Connect with us

Дотоод

Уучихсан үедээ мал хураахаар явсан иргэнийг олжээ

Published

on

Дундговь аймгийн Сайнцагаан сумын Далай багийн “Хөх-Овооны бууц” гэдэг газар тус сумын харьяат малчин Б нь 12.04-ний өдрийн 18:00 цагийн орчим алкохо төрлийн ундааны зүйл хэрэглэсэн үедээ малаа хураана гэж мотоциклтой яваад сураггүй болсон бөгөөд мөн өдрийн 23:30 цагт гэрээс нь урд зүгт 1 км орчмоос мотоцикл болон эд зүйлсийг нь олсон тухай дуудлагыг 12.05-ны өдрийн 00:48 цагт хүлээн авчээ.

Тус аймгийн Онцгой байдлын газрын Эрэн хайх, аврах салбарын алба хаагчид, ар гэрийнхэн малчин Б /61 настай,  эрэгтэй/-г эрэн хайх ажиллагааг 12.05-ны өдрийн 01:20 цагаас эхлэн зохион байгуулж мөн өдрийн 09:17 цагт гэрээс нь баруун урд зүгт 3 км-т “Арвижихын гол” гэдэг газар иргэн О-нд очсон мэдээллийн дагуу очиж шалган тухайн иргэнийг ар гэрийнхэнд нь хүлээлгэн өгчээ.

Эх сурвалж: ОБЕГ

Click to comment

Leave a Reply

Your email address will not be published. Required fields are marked *

Дотоод

Иргэдээс 60-20,000 доллар залилсан байж болзошгүй үйлдлийг шалгаж байна

Published

on

By

Цахим орчинд “FT group”, “Familymart”, “Wayfair” гэх нэршилтэй хэрэглээний программ гар утсандаа татан ашиглаж, олон улсын арилжааны биржээр дамжуулан цахим хэтэвч нээж, иргэдээс 60-20,000 ам.долларын барьцаа байршуулж дээрх аппликейшнийг 1 жилийн хугацаанд нээлттэйгээр ашиглаж сурталчилгаа түгээж,

элссэн үнийн дүнгээс хамаарч өдөр бүр 2-50 ам.долларын урамшууллыг олгоно гэх үйл ажиллагаагаар иргэдэд их хэмжээний хохирол учруулж залилсан байж болзошгүй үйлдэлд Цагдаагийн байгууллагаас мөрдөн шалгах ажиллагаа явуулж байна.

Бусдад залилуулсан байж болзошгүй иргэд нь өөрсдийн болон бусдын орон сууц, тээврийн хэрэгслийг зарах, барьцаалах, өөрсдийн болон хүүхдийнхээ хадгаламжийг барьцаалж зээл авах, хамаарал бүхий хүмүүсээ элсүүлэх, эмчилгээнд хадгалсан мөнгө зэргээ оруулж, залилуулсан байна. “FT group” аппликейшн нь манай улсын иргэдэд зориулан Монгол хэлний тайлбартайгаар цэс нээж, онлайн худалдааны сайт руу хандан даалгавар биелүүлж, урамшуулал авах байдлаар үйл ажиллагаа явуулсан.

Дээрх залилах хэрэг нь 2022 оны 11 дүгээр сард Монгол улсад үйл ажиллагаагаа эхлүүлэн 2023 оны 01 дүгээр сарын 24-ний өдөр үйл ажиллагаа явуулахаа больж, хаагдсан байна. 

Иймд иргэд та бүхэн дээрх залилах үйл ажиллагаатай холбоотойгоор таны хохирлыг төлж барагдуулна, хохиролгүй болгож өгнө гэх мэтчилэн хэн нэгний худал үгэнд итгэж, мөнгө шилжүүлэхгүй байж, хохирсон иргэд цагдаагийн байгууллагад хандахыг зөвлөж байна.

Цагдаагийн Ерөнхий Газрын Хэвлэл мэдээллийн төв

Continue Reading

Дотоод

Хөтлөгч Билгээ бидэнд сайхан мэдээ дуулгав

Published

on

By

Нэвтрүүлэгч сэтгүүлч М.Батбилэг “Монгол Коммент” нэвтрүүлэгтээ буцан ирлээ. Энэ талаараа тэр дараах байр суурийг илэрхийлсэн юм.

“Ажилдаа орлоо. Миний ажилласаг найз захиануудаа янзлаад байж байна. Найз нь хүрээд ирлээ баярлаж байна уу баярлахгүй байна уу? Явлаа шүү. Найз нь явчих уу? Ядрав уу? Хөөрхий муу тайзан дээр ирсэн чинь сайхан байх чинь вэ? Бид хоёрын ажлын талбар чинь энэ шүү дээ” хэмээн ажилдаа эргэн орсоноо зарлажээ.

“Монгол коммент” нэвтрүүлгийн хөтлөгч, сэтгүүлч Батбилэгийн видео бичлэг хэдэн жилин өмнө өдөр хоног дарааллан фэйсбүүк, твиттерийн гол ярианы сэдэв болов. Ажиглаад байхад хүний мууд дуртай улсууд энд ч нэг очиж коммент бичээд тэнд ч нэг очиж коммент бичээд чухам нэг бах тав нь ханаж байх шиг байна.  

Хэдхэн жилийн өмнө Батбилэг маань МУИС-ийн сэтгүүл зүйн ангийг төгссөн шинэхэн сэтгүүлч, ромбоо гялалзуулаад мэдээнд гүйдэг хүүхэд байлаа. Хүүхэд зангаа тавиагүй, аливаад амархан гомдож, амархан баярладаг сэтгэлийн хөдөлгөөнтэй хүүхэд байсан юм.

Тухайн үед ТВ-8-ийн эфирийн найруулагч, эвлүүлэгч, сэтгүүлчид бүгд л дөнгөж сургууль төгсөж ирсэн хүүхдүүд байсан даа. Үе тэнгийн залуучууд олонтой газар аль дүрсгүйтэхийг тэр билээ.

Тэгэж дүрсгүйтэж байсных нь нэгэн баримт өнөөдөр нэтээр нэг тарчихаад л явж байна. Энэ бичлэг таван жилийн өмнөх бичлэг бөгөөд түүнээс хойш Батбилэг маань томоожиж, хэрсүүжиж өөр хүн болсон гэдгийг би баттай хэлж чадна. Миний бичсэн цоохор мэдээг ихэвчлэн Батбилэг уншдаг байлаа.

Би түүгээр ч уншуулах дуртай байв. Учир нь Батбилэг том жижиг ямар ч мэдээ уншихдаа хүнд хүргэх гэж уншдаг байсан юм. Өдөр тутам мэдээгээ бэлдэхдээ өөрөө өөртөө эрэл хайгуул хийж янз бүрээр уншдаг байсан бөгөөд мэдээгээ дараа нь ямар болж вэ гэдгийг анхааралтай сонсоно.

Түүний энэ эрэл хайгуулч бүтээлч зан чанар надад таалагдсан учраас бид хамтдаа Дуулианы эргэн тойронд гэдэг нэвтрүүлгийг хэдэн дугаар бэлдэж билээ. Тан-Луу-ийн хэргээс эхлээд ИНЕГ-ын удирдлагууд хэрхэн хөрөнгө мөнгө завшсан гээд тухайн үед сенсаац дэгдээсэн нэвтрүүлэг хийж л байлаа.

Нэг их удалгүй миний бие өөр тийшээ шилжих болоход Та явчих юм бол би яахын гээд нүдэндээ нулимас мэлтэгнүүлээд зогсож байсан нь одоо ч санагдаж байна. Цоохор мэдээ бичих ажлаа би Батбилэгт хүлээлгэж өгөөд явсан билээ. Дараа нь ТВ-9 телевизийнхэн Батбилэгийг авахдаа цоохор мэдээ бичих чадварыг нь үнэлсэн гэж боддог. Сэтгэлээрээ бичсэн мэдээ хүнд хүрдгийг ойлгочихсон л залуу.

“Монгол коммент” бол ард түмний үг хэлэх индэр гэж хэлж болохоор тун дажгүй нэвтрүүлэг. Сүүлийн үед энэ Батбилэгийн хөтөлдөг энэ нэвтрүүлгийг үзэх үзэгчидийн тоо ч нэмэгдсээр байгаа билээ. Энэ хэрээр түүнд атаархагчдын тоо ч өсөх нь дамжиггүй.

Энэ нэвтрүүлгээрээ Батбилэг минь маш олон сэдэвийг хамруулан үзэгчдийн, комментчдийн байр суурийг өөрийнхтэйгөө цуг илэрхийлж байгаа харагддаг. Хэрвээ та сэтгүүлч Батбилэгийг ямар хүн бэ гэдгийг дүгнэмээр байгаа бол 4-5 жилийн өмнөх дүрсгүй хүүхдүүдийн бичлэгийг биш “Монгол коммент” нэвтрүүлгийг үзчихээд дүгнэлтээ хийгээрээ гэж зөвлөх байна.

Сэтгүүлч П. Шинэбаатар

Continue Reading

Дотоод

Захирлын жолооч авна гэхээр нь залгаад асуутал цалинг нь сонсоод цочлоо

Published

on

By

Нэг ажлын зар харж суусан чинь захиралын жолооч авна,цалин 800к-1сая гэсэн зар битүү.Бооoлын хөдөлмөр эрхлүүлдэг наасс. Цалингаа 800к, захиралын жолооч авна гэж зар тавиулсан захиралууд өөрийнхөө болон гэр бүлийнхэнийхээ амь насыг ямар хямдхан үнэлнэ вэ. 800-с НДшимтгэлд 100к суутгана.

Үлдсэн 700к-с ХОАТ-т 70к. Ингээд 630 к-тай үлдсэн жолооч чинь зөвхөн ажлын 22 хоногт автобусаар дамждаг байхад л ирж очихдоо 44к-гаа өгчихнө. Хувийн машинаараа ажилдаа ирж очдог бол энэ дүн огцом өснө. Дээрээс нь захиралын гэр бүлийн хэн нэг нь оройтсон тохиолдолд жолооч чинь гэртээ харих гэж таксидна..Сард хэн,хэдэн удаа оройтохыг хэн ч таашгүй. 586 к-тай үлдсэн жолооч чинь бүтэн 30 хоног ар гэр,амьдралаа яаж авч явах вэ. Хүн л юм чинь ус ундаа,хоол авч л таарна.

Яг үнэндээ энэ мөнгө Захирал таны гэр бүлээрээ ганц удаа аятайхан хоолонд орход ч хүрэлцэхгүй мөнгө шүү дээ. Амь насаа ямар хямдхан үнэлнэ вэ. Аюулгүй байдлыг чинь амиараа,амьдралаараа даагаад явж байгаа жолоочдоо ямар хүн чанаргүй хандана вэ?.Ийм цалингаар битгий ажиллаарай залуусаа,Үнэлэмжээ,хөдөлмөрөө битгий дорд үзүүлээрэй,битгий хөлс хүч,залуу нас,алдах цаг хугацаагаа хямд үнэлээрэй.

Мөнгөндөө горойгоод хямдхан зарцтай болно гэсэн бодолтой захиралууд өөрсдөө машинаа бариад яваг Шал дургүй хүрдэг байнашд.

Continue Reading

Онцлох мэдээ

DMCA.com Protection Status