хэрэгжиж эхлэхээр байгаа юм. Тиймээс олон нийтийн хэл амыг дагуулсан энэхүү хуулийн онцлох заалтуудыг хүргэж байна.

Таван бүлэгтэй тус хуулийн зорилго нь Монгол Улсын Үндсэн хууль, Хүүхэд хамгаалах тухай хууль, Кибер аюулгүй байдлын тухай хууль, Гэмт хэрэг, зөрчлөөс урьдчилан сэргийлэх тухай хууль, Садар самуун явдалтай тэмцэх тухай хууль, энэ хууль болон эдгээр хуультай нийцүүлэн гаргасан хууль тогтоомжийн бусад актаас бүрдэнэ хэмээн тус хуулийн 2.1-т заасан байна.

ХУУЛИЙН ҮЙЛЧЛЭХ ХҮРЭЭ:

Дээрх хуулийн үйлчлэх хүрээ нь тус хуулийн 3.1-т Энэ хуулиар олон нийтийн сүлжээнд хүний эрх, хууль ёсны ашиг сонирхол зөрчигдөхөөс хамгаалах, хууль тогтоомжийн хэрэгжилтийг хангуулах, соён гэгээрүүлэхтэй холбоотой харилцаанд үйлчилнэ гэж зааж. Мөн тус хуулийн 3.2-т Олон нийтийн сүлжээгээр гурваас доош тооны хэрэглэгч хоорондоо харилцахад энэ хууль үйлчлэхгүй гэж заасан байна.

НЭР ТОМьЁОНЫ ТАЙЛБАР:

Тус хуулийн нэр томьёоны тодорхойлолтод “контентыг нийтлэх” гэж хэрэглэгч контентыг олон нийтийн сүлжээнд нийтэд нээлттэй хүргэхийг хэлж байгаа аж. Харин “контент түгээх” гэж нийтэлсэн контентыг олон нийтийн сүлжээнд бусад этгээдэд дамжуулахыг хэлжээ. Нөгөөтэйгүүр “үйлчилгээ эрхлэгч” гэж олон нийтийн сүлжээний үйлчилгээ үзүүлж байгаа этгээдийг хэлнэ.

“Хэрэглэгч” гэж олон нийтийн сүлжээнд бүртгэгдсэн, хэрэглэгчийн хаягтай хүн, хуулийн этгээдийг гэж заасан байна. Харин “хэрэглэгчийн хаяг” гэж олон нийтийн сүлжээнд хэрэглэгчийг ялган таних зориулалт бүхий үг, үсэг, тоо болон бусад тэмдэгтээс бүрдсэн мэдээллийг гэж тусгасан байна.

Тус хуулийн 4.1.12-т “хүний хувийн мэдээлэл” гэж Хүний хувийн мэдээлэл хамгаалах тухай хуулийн 4.1.11-т заасан мэдээллийг ойлгоно гэсэн байна.

Тэгвэл тэрхүү хуулийн 4.1.11-т “хүний хувийн мэдээлэл” гэж хүний эмзэг мэдээлэл болон хүний эцэг /эх/-ийн нэр, өөрийн нэр, төрсөн он, сар, өдөр, төрсөн газар, оршин суугаа газрын хаяг, байршил, иргэний бүртгэлийн дугаар, хөрөнгө, боловсрол, гишүүнчлэл, цахим тодорхойлогч, хүнийг шууд болон шууд бусаар тодорхойлох, эсхүл тодорхойлох боломжтой бусад мэдээллийг хэмээн заажээ.

УИХ-ын чуулганы өнөөдрийн хуралдаанаар Олон нийтийн сүлжээнд хүний эрхийг хамгаалах тухай хуулийн төслийн эцсийн хэлэлцүүлгийг хийх байсан ч АН-ын бүлэг завсарлага авлаа.

Энэ үеэр Цахим хөгжил, харилцаа холбооны сайд Н.Учрал “Энэ хуулийг анх 2017 онд боловсруулсан. Холбогдох байгууллага болон олон улсын байгууллагуудын саналыг хангалттай авсан. ХЭҮК-ынхон ажлын хэсэгт орж, тодорхой саналууд хэлсэн. Цахимаар залилах гэмт хэрэг нэг жилийн дотор 93.8 хувиар, цахимаар хүүхдэд садар самууныг сурталчлах гэмт хэрэг 2.8 дахин өссөн байна.

Эдгээр тоо өдөр тутам өссөөр байгаа тул ийм төрлийн гэмт хэргээс урьдчилан сэргийлэх шаардлагатай байна.

Өчигдрийн хувьд “Нийтийн албан тушаалтан хүний хувийн мэдээллийг олон нийтийн сүлжээнд зөвшөөрөлгүйгээр нийтлэх, түгээхийг хориглоно” гэсэн 6.3 дахь заалтыг нийгэм буруу ойлгож шүүмжилсэн тул хассан. Мөн нэр бүхий сэтгүүлчдийн санал болгосноор “олон нийтэд нөлөө бүхий этгээдүүд” гэдэг энэ заалтыг хуулийн төслөөс хассан” гэсэн тайлбарыг хийсэн юм. 

УИХ-ын дарга Г.Занданшатар АН-ын бүлэгт өнөөдрийн 14 цаг хүртэл завсарлага өгснөөр уг хуулийн төслийн хэлэлцүүлэг үдээс хойших хуралдаан руу шилжив.

Өнөөдөр /2023.01.24/ Ардчилсан намаас УИХ-ын гишүүн Н.Учралын 3 хоногийн дотор УИХ-аар батлуулсан хуулийн талаар хэвлэлийн бага хурал хийлээ. Хэвлэлийн хуралд Ардчилсан намын Дэд дарга Б.Ган-Очир, ҮБХ-ны гишүүн, Сурталчилгаа, Хэвлэл мэдээллийн газрын дарга О.Батханд нар оролцлоо. 

Ардчилсан намын Дэд дарга Б.Ган-Очир: “Өнөөдөр бид бүгдийн мэдэж байгаа “Троллын тухай хууль буюу Олон нийтийн сүлжээнд хүний эрхийг хамгаалах тухай” хууль. Харин бодит амьдрал дээр “Олон нийтийн сүлжээнд дарга нарын эрхийг хамгаалах тухай” хуулийн талаар бид мэдээлэл хийж байна. 
Энэ хууль батлагдахад  хоёр гол шалтгаан байна. 

НЭГДҮГЭЭРТ, Цахим Хөгжлийн Яамны Сайд Н.Учрал өөрийн улс төрийн аав У.Хүрэлсүхэд барьж буй бэлэг. 

ХОЁРДУГААРТ, Монгол улсын Ерөнхий Сайд Л.Оюун-Эрдэнэ, Засгийн Газрын Хэрэг Эрхлэх Газрын дарга Д.Амарбаясгалан нар “Монгол орны хөгжлийн хөтөлбөр” гэдэг гол тэргүүлэх чиглэлээ барьж аваагүй учраас салбарын сайд хүссэн үедээ өөрийн салбарын асуудлыг монголын хамгийн чухал асуудал гэж үзэж байна.

Иймд Ардчилсан намын зүгээс гурван гол алхам хийнэ. 
НЭГДҮГЭЭРТ, Монгол Улсын Ерөнхийлөгчид хориг тавь гэх албан бичгийг хүргүүлнэ. Гэвч үүнд итгэхгүй байна.

ХОЁРДУГААРТ, Үндсэн Хуулийн Цэцэд бичиг өгнө. Гэвч Үндсэн Хуулийн Цэц ерөөсөө шийдвэр гаргахгүй гэдэгт итгэлтэй байна.

ГУРАВДУГААРТ, Энэ хууль батлагдвал өөрийн үг, үзэл бодлыг талбай дээр гарч илэрхийлнэ. Цахим Хөгжлийн Яамыг огцрохыг шаардана. Дагаад Монгол Улсын Ерөнхий Сайд Л.Оюун-Эрдэнэ,  Засгийн Газрын ХЭГ-ын дарга Д.Амарбаясгалан нарыг огцрохыг шаардана. 

Монгол Улсын Засгийн Газар иргэдийнхээ мөнгийг нь булаалаа, ажлын байрыг нь булаалаа, хоолыг нь булаалаа, бензинийг нь булаалаа, гадаадад гарах визүүдийг нь булаалаа, одоо сүүлдээ үгийг нь булааж байна. Үүний дараа монголчуудад юу үлдэх вэ? Эхэнд нь мөнгө байсан.

Эцэст нь бидэнд ганцхан үг л байна. Бусад бүх зүйлээ булаалгалаа. Амьдрах орчноо булаалгалаа. Улсын төсвөө булаалгалаа. Байгалийн баялгаа булаалгалаа. Шударга хуваарилалтаа булаалгалаа. 

Одоо гадагшаа явах мөрөөдөлтэй ч виз нь гардаггүй залуучууд, цалингаа аваад яг маргааш нь зээл нь дуусдаг хүмүүс, цалин нь цагтаа буухгүй бол чанаргүй зээлдэгч болдог ийм хүмүүс болж хувирлаа. Үг хэлэх, үзэл бодлоо илэрхийлэх гэдэг нь Ардчилсан намын 32 жилийн өмнө тунхаглаж гарч ирсэн хамгийн гол зүйл юм.

Үүнийг хэзээ ч эрх баригчдад булаалгахгүй. Цаашид бид 21 аймаг 9 дүүргийн салбар нэгжүүддээ хэлэлцүүлэг явуулна. Ерөнхийлөгчид найдах хэрэггүй, ҮХЦ-д найдах хэрэггүй. Одоо иргэд өөрсдийнхөө үг хэлэх эрхэд найдахаас өөр сонголтгүй болсон” гэлээ.

УИХ-ын Аюулгүй байдал, гадаад бодлогын байнгын хорооны өнөөдрийн (2023.01.20) хуралдаан 09 цаг 41 минутад 52.6 хувийн ирцтэй эхэлж, Олон нийтийн сүлжээнд хүний эрхийг хамгаалах тухай хуулийн төсөл болон хамт өргөн мэдүүлсэн бусад хуулийн төслүүдийг эцсийн хэлэлцүүлгийг хийлээ. Ажлын хэсгийн танилцуулгыг УИХ-ын гишүүн Б.Баттөмөр танилцуулав.

Засгийн газраас 2023 оны нэгдүгээр сарын 18-ны өдөр өргөн мэдүүлсэн Олон нийтийн сүлжээнд хүний эрхийг хамгаалах тухай хуулийн төсөл болон хамт өргөн мэдүүлсэн бусад хуулийн төслүүдийн анхны хэлэлцүүлгийг 2023 оны нэгдүгээр сарын 19-ний өдрийн УИХ-ын чуулганы нэгдсэн хуралдаанаар хэлэлцэж, эцсийн хэлэлцүүлэгт бэлтгүүлэхээр Аюулгүй байдал, гадаад бодлогын байнгын хороонд шилжүүлсэн юм.

Тус Байнгын хороо дээрх хуулийн төслүүдийг Монгол УИХ-ын чуулганы хуралдааны дэгийн тухай хуулийн 42 дугаар зүйлийг баримтлан эцсийн хэлэлцүүлэгт бэлтгэжээ.

Байнгын хорооны хуралдаанаар хуулийн төслүүдийн анхны хэлэлцүүлгийг нэгдсэн хуралдаанаар явуулах үед төслийн зарим зүйл, заалтыг гүйцээн боловсруулж, хуулийн холбогдох зүйл, хэсэг, заалттай уялдуулахаар санал хураалт явуулахгүй, нээлттэй үлдээж,

Байнгын хороонд шилжүүлсний дагуу бэлтгэсэн саналын томьёоллууд болон санал хурааж дэмжигдсэн боловч Байнгын хорооны хуралдаанаар дахин санал хураалгах шаардлагатай гэж үзсэн саналыг мөн бэлтгэсэн болохыг Б.Баттөмөр гишүүн танилцуулав.

Байнгын хороо нэгдсэн хуралдааны анхны хэлэлцүүлгээр олонхын дэмжлэг авсан саналуудыг хуулийн төслийн холбогдох зүйл, хэсэг, заалтад нэмж тусган, төслийн агуулга, бодлого, зарчмыг алдагдуулахгүйгээр үг хэллэг, дэс дарааллын шинжтэй засварыг хийж, эцсийн хэлэлцүүлэгт бэлтгэсэн төсөл, Байнгын хорооноос бэлтгэсэн зарчмын зөрүүтэй саналын томьёоллууд болон хуулийн төслийг эцсийн хэлэлцүүлэгт бэлтгэсэн байна.

Монгол УИХ-ын чуулганы хуралдааны дэгийн тухай хуулийн 42 дугаар зүйлийн 42.1.3-ын дагуу дээрх танилцуулгатай холбогдуулан гишүүд асуулт асуух дэгтэй. Харин өнөөдрийн хуралдаанд оролцсон УИХ-ын гишүүд асуулт асуух шаардлагагүй хэмээн үзсэн тул зарчмын зөрүүтэй саналын томьёоллуудаар тус бүрд нь санал хураалт явуулан шийдвэрлэсэн юм.

Ийнхүү Олон нийтийн сүлжээнд хүний эрхийг хамгаалах тухай хуулийн төсөл болон хамт өргөн мэдүүлсэн бусад хуулийн төслүүдийг эцсийн хэлэлцүүлгийг хийж, энэ талаарх санал, дүгнэлтээ чуулганы нэгдсэн хуралдаанд танилцуулахаар боллоо гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.  

Continue Reading

Дотоод

Иргэдээс 60-20,000 доллар залилсан байж болзошгүй үйлдлийг шалгаж байна

Published

on

By

Цахим орчинд “FT group”, “Familymart”, “Wayfair” гэх нэршилтэй хэрэглээний программ гар утсандаа татан ашиглаж, олон улсын арилжааны биржээр дамжуулан цахим хэтэвч нээж, иргэдээс 60-20,000 ам.долларын барьцаа байршуулж дээрх аппликейшнийг 1 жилийн хугацаанд нээлттэйгээр ашиглаж сурталчилгаа түгээж,

элссэн үнийн дүнгээс хамаарч өдөр бүр 2-50 ам.долларын урамшууллыг олгоно гэх үйл ажиллагаагаар иргэдэд их хэмжээний хохирол учруулж залилсан байж болзошгүй үйлдэлд Цагдаагийн байгууллагаас мөрдөн шалгах ажиллагаа явуулж байна.

Бусдад залилуулсан байж болзошгүй иргэд нь өөрсдийн болон бусдын орон сууц, тээврийн хэрэгслийг зарах, барьцаалах, өөрсдийн болон хүүхдийнхээ хадгаламжийг барьцаалж зээл авах, хамаарал бүхий хүмүүсээ элсүүлэх, эмчилгээнд хадгалсан мөнгө зэргээ оруулж, залилуулсан байна. “FT group” аппликейшн нь манай улсын иргэдэд зориулан Монгол хэлний тайлбартайгаар цэс нээж, онлайн худалдааны сайт руу хандан даалгавар биелүүлж, урамшуулал авах байдлаар үйл ажиллагаа явуулсан.

Дээрх залилах хэрэг нь 2022 оны 11 дүгээр сард Монгол улсад үйл ажиллагаагаа эхлүүлэн 2023 оны 01 дүгээр сарын 24-ний өдөр үйл ажиллагаа явуулахаа больж, хаагдсан байна. 

Иймд иргэд та бүхэн дээрх залилах үйл ажиллагаатай холбоотойгоор таны хохирлыг төлж барагдуулна, хохиролгүй болгож өгнө гэх мэтчилэн хэн нэгний худал үгэнд итгэж, мөнгө шилжүүлэхгүй байж, хохирсон иргэд цагдаагийн байгууллагад хандахыг зөвлөж байна.

Цагдаагийн Ерөнхий Газрын Хэвлэл мэдээллийн төв

Continue Reading

Онцлох мэдээ

DMCA.com Protection Status