Connect with us

Дотоод

Б.Болор-Эрдэнэ: Эртээд 1 намын гишүүн, чи манай намын уух соёлыг дийлэхгүй ээ гэж бсан…

Published

on

Комедиан жаалд үүрнээсээ гардаггүй ялзарсан сэхээтэн гэж шүүмжлүүллээ хаха. Бодвол жагсаалыг гарч ирж дэмжсэнгүй гэж байгаа нь тэр байх, бас хөөрхөөн. Энэ далимд жагсаалд төдийлөн ач холбогдол өгөхгүй, нейтраль суугаад байгаа шалтгаанаа бичье.

1. Залхуураад жагсахгүй байгаа юм биш. Эсрэгээрээ би жагсаалыг тэмцлийн залхуу хэлбэр гэж үздэг. Монголчууд юунд залхуурдгийг сайн мэднэ. Бодохоос залхуурдаг. Хулгайг эсэргүүцээд байгаа юм шиг хэрнээ хулгайг нөхцөлдүүлж буй тогтолцооны асуудал, шүүх, Цэц, Үндсэн хуулийн талаар бичихээр риакцлах хүнгүй болчдог. Оюун санаа тийм залхуу байхад махан биеэрээ нэг өдөр талбай дээр үсэрч гарч шалдлаад юу ч өөрчлөгдөхгүй. Үндсэн хуулиа дээрэмдүүллээ гэж талбай дээр жагсаагүй ард түмэн асар их мөнгөн дүн сонсоод жагслаа. Их мөнгөнд риакцлах тэгээд үнэт зүйлийн тэмцэл мөн үү?

2. Дэлхий. Дэлхий жагсаалаар хөгжөөгүй, жагсаад хөгждөггүй. Жагсаал жагсаалын ноён оргил алдарт Францын хувьсгал хүртэл цаазалсан хаанаасаа илүүтэйгээр Франц орныг сүйрүүлэн алдсан байдаг. Хүний дэлхий уйгагүй бичиж туурвиж, уншиж судалж, оюун ухаан, ёс зүйгээ шинжлэн хөгжүүлж, хөдөлмөрлөж бүтээх замаар хөгжиж явдаг. Энийг алгасаад нүүрс зэсээ ухаж зарж идээд хөгжинө гэж байхгүй.

3. Тэр дундаа Монголын бүх асуудлын цаад шалтгаан, оюун санааны уналтын ёроол дэндүү гүнзгий. “Аливаа асуудал тухайн асуудлыг бүтээсэн оюун санааны түвшинд шийдэгдэх боломжгүй” гэсэн Эйнштейний үг яг нийцнэ. Гудамжинд зогсож байгаа цагаа унших судлахад зарцуулж оюун санаандаа дэвшил гаргавал маргааш өөрчлөгдөх найдвар байж мэдэх юм.

4. Геополитик. Аюулгүй байдал бол эмч, жолооч шиг мэргэжил. Миний мэргэжил учраас ялангуяа 20, 21-р зуунд жижиг орнуудын элдэв жагсаал, үймээнд заавал том гүрнүүдийн бодлого хутгалдаж, завшиж ирснийг мэдэж байна. 7 сарын 1 ч гэсэн гаднын оролцоотой бсан гэж бодож бн. Тиймд манайх шиг байгалийн баялагтай, нээлттэй улстөртэй, савладаг нийгэмд улстөрийн жагсаал тус болохоосоо ус болох эрсдэл бий.

5. Улстөрд. Саяхан нэг өдрийн дотор Үндсэн хуулиас хулгайлж өөрчилсөн. Дахиад өөрчлөх санаархал намын цагаан байшин болоод ордны архины ширээн дээр яригдаад байгааг мэдэж байна. Өмнөх өвлийн залуусын жагсаалыг Хүрэлсүх Ерөнхийлөгч болох улстөрдөө ашигласан шиг одоо УИХ-ыг тараах, МАН гишүүдийн тоог нэмж бүр олноороо парламентад суугаад дахиад 2028 он хүртэл 5 жил засаглалаа сунгах санаархал бгаг бас мэдэж байна. Тиймд МАН-ыг эсэргүүцэж жагсаад харин ч тоглолтонд нь орж 5 жилээр сунгаж өгөх эрсдэлтэй.

Дээрх болон бусад шалтгаанаар үүрэндээ сууж байна. Гэхдээ би МАН дотор үүр засаад амаа хамхисан манай “сэхээтнүүд” шиг амиа бол бодсон зүйлгүй байнга ажиллаж, уншиж судалж, бичиж байна. Жагсаалыг идэвхийлэн дэмжихгүй ч, идэвхийлэн эсэргүүцээгүй. Тодорхой хэмжээнд ардчиллаа эдлээд, хэлмээр илэрхийлмээр байгаа зүйлсээ хэлээд тарахад хангалттай. Давтан хэлэхэд Монголын асуудлууд жагсаалаар шийдэгдэхгүй, оюун ухаан сэтгэлгээний өөрчлөлтөөс өөр гарцгүй.

Гишүүдийг хэн ч хүчилж гишүүн болгоогүй шт. Эд нарыг ер нь гишүүн биш төлөөлөгчид гэж нэрлэх нь зүйтэй. Би та нарыг төлөөлөөд өгье гэж өөрсдөө дур, мөнгө гаргаж санал цуглуулаад парламентад суудаг. Бид нарыг төлөөлнө гэдэг нь юуг төлөөлж байгаа билээ? Тодорхой хэмжээнд ёс зүй, сайн сайхныг төлөөлөх үүрэг хүлээнэ биз дээ. Нээх худлаа эр эмийн асуудал яана аа ийнээ. Ард түмний төлөөлөгчид хувь хүний төлөвшил, ёс суртахууны хувьд жир иргэнээс дээрдэхгүй юм гэхэд ядаж дунджийг төлөөлөх чадваргүй бол мэдээж шүүмжлүүлнэ.

Ундрамын нөхрийн бичсэн зүйлсээс ялангуяа бид нарт хамаатай нь улстөрчдийн уулт. 7 хоногт 2-3 өдөрууцан ирдэг гэж бичсэн байна. 2 өдөр балгацан, 2 өдөр шартаад тэгээд ганц өдөр хууль баталсан болох уу? Энэ ганц Ундрамын асуудал мэдээж биш. Эртээд нэг МАН-ын гишүүн аминдаа сайн санаагаар -Чи манай намын уух соёлыг дийлэхгүй ээ гэж бсан. Юугаараа ч гайхуулаад бган арай тэнэг мунаг уу lol. Хууль бичнэ гэдэг төвлөрөл, цаг хугацаа, эрүүл ухаан, хөдөлмөр.

Гостуу, шартсан хүмүүс хууль батлаад байхаар нийгэм тэр аяараа доройтож, хуулийн засаглал лөөлөө болно ойлгомжтой. Одоо яая гэхэв хамаг юмыг оюун ухаант хүний ухамсраар биш хяналт шийтгэлээр шийдэж явдаг нийгэм тэр аргаараа гишүүдийг чуулганд суухад өглөө болгон үлээлгэвэл таарна. Өглөө үлээчээд гарч яваад уучиж мэднэ, өдөрт гурав үлээлгэ.

2014 онд Мизес институцээс “From Aristocracy to Monarchy to Democracy” гэж ном гарсан. Ардчилал язгууртны болон хаант засаглалаас юугаараа сул талтай болох тухай шинжилсэн агуулгатай. Аристокраси руу буцдаггүй юм гэхэд ардчиллын сул талуудыг оношилж засаж залруулахад туслах сонирхолтой материал байгаа юм.

Жишээлбэл аристокраси, эсвэл хаант засаглалд элитүүд “Юу сайн бэ” гэдгийг төлөөлж чадах удирдагч гэдгээ баталж байж ард түмнээс дэмжлэг авч үлддэг. Эр зоригтой, шударга гэх мэт ард түмний үнэт зүйлсийн илрэл гэдгээ батлах хүсэлтэй байдаг. Ардчилалд харин асар олон оролцогч, асар олон ашиг сонирхол үүсэж, моралийн хувьд “Юу сайн бэ” гэсэн асуултад хариулах тодорхой эзэн биегүй болдог гэжээ. Манай Монгол ардчилсан улс боловч соёл, сэтгэлгээний хувьд уламжлалт шинжээ хадгалсаар байна. Тэр нь юу гэсэн үг вэ гэхээр төрд болон улстөрчдөд манай түүхэнд Чингис хаан тэргүүтэй хаад язгууртнуудын төлөөлдөг байсан “Юу шударга сайн” болохыг илэрхийлэх, төлөөлөх шаардлага тавьдаг.

Төрийн ордны өмнө хогоор сүлд мод засахад дургүйцэж байгаа нь үүнтэй холбоотой. Төв талбай дээр хог засах, төрийн ордонд маажиг пүүз чирч орох, төрийн түшээд нь уух, завайрах зэрэгт эмзэглэх, дургүйцэх нь төрийг хайрлах гэхээсээ төрөөр дамжуулан илэрхийлж байсан үнэт зүйлсээ буюу өөрсдийгөө хамгаалах зөн гэж үзэж болно.

Уламжлалаас модерн руу шилжихийн хэрээр энэ бүхэн өөрчлөгдөөд явна. Гэхдээ оронд нь санал болгох орчин үеийн хэм хэмжээнүүд биежээгүй байхад бүх юмс шилжин өөрчлөгдөж байх шатанд энэ бүхнийг нь тасралтгүй, ичгүүр сонжуургүй, үл хүндэтгэлтэйгээр гутаан доромжлоод байх юм бол нийгмийн эв санааг уялдуулж байдаг итгэлцэл, хүндэтгэлийн нарийн уялдаа холбоосууд тасарч, улстөрийн болон нийгмийн элдэв хямрал дагалдаж “failed state” буюу ерөөсөө төр улсын хувьд фэилдсэн, задарсан, дотроо дайтсан олон улсын араас орох эрсдэлтэй. 20, 21-р зуунд ардчилалд шилжих, эсвэл ерөөсөө модернд шилжих шатанд олон орон энэ замаар орсон, Монгол араас нь орохгүй гэх баталгаа хаана ч байхгүй.

Нэн ялангуяа парламентад суугаа гишүүдийн элдэв асуудал ч энэ мэт төрийг үзэх үзэл, нэр хүнд, итгэлцэлтэй холбоотой бөгөөд айл гэрийн ор дэр, хана туургаар тогтох асуудал огт биш юм. Хувьдаа үнэт зүйлсээ, оршихуйгаа хамгаалах зөнгөөр бухимдаж, хилэгнэж байгаа монголчуудаа ойлгож дэмжиж байна. Ордны өмнө хог засаж, ордонд гутлаа чирч, ордноор ууж, заваарч байгаа хямдхан халтар н овшнууд ерөөсөө бүгдээрээ талбай хавиас зайлцгаавал Монголын оршин тогтнохуйд тустай.

Болушка

Click to comment

Leave a Reply

Your email address will not be published. Required fields are marked *

Дотоод

Миеэгомбо: Шүүгчийн туслах нь “Уучлаарай” гээд уурлаж байна!

Published

on

By

Продюсер Миеэгомбо:

“2022 оны 12 сарын 22-нд Шүүх хурлаар орж, шийдэгдсэн хэргийн шийдвэрээ шүүгч нь хуулийнхаа дагуу 14 хоногт буюу 2023 оны 01 сарын 05-нд бичиж, гаргах ёстой байтал өнөөдөр буюу хуулийн хугацаа дууссанаас хойш 21 хоногийн дараа буюу нийтдээ 35 хоног бичиж бичиж арай гэж нэг юм гаргаж байдаг шүү! Бас болоогүй ээ, “Хуулийн хугацаа чинь дуусчихлаа. Шийдвэрээ өгөөч ээ!” гэж сануулан барин байж шүү.

– Яагаад? гэж асуутал шүүгчийн туслах нь

– Ачаалал ихтэй байгаа болохоор…гэв.

Хэрвээ шүүгч анхан шатны шийдвэрээ хугацаандаа гаргаж өгсөн бол өдийд би хариуцагч талаар хохирлоо төлүүлчихээд сууж байх байв! Ийм аймаар хайнга.

Шүүгч нь өөрөө хуулиа тоодоггүй наасссс…Ингэвэл нээрээ хэн ч ш дээ!

Энийг нь хэлсэн чинь шүүгчийн туслах нь

– Харин тэгээд таниас уучлал гуйлаа ш дээ! гээд уурлаж байдаг шүү. Уг нь би зарчим яриад байгаа ухаантай.

– Та нар хугацаандаа шийдвэрээ гаргаад өгчихсөн бол би юу гэж ингэх вэ дээ. Одоо би энэ шийдвэр дээр чинь гарын үсэг зурчихаад та нарын хэлдэгээр дахиад хуулийн хугацаа гээд 14 хоног, цаашлаад 30 хоног хүлээж, асуудал сунжрах юм уу? гэж асуулаа.

– Уучлаарай гэсэн ш дээ, гялс гарын үсэгээ зурчих гэнэ ээ.

Медиагийн бид хүртэл захиалгын реклам, нэвтрүүлэг энэ тэр хийхдээ хугацаа хэтрүүлсэн бол хариуцлагаа хүлээдэг. Ямар нэг төлбөр төлдөг. Үгүйдээ л дахиад нэмэлт юм хийж өгч хохирлыг нь барагдуулдаг. Гэтэл Монголын шүүх үнэн ДААМ юм өө. “Ачаалал ихтэй байлаа. Уучлаарай” гээд л загнаад явчихдаг гэнэ ээ.

Монголын шүүх “Ачаалал ихтэй байгаа” нь Хүндэтгэх шалтгаан мөн үү, биш үү? Түүнээс болоод иргэд бид хохирох нь зөв үү, буруу юу? Хүний нөөцийн энэ асуудал уг нь шүүхийн өөрийнх нь дотоод асуудал байлтай!

Шүүхийн тухай, шүүгчдийн энэ мэт хариуцлагагүй үйлдлүүдийн талаар асуудал хөндсөн цуврал нэвтрүүлэг хиймээр санагдчихлаа, харин ч нэг. Ямар муухай бүдүүлэг, дээрэнгүй нөхдүүд вэ!”

5-6 нүүр шүүхийн шийдвэр бичих гэж 35 хонож байгаа, хуулинд заасан 14 хоног нь дуусаад бүр 21 хоносны дараа анхан шатны шүүхийн шийдвэрээ “арай ядан” бичиж өгч байгаа шүүгчийг өмөөрөөд над руу баахан хуульч нэртэй охид элдэв бусаар л бичицгээлээ. Би та нартай шүүгчийн сайн, мууг ярьсангүй. Хуульчид өөрсдөө хуулиа биелүүлээч ээ гэж зарчим л шаардсан. Тэгсэн өөдөөс “Ажлын ачаалал их байгаа” гэнэ ээ. Тэрийг чинь тэгээд хэн тэнцүүлэх юм? Удирдлагадаа л хэл л дээ, шаард л даа.

Уучлаарай, би шүүгч мэргэжилтэй байгаад, хууль номоо сайн мэддэг, ажил нь гарт нь орсон байсан бол 5-6 нүүр шүүхийн шийдвэрийг яс суувал 2 цагийн дотор биччихнэ ээ!

Өмнөх хуулийн заалтаараа 7 хоногийн дотор шүүхийн шийдвэрийг бичих ёстой байсныг өдгөө 14 хоног болгож өөрчилсөн. Тэгээд байхад шүү.

Би Кино зохиолч хүн. Иймэрхүү шийдвэрийн бүтцийг хараад л хэдэн хэсэгтэй, алинд нь ямар ямар тайлбар орж, алийг нь хэдэн минутанд бичдэгийг мэдэхийн цаагуур мэднэ ээ. Тэгсэн юу вэ, манийгаа “Маллаад” 35 хоног “Бичдэг” байна ш дээ.

СБД-ийн Иргэний хэргийн шүүгчид ээ, ичиж амьдраарай! Иргэдийг бүү доромжлоорой!

Өчигдрийн Шүүхийн хариуцлагагүй байдал, иргэдийг чирэгдүүлдэг процессийн тухай бичсэн постын дараа 2 телевиз, 3 вэбсайт над руу холбогдож, шүүгчдийн ёс зүйн тухай нээлттэй хэлэлцүүлэгээс өгсүүлээд асуудал хөндсөн, эрэн сурвалжлах цуврал нэвтрүүлэг гаргахаар ярилцаж байна.

Өчигдөр тус шүүгчтэй холбоотой гомдлыг би “Шүүхийн ёс зүйн хороо”-нд гаргаж өгсөн ба шүүгчийн хуулиа зөрчсөн, хариуцлагагүй байдалтай холбоотой энэ асуудал дээр ямар шийдвэр гаргасныг 14 хоногийн дараа би Live-аар дамжуулж олон нийтэд шууд мэдээлэх болно.

Өчигдөр, өнөөдөр 2 шүүгчийн туслах утсаар ярилаа.

Өчигдөр өдөр ярихдаа

– Шүүгч таны гаргасан хүсэлтийн дагуу хариуцагч талын өмгөөлөгчийн хамт уулзаж учир байдлыг тань сонсоё гэлээ.

– Уучлаарай, уг нь энэ асуудал зүгээр л зарчмын асуудал. Шүүгч нь хуулиа зөрчсөн тухай асуудал. Одоо надад уулзаж гомдоллох шаардлага байхгүй ээ. “Шүүхийн ёс зүйн хороо”-нд би албан ёсоор гомдлоо гаргасан гэв.

Гэтэл өнөөдөр ярихдаа

– Шүүхийн анхан шатны шийдвэр гарсан тул хуулийн дагуу 14 хоног дотор давж заалдаж болно. Нөгөө тал ч гэсэн анхан шатны шийдвэрийн дагуу төлбөрөө төлье гэж хэлүүлсэн. Шүүгч таниас уучлал гуйж байна гэв.

Өчигдөрхөн “Ажлын ачаалал их байсан. Гарын үсэгээ зур” гэж байсан нөхөд өнөөдөр гэнэт ухаан орсон нь энэ. Шүүгч нар надаас гадна хичнээн иргэдэд яг ийм байдлаар зүгээр л “Уучлал гуйсан болоод” өнгөрөх вэ?!

Иргэн хүн шүүгчийн хайнга хандаж, чирэгдэл учруулсанд нь гомдол гаргаж, хяналтын шатны байгууллагад нь хандангуут “Юу болов?” гэмээр уриалгахан болох нь юуны учир вэ?

Уг нь энэ хэрэг 2021 оны 10 сард шүүхэд хандсанаар эхэлсэн. Шүүх хурал “Шүүгч ажлын ачаалал ихтэй байгаа” гэдэг шалтгаанаар бараг 5-6 сарын дараа арай гэж товлогдсон. Дараа нь бид өмгөөлөгчөө сольж, уг хэрэгт холбогдох Олон Улсын байгууллагыг Гэрчээр дуудуулах хүсэлт тавьж, дунд нь шүүгч амарч, хариуцагч талын төлөөлөгчийн итгэмжлэлийн хугацаа дууссан тул дахин хойшлогдож явсаар арайхийн 2022 оны 12 сард анхан шатны шүүх хурал болсон. 1 жил 2 сарын дараа…

Энэ бүгдэд би маш тэвчээртэйгээр СБД-ийн Иргэний хэргийн шүүхийг болон шүүгчийг хуулийн дагуу ажиллана гэж итгэж хүлээсэн. Гэтэл шүүх хурал болсноос хойш 35 хонож, шахаж шаардуулж, гуйлгаж түүлгэн байж арайхийн анхан шатны шийдвэрээ (5-6 нүүр бичиг) гаргасан нь энэ! Дэндүү цаашаа…” гэжээ.

Continue Reading

Дотоод

Хүрэлсүх хориг тавихаар болжээ

Published

on

By

Монгол Улсын Ерөнхийлөгч “Олон нийтийн сүлжээнд хүний эрхийг хамгаалах тухай” хуульд бүхэлд нь хориг тавихаар боллоо. Даваа гарагт энэ талаар Ерөнхийлөгчийн Тамгын газраас мэдээлэл хийнэ.

Намрын чуулганы отгон хуралдаанд УИХ-ын гишүүн Н.Учрал нийгэмд шуугиад буй Олон нийтийн сүлжээнд хүний эрхийг хамгаалах хуулийг оруулж, батлуулсан. Энэхүү хууль нь хоёрдугаар сарын 1-нээс шууд хэрэгжиж эхлэхээр байгаа юм. Тиймээс олон нийтийн хэл амыг дагуулсан энэхүү хуулийн онцлох заалтуудыг хүргэж байна.

Таван бүлэгтэй тус хуулийн зорилго нь Монгол Улсын Үндсэн хууль, Хүүхэд хамгаалах тухай хууль, Кибер аюулгүй байдлын тухай хууль, Гэмт хэрэг, зөрчлөөс урьдчилан сэргийлэх тухай хууль, Садар самуун явдалтай тэмцэх тухай хууль, энэ хууль болон эдгээр хуультай нийцүүлэн гаргасан хууль тогтоомжийн бусад актаас бүрдэнэ хэмээн тус хуулийн 2.1-т заасан байна.

ХУУЛИЙН ҮЙЛЧЛЭХ ХҮРЭЭ:

Дээрх хуулийн үйлчлэх хүрээ нь тус хуулийн 3.1-т Энэ хуулиар олон нийтийн сүлжээнд хүний эрх, хууль ёсны ашиг сонирхол зөрчигдөхөөс хамгаалах, хууль тогтоомжийн хэрэгжилтийг хангуулах, соён гэгээрүүлэхтэй холбоотой харилцаанд үйлчилнэ гэж зааж. Мөн тус хуулийн 3.2-т Олон нийтийн сүлжээгээр гурваас доош тооны хэрэглэгч хоорондоо харилцахад энэ хууль үйлчлэхгүй гэж заасан байна.

НЭР ТОМьЁОНЫ ТАЙЛБАР:

Тус хуулийн нэр томьёоны тодорхойлолтод “контентыг нийтлэх” гэж хэрэглэгч контентыг олон нийтийн сүлжээнд нийтэд нээлттэй хүргэхийг хэлж байгаа аж. Харин “контент түгээх” гэж нийтэлсэн контентыг олон нийтийн сүлжээнд бусад этгээдэд дамжуулахыг хэлжээ. Нөгөөтэйгүүр “үйлчилгээ эрхлэгч” гэж олон нийтийн сүлжээний үйлчилгээ үзүүлж байгаа этгээдийг хэлнэ.

“Хэрэглэгч” гэж олон нийтийн сүлжээнд бүртгэгдсэн, хэрэглэгчийн хаягтай хүн, хуулийн этгээдийг гэж заасан байна. Харин “хэрэглэгчийн хаяг” гэж олон нийтийн сүлжээнд хэрэглэгчийг ялган таних зориулалт бүхий үг, үсэг, тоо болон бусад тэмдэгтээс бүрдсэн мэдээллийг гэж тусгасан байна.

Тус хуулийн 4.1.12-т “хүний хувийн мэдээлэл” гэж Хүний хувийн мэдээлэл хамгаалах тухай хуулийн 4.1.11-т заасан мэдээллийг ойлгоно гэсэн байна.

Тэгвэл тэрхүү хуулийн 4.1.11-т “хүний хувийн мэдээлэл” гэж хүний эмзэг мэдээлэл болон хүний эцэг /эх/-ийн нэр, өөрийн нэр, төрсөн он, сар, өдөр, төрсөн газар, оршин суугаа газрын хаяг, байршил, иргэний бүртгэлийн дугаар, хөрөнгө, боловсрол, гишүүнчлэл, цахим тодорхойлогч, хүнийг шууд болон шууд бусаар тодорхойлох, эсхүл тодорхойлох боломжтой бусад мэдээллийг хэмээн заажээ.

УИХ-ын чуулганы өнөөдрийн хуралдаанаар Олон нийтийн сүлжээнд хүний эрхийг хамгаалах тухай хуулийн төслийн эцсийн хэлэлцүүлгийг хийх байсан ч АН-ын бүлэг завсарлага авлаа.

Энэ үеэр Цахим хөгжил, харилцаа холбооны сайд Н.Учрал “Энэ хуулийг анх 2017 онд боловсруулсан. Холбогдох байгууллага болон олон улсын байгууллагуудын саналыг хангалттай авсан. ХЭҮК-ынхон ажлын хэсэгт орж, тодорхой саналууд хэлсэн. Цахимаар залилах гэмт хэрэг нэг жилийн дотор 93.8 хувиар, цахимаар хүүхдэд садар самууныг сурталчлах гэмт хэрэг 2.8 дахин өссөн байна.

Эдгээр тоо өдөр тутам өссөөр байгаа тул ийм төрлийн гэмт хэргээс урьдчилан сэргийлэх шаардлагатай байна.

Өчигдрийн хувьд “Нийтийн албан тушаалтан хүний хувийн мэдээллийг олон нийтийн сүлжээнд зөвшөөрөлгүйгээр нийтлэх, түгээхийг хориглоно” гэсэн 6.3 дахь заалтыг нийгэм буруу ойлгож шүүмжилсэн тул хассан. Мөн нэр бүхий сэтгүүлчдийн санал болгосноор “олон нийтэд нөлөө бүхий этгээдүүд” гэдэг энэ заалтыг хуулийн төслөөс хассан” гэсэн тайлбарыг хийсэн юм. 

УИХ-ын дарга Г.Занданшатар АН-ын бүлэгт өнөөдрийн 14 цаг хүртэл завсарлага өгснөөр уг хуулийн төслийн хэлэлцүүлэг үдээс хойших хуралдаан руу шилжив.

Өнөөдөр /2023.01.24/ Ардчилсан намаас УИХ-ын гишүүн Н.Учралын 3 хоногийн дотор УИХ-аар батлуулсан хуулийн талаар хэвлэлийн бага хурал хийлээ. Хэвлэлийн хуралд Ардчилсан намын Дэд дарга Б.Ган-Очир, ҮБХ-ны гишүүн, Сурталчилгаа, Хэвлэл мэдээллийн газрын дарга О.Батханд нар оролцлоо. 

Ардчилсан намын Дэд дарга Б.Ган-Очир: “Өнөөдөр бид бүгдийн мэдэж байгаа “Троллын тухай хууль буюу Олон нийтийн сүлжээнд хүний эрхийг хамгаалах тухай” хууль. Харин бодит амьдрал дээр “Олон нийтийн сүлжээнд дарга нарын эрхийг хамгаалах тухай” хуулийн талаар бид мэдээлэл хийж байна. 
Энэ хууль батлагдахад  хоёр гол шалтгаан байна. 

НЭГДҮГЭЭРТ, Цахим Хөгжлийн Яамны Сайд Н.Учрал өөрийн улс төрийн аав У.Хүрэлсүхэд барьж буй бэлэг. 

ХОЁРДУГААРТ, Монгол улсын Ерөнхий Сайд Л.Оюун-Эрдэнэ, Засгийн Газрын Хэрэг Эрхлэх Газрын дарга Д.Амарбаясгалан нар “Монгол орны хөгжлийн хөтөлбөр” гэдэг гол тэргүүлэх чиглэлээ барьж аваагүй учраас салбарын сайд хүссэн үедээ өөрийн салбарын асуудлыг монголын хамгийн чухал асуудал гэж үзэж байна.

Иймд Ардчилсан намын зүгээс гурван гол алхам хийнэ. 
НЭГДҮГЭЭРТ, Монгол Улсын Ерөнхийлөгчид хориг тавь гэх албан бичгийг хүргүүлнэ. Гэвч үүнд итгэхгүй байна.

ХОЁРДУГААРТ, Үндсэн Хуулийн Цэцэд бичиг өгнө. Гэвч Үндсэн Хуулийн Цэц ерөөсөө шийдвэр гаргахгүй гэдэгт итгэлтэй байна.

ГУРАВДУГААРТ, Энэ хууль батлагдвал өөрийн үг, үзэл бодлыг талбай дээр гарч илэрхийлнэ. Цахим Хөгжлийн Яамыг огцрохыг шаардана. Дагаад Монгол Улсын Ерөнхий Сайд Л.Оюун-Эрдэнэ,  Засгийн Газрын ХЭГ-ын дарга Д.Амарбаясгалан нарыг огцрохыг шаардана. 

Монгол Улсын Засгийн Газар иргэдийнхээ мөнгийг нь булаалаа, ажлын байрыг нь булаалаа, хоолыг нь булаалаа, бензинийг нь булаалаа, гадаадад гарах визүүдийг нь булаалаа, одоо сүүлдээ үгийг нь булааж байна. Үүний дараа монголчуудад юу үлдэх вэ? Эхэнд нь мөнгө байсан.

Эцэст нь бидэнд ганцхан үг л байна. Бусад бүх зүйлээ булаалгалаа. Амьдрах орчноо булаалгалаа. Улсын төсвөө булаалгалаа. Байгалийн баялгаа булаалгалаа. Шударга хуваарилалтаа булаалгалаа. 

Одоо гадагшаа явах мөрөөдөлтэй ч виз нь гардаггүй залуучууд, цалингаа аваад яг маргааш нь зээл нь дуусдаг хүмүүс, цалин нь цагтаа буухгүй бол чанаргүй зээлдэгч болдог ийм хүмүүс болж хувирлаа. Үг хэлэх, үзэл бодлоо илэрхийлэх гэдэг нь Ардчилсан намын 32 жилийн өмнө тунхаглаж гарч ирсэн хамгийн гол зүйл юм.

Үүнийг хэзээ ч эрх баригчдад булаалгахгүй. Цаашид бид 21 аймаг 9 дүүргийн салбар нэгжүүддээ хэлэлцүүлэг явуулна. Ерөнхийлөгчид найдах хэрэггүй, ҮХЦ-д найдах хэрэггүй. Одоо иргэд өөрсдийнхөө үг хэлэх эрхэд найдахаас өөр сонголтгүй болсон” гэлээ.

УИХ-ын Аюулгүй байдал, гадаад бодлогын байнгын хорооны өнөөдрийн (2023.01.20) хуралдаан 09 цаг 41 минутад 52.6 хувийн ирцтэй эхэлж, Олон нийтийн сүлжээнд хүний эрхийг хамгаалах тухай хуулийн төсөл болон хамт өргөн мэдүүлсэн бусад хуулийн төслүүдийг эцсийн хэлэлцүүлгийг хийлээ. Ажлын хэсгийн танилцуулгыг УИХ-ын гишүүн Б.Баттөмөр танилцуулав.

Засгийн газраас 2023 оны нэгдүгээр сарын 18-ны өдөр өргөн мэдүүлсэн Олон нийтийн сүлжээнд хүний эрхийг хамгаалах тухай хуулийн төсөл болон хамт өргөн мэдүүлсэн бусад хуулийн төслүүдийн анхны хэлэлцүүлгийг 2023 оны нэгдүгээр сарын 19-ний өдрийн УИХ-ын чуулганы нэгдсэн хуралдаанаар хэлэлцэж, эцсийн хэлэлцүүлэгт бэлтгүүлэхээр Аюулгүй байдал, гадаад бодлогын байнгын хороонд шилжүүлсэн юм.

Тус Байнгын хороо дээрх хуулийн төслүүдийг Монгол УИХ-ын чуулганы хуралдааны дэгийн тухай хуулийн 42 дугаар зүйлийг баримтлан эцсийн хэлэлцүүлэгт бэлтгэжээ.

Байнгын хорооны хуралдаанаар хуулийн төслүүдийн анхны хэлэлцүүлгийг нэгдсэн хуралдаанаар явуулах үед төслийн зарим зүйл, заалтыг гүйцээн боловсруулж, хуулийн холбогдох зүйл, хэсэг, заалттай уялдуулахаар санал хураалт явуулахгүй, нээлттэй үлдээж,

Байнгын хороонд шилжүүлсний дагуу бэлтгэсэн саналын томьёоллууд болон санал хурааж дэмжигдсэн боловч Байнгын хорооны хуралдаанаар дахин санал хураалгах шаардлагатай гэж үзсэн саналыг мөн бэлтгэсэн болохыг Б.Баттөмөр гишүүн танилцуулав.

Байнгын хороо нэгдсэн хуралдааны анхны хэлэлцүүлгээр олонхын дэмжлэг авсан саналуудыг хуулийн төслийн холбогдох зүйл, хэсэг, заалтад нэмж тусган, төслийн агуулга, бодлого, зарчмыг алдагдуулахгүйгээр үг хэллэг, дэс дарааллын шинжтэй засварыг хийж, эцсийн хэлэлцүүлэгт бэлтгэсэн төсөл, Байнгын хорооноос бэлтгэсэн зарчмын зөрүүтэй саналын томьёоллууд болон хуулийн төслийг эцсийн хэлэлцүүлэгт бэлтгэсэн байна.

Монгол УИХ-ын чуулганы хуралдааны дэгийн тухай хуулийн 42 дугаар зүйлийн 42.1.3-ын дагуу дээрх танилцуулгатай холбогдуулан гишүүд асуулт асуух дэгтэй. Харин өнөөдрийн хуралдаанд оролцсон УИХ-ын гишүүд асуулт асуух шаардлагагүй хэмээн үзсэн тул зарчмын зөрүүтэй саналын томьёоллуудаар тус бүрд нь санал хураалт явуулан шийдвэрлэсэн юм.

Ийнхүү Олон нийтийн сүлжээнд хүний эрхийг хамгаалах тухай хуулийн төсөл болон хамт өргөн мэдүүлсэн бусад хуулийн төслүүдийг эцсийн хэлэлцүүлгийг хийж, энэ талаарх санал, дүгнэлтээ чуулганы нэгдсэн хуралдаанд танилцуулахаар боллоо гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.  

Continue Reading

Дотоод

Иргэдээс 60-20,000 доллар залилсан байж болзошгүй үйлдлийг шалгаж байна

Published

on

By

Цахим орчинд “FT group”, “Familymart”, “Wayfair” гэх нэршилтэй хэрэглээний программ гар утсандаа татан ашиглаж, олон улсын арилжааны биржээр дамжуулан цахим хэтэвч нээж, иргэдээс 60-20,000 ам.долларын барьцаа байршуулж дээрх аппликейшнийг 1 жилийн хугацаанд нээлттэйгээр ашиглаж сурталчилгаа түгээж,

элссэн үнийн дүнгээс хамаарч өдөр бүр 2-50 ам.долларын урамшууллыг олгоно гэх үйл ажиллагаагаар иргэдэд их хэмжээний хохирол учруулж залилсан байж болзошгүй үйлдэлд Цагдаагийн байгууллагаас мөрдөн шалгах ажиллагаа явуулж байна.

Бусдад залилуулсан байж болзошгүй иргэд нь өөрсдийн болон бусдын орон сууц, тээврийн хэрэгслийг зарах, барьцаалах, өөрсдийн болон хүүхдийнхээ хадгаламжийг барьцаалж зээл авах, хамаарал бүхий хүмүүсээ элсүүлэх, эмчилгээнд хадгалсан мөнгө зэргээ оруулж, залилуулсан байна. “FT group” аппликейшн нь манай улсын иргэдэд зориулан Монгол хэлний тайлбартайгаар цэс нээж, онлайн худалдааны сайт руу хандан даалгавар биелүүлж, урамшуулал авах байдлаар үйл ажиллагаа явуулсан.

Дээрх залилах хэрэг нь 2022 оны 11 дүгээр сард Монгол улсад үйл ажиллагаагаа эхлүүлэн 2023 оны 01 дүгээр сарын 24-ний өдөр үйл ажиллагаа явуулахаа больж, хаагдсан байна. 

Иймд иргэд та бүхэн дээрх залилах үйл ажиллагаатай холбоотойгоор таны хохирлыг төлж барагдуулна, хохиролгүй болгож өгнө гэх мэтчилэн хэн нэгний худал үгэнд итгэж, мөнгө шилжүүлэхгүй байж, хохирсон иргэд цагдаагийн байгууллагад хандахыг зөвлөж байна.

Цагдаагийн Ерөнхий Газрын Хэвлэл мэдээллийн төв

Continue Reading

Онцлох мэдээ

DMCA.com Protection Status