Connect with us

Дэлхий

Тоглолт дуусч хүмүүсийг гарахыг хүлээж байгаад Япончуудын хийсэн үйлдэл гайхалтай

Published

on

Та бүхэнд хүн итгэхэд бэрх ч гэмээр гэхдээ мэддэг болчихсон зүйлийг хүргэж байна.

Дэлхийн хүн ардын уламжлалт спортын хамгийн том баяр цэнгээний нэг, хөлбөмбөгийн аварга шалгаруулах тэмцээн 3-хан сая хүн амтай ч дэлхийн хамгийн баян чинээлэг орон, Ази тивийн Катар улсад эхэлсэн билээ…

Анхны тоглолт болох эзэн орон Катар-Эквадорын шигшээ багийн тоглолт дууссаны дараа Японы хөгжөөн дэмжигч үзэгчид бүх хүмүүс гарахыг хүлээж үлдээд цэнгэлдэхийн хогыг өөрсдөө бэлдэж ирсэн уутандаа хийж цэвэрлэжээ…

Япон улс 127 сая хүн амтай ч, тэнд очсон цөөхөн хэд нь ганц хоёрхон цагийн дотор маш энгийнээр дэлхий даяар улс орноо ингэж л сурталчилж чадаж байна…Гэтэл бид…

Япон лугаа хөгжил мөрөөддөг бид өөрсдөө л өөрчлөгдөж ийм л болох хэрэгтэй, тэр цагт л хүссэн, хүсээгүй хөгжил ч ирнэ…Энэ бол хар багаас нь сургадаг, цэвэр гэрийн суурь хүмүүжил юм шүү…

Урд нийгэмд, бидний багад байсан, ярьж сурталчилдаг байсан л зүйл, харин бид одоо айлаас эрэлгүй авдараа л ухах хэрэгтэй…Цэнгэлдэх бүү хэл, гэрээ ч цэвэрлэх сэтгэлтэн ховор болж… Цэвэрхэн газар л эерэг энерги хурдаг гэдэг…

Эрхийг сурахаар
Бэрхийг сур.
Эзэн хичээвэл
Заяа хичээнэ

Хүн болох багаасаа
Хүлэг болох унаганаасаа..

Click to comment

Leave a Reply

Your email address will not be published. Required fields are marked *

Дэлхий

Таван орос эмэгтэй тутмын нэг нь В.Путинтай гэрлэхийг хүсдэг

Published

on

By

Оросын “Левада” судалгааны төвийн дүнгээр, тус улсын таван эмэгтэй тутмын нэг нь Ерөнхийлөгч Владимир Путинтай гэрлэхийг хүсдэг байна. Орос эмэгтэйчүүдийн 20 хувь нь Кремлийн тэргүүнтэй гэрлэхийг хүсдэг бол 66 хувь нь түүнээс татгалзжээ.

Харин нас болон боловсролоор нь авч үзвэл, 25-39 насны эмэгтэйчүүд болон бүрэн дунд боловсролтой эмэгтэйчүүдийн тус бүр 25 хувь нь түүнтэй гэрлэхийг хүсдэг гэдгээ хэлжээ. Түүнчлэн бүрэн дундаас доош боловсролтой, амьдралын боломж тааруу, тосгоны оршин суугч эмэгтэйчүүдийн тус бүр 20 гаруй хувь нь “тийм” гэсэн хариултыг сонгож,

В.Путинтай гэрлэхийг хүсчээ. Өнгөрөгч гуравдугаар сарын Ерөнхийлегчийн сонгуульд В.Путин ялалт байгуулсны дараа орос эмэгтэйчүүдийн 23 хувь нь түүнтэй гэрлэхийг хүсч байжээ. Дашрамд дурдахад, дэлхийн хамгийн нөлөөтэй хүнээр тодорсон В.Путин өнгөрөгч 7-ны өдөр 60 нас хүрсэн юм.

Эх сурвалж: “Монголын Үнэн”

Continue Reading

Дэлхий

“Фронт” Цэгмидэд ОХУ-ын төрийн дээд шагнал гардуулжээ

Published

on

By

ОХУ-аас Монгол Улсад суугаа Онц бөгөөд Бүрэн эрхт Элчин сайд И.К.Азизов Монгол Улсын Гавьяат малчин, Цэргийн гавьяаны одонт, ахмад дайчин Дундговь аймгийн Сайхан-Овоо сумын иргэн “Фронт” С.Цэгмидэд ОХУ-ын Төрийн дээд шагнал “Бүх ард түмнүүдийн найрамдлын одон” гардуулжээ.

ОХУ-ын Ерөнхийлөгч Владимир Путин Аугаа их эх орны дайны ялалтын 75 жилийн түүхэн ойн өдөр Монгол Улсын иргэн өдгөө 98 настай, Сүрэнхорлоогийн Цэгмидийг Ард түмнүүдийн хоорондын найрамдал, хамтын ажиллагаа, харилцан ойлголцлыг бэхжүүлэхэд онцгой үүрэг гүйцэтгэснийг үнэлж,

тус улсын Төрийн дээд шагнал “Бүх ард түмнүүдийн найрамдлын одон”-гоор шагнах зарлиг гаргасан. ОХУын Төрийн дээд шагнал “Бүх ард түмнүүдийн найрамдлын одон”-г нийт 1212 хүнд гардуулсан бөгөөд үүнээс (ТУХН-ийг эс тооцвол) гадаадын 13 орны 40 иргэн дээрх одонгоор шагнагджээ.

“Фронт” хэмээн алдаршсан Сүрэнхорын Цэгмид гуай 1942 оны 12 дугаар сард 19-хөн настайдаа Зөвлөлтийн улаан армид бэлэг хүргэх төлөөлөгчдийн бүрэлдэхүүнд орж, Свердловск орчмын фронтын тэргүүн шугам дээр  очиж байсан юм.

Монгол Улсаас илгээсэн бэлгийн гурав дахь цуваагаар 217 вагон бүхий дээл хувцас, арьс нэхий, мах, хүнсний зүйлс хүргэж, мөн ард түмний хөрөнгөөр боссон 40 танкийг чин сэтгэлийн дэмжлэг болгон хүлээлгэн өгч байжээ. С.Цэгмид гуайг хэдхэн сарын өмнө Оросын Холбооны Улсын Ерөнхийлөгчийн зарлигаар Аугаа Эх орны дайны ялалтын 75 жилийн ойн медалиар шагнасан юм.

Continue Reading

Дэлхий

Монголын тамирчинд солонгосын цагдаа туслажээ

Published

on

By

БНСУ-ын Чанвон хотноо буудлаrын спортын ДАШТ зохион байгуулагдаж буй билээ. Энэхүү тэмцээнд дэлхийн 91 орны 4.255 баг тамирчин оролцож буй юм. ДАШТ-д Монгол Улсаа төлөөлөн оролцож буй тамирчин “А” цагдаагийн ажилтанд талархан, Чингис хааны зурагтай хоёр ширхэг түлхүүрийн оосор бэлэглэсэн талаар “Yonhap” агентлаг мэдээлжээ.

Чанвон дахь цагдаагийн хэлтсээс мэдээлснээр, Монгол Улсын тамирчин, 36 настай А нь есдүгээр сарын 4-ний өдрийн 19:40 цагийн орчим Чанвон хотын Сеонсаны их дэлгүүрийн өмнөөс таксинд суугаад, гар утсаа мартаад буужээ. Утсанд нь тоглолтын график зэрэг маш чухал мэдээллүүд байсан тул тэрбээр яаралтай ойролцоох цагдаагийн хэлтэст хандсан байна.

Тухайн үед цагдаагийн хэлтэс дээр монгол хэл мэддэг нэг ч хүн байгаагүй тул цагдаа нар орчуулгын аппликэйшн ашиглан хэл нэвтрэлцэхийг оролдсон нь амжилттай болж, А-гийн таксинд суусан зогсоолыг олж тогтоожээ. Таксины жолооч нь зорчигч А-гийн гар утсыг олсон даруйдаа их дэлгүүрт үлдээгээд явсан байсан аж. This article is work of website Asuult.xyz and you are not authorized to redistribute it.

Гар утсаа эргүүлэн авсан А цагдаа нарт талархаж буйгаа ил захидал дээр бичиж илэрхийлээд, нүүрэн талдаа Чингис хааны зурагтай түлхүүрийн оосор бэлэглэсэн байна. Тус гар утсанд А-гийн тоглолтын сүүлийн хэсгийн хуваарь байжээ.

Цагдаагийн ажилтан “Монголын тоглогчийн гар утсаа үлдээсэн таксиг олоход амаргүй байсан. Азаар орчуулагч апп утсандаа татаж, гадаад тоглогчийн утсыг олж өгсөндөө баяртай байна” хэмээн хэлсэн байна.

Continue Reading

Онцлох мэдээ

DMCA.com Protection Status